ახალი ამბები
ტრაგედიის მესამე დღე ნერგეეთში - მიმდინარეობს ტერიტორიის გაწმენდა
FaceBook
ბაღდათის მუნიციპალიტეტის სოფელ ნერგეეთში მეწყერის შედეგად დაღუპულებს გლოვობენ.
სტიქიის ზონაში გზა უკვე გაიწმინდა, ახლა კი იმ ტერიტორიის გასუფთავება ხდება, სადაც 4 სახლი იდგა, რომელიც მეწყერმა მიწის მასაში ჩაიტანა.

ბაღდათის მერის კახა ენუქიძის განმარტებით, პარალელურად, კომუნიკაციების აღსადგენად სამუშაოები მიმდინარეობს. მოსახლებას ამ დრომდე არ მიეწოდება ბუნებრივი აირი და ელექტროენერგია.

„ამ მომენტისთვის მიმდინარეობს ჩამოშლილი მასის გაწმენდა-დატერასება. ასევე მიმდინარეობს კომუნიკაციების აღდგენა. „სოკარი“, „ენერგო პრო“ - თავიანთ სამუშაოებს ასრულებენ. სავარაუდოდ, ხვალისთვის აღდგენილი იქნება ყველა კომუნიკაცია“,- განმარტავს ბაღდათის მერი.

სტიქიის ზონიდან 7 ოჯახი დროებით თავშესაფარშია გადაყვანილი და გეოლოგების დასკვნას ელოდებიან, რის შემდეგაც გადაწყდება, ამ ადამიანებს სახელმწიფო საცხოვრებლებს შეუძენს, თუ ნერგეეთში, თავიანთ სახლებში დაბრუნდებიან.

9 გარდაცვლილი, ერთი დაშავებული, მიწის მასაში მოყოლილი ოთხი საცხოვრებელი სახლი და 20 ევაკუირებული ადამიანი - ასეთია სტიქიის შედეგი ბაღდათის სოფელ ნერგეეთში.

სოფელში მეწყერი 7 თებერვალს, ღამის ორ საათზე ჩამოწვა და 4 საცხოვრებელი სახლი მოიყოლა, სადაც ჯამში 10 ადამიანი იმყოფებოდა.

სტიქიის ეპიცენტრში, სამძებრო სამუშაოებს საგანგებო სიტუაციების მართვის სამსახურის 200-ზე მეტი მაშველი, შესაბამისი აღჭურვილობით, ტექნიკით, მცურავი საშუალებებითა და დრონებით უწყვეტ რეჟიმში ახორციელებდა. ძებნა-შველის ღონისძიებაში ჩართული იყო კინოლოგთა ჯგუფი.

გარემოს ეროვნული სააგენტოს ინფორმაციით, სოფელ ნერგეეთში, რთულ ტექტონიკურ და მორფოლოგიურ პირობებთან ერთად, მეწყრული პროცესის ჩასახვა-გააქტიურება, ძირითადად, 5-6-7 თებერვალს მოსულმა უხვმა ატმოსფერულმა ნალექებმა გამოიწვია.

ოფიციალური ინფორმაციით, ნერგეეთში მეწყერის სიმაღლე 30 მეტრი იყო, მეწყრული მასის საორიენტაციო მოცულობა კი 150 000 მ3-ს შეადგენდა. მიწის მასა გზის დაახლოებით 200-მეტრიან მონაკვეთზე ჩამოიშალა.

ამავე თემაზე:

ნერგეეთის მეწყერული ზონიდან 20-მდე ადგილობრივი გაიყვანეს

ნერგეეთში სამძებრო სამუშაოები დასრულებულია, მიმდინარეობს ტერიტორიის გასუფთავება

რამ გამოიწვია მეწყერი ნერგეეთში - გარემოს ეროვნული სააგენტოს განმარტება

Print E-mail
FaceBook Twitter
მსგავსი სიახლეები
ხარაგაულის მუნიციპალიტეტის სოფელ წყალაფორეთში, სადაც გზა ჩაინგრა,
მოსახლეობა დახმარებას ითხოვს.
14:47 / 27.02.2024
ხარაგაულის მუნიციპალიტეტის სოფელ წყალაფორეთში, სადაც გზა ჩაინგრა, მოსახლეობა დახმარებას ითხოვს.
ქუთაისის ე.წ. პრესის სახლის ყოფილ შენობაში, შესაძლოა, 5
ვარსკვლავიანი სასტუმრო განთავსდეს.
13:54 / 27.02.2024
ქუთაისის ე.წ. პრესის სახლის ყოფილ შენობაში, შესაძლოა, 5 ვარსკვლავიანი სასტუმრო განთავსდეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.