ახალი ამბები
პრემიერ-მინისტრი ქუთაისში სხვადასხვა რეგიონის სტუდენტებს შეხვდა
FaceBook
საქართველოს პრემიერ-მინისტრი ირაკლი კობახიძე ქუთაისში, აკაკი წერეთლის სახელობის უნივერსიტეტში სამუშაო ვიზიტით იმყოფებოდა, რის გამოც სასწავლებლის პირველ კორპუსში ლექციები არ ჩატარებულა.
"დილით უნივერსიტეტში რომ მოვედით, გვითხრეს, რომ ლექციები გაუქმდა. პირველ კორპუსში წინა ორი კარი ჩაკეტეს და დაცვამ არ შეგვიშვა. ხალხი უკანა მხრიდან მესამე კარიდან შედის, ჩვენ იქაც არ გვიშვებენ. უკანა ეზოში მხოლოდ ჭიშკრიდან გასვლის უფლებას თუ მოგვცემენ, დიდხანს უკანა ეზოშიც არ გვაჩერებენ,"- ამბობს წერეთლის უნივერსიტეტის მესამე კურსის სტუდენტი ინგლისური ფილოლოგიის მიმართულებით თეკლა სვანიძე.

შეხვედრა კურსდამთავრებულთა ანაზღაურებად სტაჟირების პროგრამას ეხებოდა. ღონისძიება სპეციალურად რეგიონალური სახელმწიფო უნივერსიტეტების სტუდენტებისთვის მოეწყო, რის გამოც  სტუდენტები ბათუმის, გორის, თელავის, ზუგდიდის და ახალციხის სახელმწიფო უნივერსიტეტებიდან ჩამოიყვანეს. ღონისძიებას ასევე დაესწრნენ წერეთლისა და ქუთაისის საერთაშორისო უნივერსიტეტების სტუდენტები. 

პრემიერ-მინისტრის თქმით, პროგრამის ფარგლებში, რომელიც სავარაუდოდ, სექტემბრისთვის ანუ არჩევნებამდე ერთი თვით ადრე უნდა განხორციელდეს, 3000 კურსდამთავრებულს საშუალება მიეცემა სტაჟირება სხვადასხვა სახელმწიფო უწყებაში გაიაროს. 

''პროგრამა საპილოტე რეჟიმში განხორციელდება. გვექნება დაახლოებით 4-თვიანი სტაჟირების პროგრამა. ვითანამშრომლებთ ადგილობრივი თვითმმართველობის ორგანოებთან და კერძო სექტორთან, რათა ჩვენი კურსდამთავრებულები აქაც დასაქმდნენ. პროგრამის ამოცანაა კურსდამთავრებულებს გავუადვილოთ დასაქმება. იმისთვის, რომ ეს პროგრამა დავხვეწოთ, თქვენი მოსაზრებებიც უნდა მოვისმინოთ,'' - მიმართა ირაკლი კობახიძემ სტუდენტებს, რის შემდეგაც შეხვედრა მედიისთვის დაიხურა. 

სტუდენტებმა დახურულ შეხვედრაზე პროგრამის შესახებ ვრცლად მოისმინეს და პრემიერ-მინისტრს კითხვები დაუსვეს. 

ღონისძიებაზე იმყოფებოდა საქართველოს განათლებისა და მეცნიერების მინისტრი გიორგი ამილახვარიც. 

''განათლების მინისტრმა და პრემიერმა წარმოგვიდგინეს თავიანთი კონცეფცია ამ პროგრამის შესახებ. ჩვენც გვქონდა კითხვები. ამ პროგრამით დავინტერესდი და მონაწილეობას აუცილებლად მივიღებ,,''-ამბობს იაკობ გოგებაშვილის სახელობის თელავის სახელმწიფო უნივერისტეტის ეკონომიკის საგანმანათლებლო პროგრამის მეოთხე კურსის სტუდენტი კესო სახიაშვილი. 

კურსდამთავრებულებისთვის დასაქმების ხელშეწყობის პროგრამის შექმნის შესახებ ირაკლი კობახიძემ ჯერ კიდევ პრემიერ-მინისტრად დანიშვნიდან ორი კვირის შემდეგ ისაუბრა.
Print E-mail
FaceBook Twitter
მსგავსი სიახლეები
ოპოზიციური პარტიები სანქციებთან დაკავშირებით აშშ-ის
სახელმწიფო მდივნის, ენტონი ბლინკენის განცხადებას ეხმაურებიან.
15:10 / 24.05.2024
ოპოზიციური პარტიები სანქციებთან დაკავშირებით აშშ-ის სახელმწიფო მდივნის, ენტონი ბლინკენის განცხადებას ეხმაურებიან.
სახალხო დამცველი საქართველოს მთავრობას მოუწოდებს,
გაატაროს მკაცრი პოლიტიკა იმ პირების მიმართ, რომლებიც ქალთა მიმართ
დანაშაულებს ჩადიან.
14:52 / 24.05.2024
სახალხო დამცველი საქართველოს მთავრობას მოუწოდებს, გაატაროს მკაცრი პოლიტიკა იმ პირების მიმართ, რომლებიც ქალთა მიმართ დანაშაულებს ჩადიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.