ახალი ამბები
"სულიკოს" ყოფილი შენობის ადგილზე, შესაძლოა, 12-სართულიანი კორპუსი აშენდეს
FaceBook
კინოთეატრ „სულიკოს“ ადგილზე, შესაძლოა, 12 სართულიანი საცხოვრებელი კორპუსი აშენდეს. 
პროექტი ქუთაისის მერიის შესაბამის სამსახურში უკვე შეტანილია. სწორედ მათი ნებართვის შემდეგ დაიწყება მშენებლობა, მანამდე კი შენობის სადემონტაჟო სამუშაოები მიმდინარეობს.

ყოფილი კინოთეატრის ტერიტორიაზე მრავალფუნქციური ობიექტის სამშენებლო სამუშაოებს კომპანია „ლურჯი ჰაუსი“ განახორციელებს.

აღნიშნულის შესახებ "ქუთაისიპოსტს" ობიექტის ახალი მეპატრონის წარმომადგენელმა მიხეილ ჩუბინიძემ განუმარტა, რომელიც ასევე, აღნიშნული კომპანიის დირექტორია. 

„სავაჭრო ცენტრი და საცხოვრებელი სახლი იქნება ერთად, ოფისებიც, მრავალფუნქციური იქნება. 12 სართულიანს ვფიქრობთ. ჯერჯერობით ნებართვა არ გვაქვს, ახლა შევიტანეთ პროექტი მერიაში“,- განმარტავს შპს „ლურჯი ჰაუსის“ დირექტორი მიხეილ ჩუბინიძე. 

კინოთეატრის ყოფილი  შენობა, სადაც წლების განმავლობაში ,,ქუთაისის ახალგაზრდული ცენტრი’’ ფუნქციონირებდა, კერძო პირმა ვიტალი ონიანმა იყიდა. თუ რა ფასად შეიძინა, ამას ახალი მფლობელი არ აკონკრეტებს.

ირაკლი აბაშიძის გამზირი 14ა-ში მდებარე "სულიკოს" შენობა 80-იან წლებში აშენდა. ობიექტი თავიდნვე კინოთეატრისთვის იყო გათვალისწინებული.

ადგილზე "სულიკო" 1982 წელს გაიხსნა, რომელმაც მხოლოდ 5 წელი იარსება. 2004 წლიდან შენობა კერძო მესაკუთრის ხელში გადავიდა, რის შემდეგაც იქ სხვადასხვა გასართობი ცენტრი გაიხსნა. 2013 წლიდან კი ადგილზე "ქუთაისის ახალგაზრდული ცენტრი’’ იყო განთავსებული.

ამავე თემაზე:

ყოფილ კინოთეატრ ,,სულიკოს’’ შენობას დაანგრევენ

ყოფილი კინოთეატრის ,,სულიკოს’’ შენობა გაიყიდა

"ნაცნობი-უცნობი ქუთაისი" - რა ისტორია უკავშირდება ქუთაისში გასართობ ცენტრ "სულიკოს" ყოფილ შენობას?

Print E-mail
FaceBook Twitter
მსგავსი სიახლეები
რუსული კანონის წინააღმდეგ მოქალაქეების მშვიდობიანი პროტესტი, გუშინ,
17 აპრილს, თითქმის მთელი ღამის განმავლობაში გრძელდებოდა.
08:13 / 18.04.2024
რუსული კანონის წინააღმდეგ მოქალაქეების მშვიდობიანი პროტესტი, გუშინ, 17 აპრილს, თითქმის მთელი ღამის განმავლობაში გრძელდებოდა.
რუსული კანონის პირველი მოსმენით მიღებას ქუთაისში პროტესტით
გამოეხმაურებიან.
15:30 / 17.04.2024
რუსული კანონის პირველი მოსმენით მიღებას ქუთაისში პროტესტით გამოეხმაურებიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.