ახალი ამბები
ქუთაისში, სულხან-საბას გამზირზე, მზის ფოტოელექტრო სადგური მოეწყობა
FaceBook
ქუთაისის მუნიციპალური სატრანსპორტო კომპანიისათვის 100 კილოვატიანი სიმძლავრის მზის ფოტოელექტრო სადგურის მოწყობა იგეგმება.
ამ მიზნით ქალაქის მერია 228 971 ლარის  ღირებულების ტენდერს [NAT240002895] აცხადებს.

აღნიშნული შესყიდვა პროექტის - „მერები ეკონომიკური ზრდისთვის“ ფარგლებში განხორციელდება.

როგორც სახელმწიფო შესყიდვების ვებგვერდზე ატვირთულ დოკუმენტებშია მითითებული, ფოტოელექტო სადგურები დღეისათვის აქტუალურ თემას წარმოადგენს, რომელთა მოწყობის შემთხვევაში ნებისმიერო კომპანია ობიექტის ელექტრომომარაგებას ეფექტური და ეკონომიური პარამეტრების გაზდით ახორციელებს.

„ფოტო-ელექტროსადგურის ფუნქციონალობიდან გამომდინარე, განხილული იქნა ქსელური ტიპის სისტემის დამონტაჟება, რის საფუძველზეც სატრანსპორტო კომპანია ენერგო-პროს ქსელში ჩართავს აღნიშნულ სისტემას და ისევე როგორც გასცემს, ასევე მიიღებს ელექტროენერგიას“,- ვკითხულობთ დოკუმენტში.

სამუშაოები ხელშეკრულების დადებიდან დაახლოებით 4 თვეში უნდა დასრულდეს.

როგორც სატენდერო დოკუმენტებშია აღნიშნული, სამუშაოების შესრულების პროცესში მშენებელმა უნდა უზრუნველყოს სამუშაო ადგილის შემოფარგვლა და დამცავი გამაფრთხილებელი თვალსაჩინოების დაყენება.

ამასთან, მომუშავენი უზრუნველყოფილი უნდა იყვნენ ინდივიდუალური დაცვის საშუალებებით და ასევე უნდა სრულდებოდეს საერთო კოლექტიური დაცვის ღონისძიებებიც. აუცილებელია უსაფრთხოების ტექნიკის, საწარმოო სანიტარიის და ხანძარსაწინააღმდეგო მოქმედი წესების, ნორმებისა და ინსტრუქციების დაცვა.

დაინტერესებულთათვის წინადადების მიღება 20 თებერვალს იწყება და 23-ში სრულდება.

ქუთაისში, მზის ფოტოელექტრო სადგურის მოწყობისთვის საპროექტო-სახარჯთაღრიცხვო დოკუმენტაციის შედგენაზე მერიამ 7 000 ლარის ღირებულების ტენდერი გასულ წელს გამოაცხადა, სადაც შპს "მაელმა" გაიმარჯვა. 

მზის ენერგია, ყველა სხვა ტრადიციული ენერგიის წყაროსგან განსხვავებით, პრაქტიკულად ამოუწურავი და ეკოლოგიურად უსაფრთხოა.

საქართველოს მზის ენერგიის მიღებისა და გამოყენების საკმაოდ მაღალი პოტენციალი აქვს. უმეტეს რაიონში მზის ნათების წლიური ხანგრძლივობა 250-დან 280 დღემდე მერყეობს, რაც წელიწადში 1900-2200 საათს შეადგენს.

საქართველოში მზის ენერგიის სრული წლიური პოტენციალი 110მგვტ-მდე სიმძლავრითაა შეფასებული, რაც წლიურად 34 ათასი ტონა პირობითი სათბობის ექვივალენტურია.
Print E-mail
FaceBook Twitter
მსგავსი სიახლეები
ქუთაისში, მედიისა და სამოქალაქო სექტორის წარმომადგენლებმა
14:30 / 12.04.2024
ქუთაისში, მედიისა და სამოქალაქო სექტორის წარმომადგენლებმა "ოცნების" მიერ ინიცირებული "უცხოური გამჭვირვალობის შესახებ" კანონპროექტი, იგივე რუსული კანონი გააპროტესტეს.
პროკურატურის ცნობით, თბილისის საქალაქო სასამართლომ 
11:51 / 12.04.2024
პროკურატურის ცნობით, თბილისის საქალაქო სასამართლომ  "ქურდული სამყაროს“  წევრობასა და  "ქურდული სამყაროს“  საქმიანობის მხარდაჭერაში ბრალდებული 10 პირი დამნაშავედ ცნო.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.