ახალი ამბები
ჭიათურაში, სადგურის მიმდებარედ, საფეხმავლო ხიდი მოეწყობა
FaceBook
ჭიათურის მუნიციპალიტეტში, რკინიგზის სადგურის მიმდებარედ, საფეხმავლო ხიდის მოწყობა იგეგმება.
ამ მიზნით, მერიას 663 087 ლარის  ღირებულების ტენდერი [NAT240002948] აქვს გამოცხადებული.

აღნიშნული ხიდი თავისუფლებისა და ალექსანდრე ყაზბეგის ქუჩებს შეაერთებს და სარკინიგზო და საავტომობილო მაგისტრალების მიერ გაყოფილ ტერიტორიებს დააკავშირებს. ამასთან, ხიდს ექნება დამატებით კიბეების საშუალებით მისაწვდომობა ილია ჭავჭავაძის ქუჩიდან.

როგორც განმარტებით ბარათშია აღნიშნული, ხიდის განთავსების ადგილი რთული რელიეფით გამოირჩევა, რის გამოც თავისუფლების ქუჩიდან ხიდზე გადაადგილება პირდაპირ ტროტუარიდან იქნება შესაძლებელი. ხიდის მეორე მხარეს, ალექსანდრე ყაზბეგის ქუჩაზე გადაადგილება კი კიბეების საშუალებით იქნება შესაძლებელი, რომელიც ადაპტირებული იქნება შშმ პირებისთვის.

ხიდზე მოეწყობა პანორამული ხედვის „ჯიბეები“, ასევე, ტურისტებისთვის განსაზღვრულია სივრცეები, სადაც  დასასვენებელი სკამები იქნება განთავსებული.   

„არქიტექტურული და კონსტრუქციული გადაწყვეტით, ხიდის ძირითადი კონსტრუქცია შესრულდება ლითონის ფერმებით, ლითონისავე საყრდენი ბურჯებით რკინაბეტონის ბალიშებზე დაყრდნობით. ხიდის ძირითად არქიტექტურულ-ესთეტიკურ იერს ქმნის ლითონის ჩარჩო არკადა, რომელიც დინამიკაში მოყავს ამ ჩარჩო კონსტრუქციულ ელემენტების მორიგეობით რითმიკულ გადახრას თავისივე ცენტრის გარშემო, რაც ძალზედ საინტერესო კომპოზიციას გვთავაზობს. ეს არკადა აღჭურვილი იქნება განათების სისტემით, რომელიც იმართება DMX- პროტოკოლის მეშვეობით და უზრუნველყოფს ნათების ტიპის და ფერის დინამიკაში ცვლას, რაც ძალიან ეფექტური იქნება საღამო საათებში, პერიოდულობით სადღესასწაულო განწყობის შესაქმნელად“,- აღნიშნულია პროექტში.



ადგილზე, სადაც საფეხმავლო ხიდი უნდა მოეწყოს, რკინიგზაზე გადასასვლელი ხიდი იყო, რომლის დემონტაჟიც ავარიულობის გამო განხორციელდა. ამიტომ, მოსახლეობას ერთი მხრიდან მეორეზე გადასასვლელად უწევს მიწისქვეშა გადასასვლელით სარგებლობა.
Print E-mail
FaceBook Twitter
მსგავსი სიახლეები
რუსული კანონის წინააღმდეგ მოქალაქეების მშვიდობიანი პროტესტი, გუშინ,
17 აპრილს, თითქმის მთელი ღამის განმავლობაში გრძელდებოდა.
08:13 / 18.04.2024
რუსული კანონის წინააღმდეგ მოქალაქეების მშვიდობიანი პროტესტი, გუშინ, 17 აპრილს, თითქმის მთელი ღამის განმავლობაში გრძელდებოდა.
რუსული კანონის პირველი მოსმენით მიღებას ქუთაისში პროტესტით
გამოეხმაურებიან.
15:30 / 17.04.2024
რუსული კანონის პირველი მოსმენით მიღებას ქუთაისში პროტესტით გამოეხმაურებიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.