ახალი ამბები
"ვმუშაობთ, "მადლიერების სახლის " ახალი პროექტზე "- ქუთაისის მერი
FaceBook
ქუთაისის „მადლიერების სახლი“ გაიყიდება, აღებული თანხით კი ახალი შენობა აშენდება, სადაც "მადლიერების სახლთან" ერთად, სოციალური სამსახურიც განთავსდება.
ამის შესახებ ქუთაისის მერმა იოსებ ხახალეიშვილმა საკრებულოს სხდომაზე ანგარიშის წარდგენისას განაცხადა.

მისი თქმით, ახალი შენობის პროექტზე მერიის არქიტექტურის სამსახური მუშაობს, მაშინ როცა ქონება აუქციონზე ჯერ გატანილი არ არის. 

„გვაქვს მოსაზრება, "მადლიერების სახლის" პრივატიზაცია მოვახდინოთ, მანამდე კი ვმუშაობთ იმისათვის, რომ პროექტი გვქონდეს, თუ როგორი იქნება ახალი მადლიერების სახლი, ის შენობა, სადაც უნდა განთავსდეს სოციალური სამსახურიც. ჩვენი არქიტექტურის სამსახური მუშაობს პროექტზე და პირველი მონახაზი ამ შენობის გვაქვს“,- განმარტა მერმა.

მისივე თქმით, „მადლიერების სახლი“ იმ დათქმით გასხვისდება, რომ ყველა ორგანიზაცია, რომელიც აღნიშნულ შენობაშია, ახალი ობიექტის აშენებამდე აქ გააგრძელებს მუშაობას, ანდა ამისთვის ალტერნატიულ ფართს გამოძებნიან.

„იქნება დათქმა, რომ გარკვეულ ვადაში ვერ დავუთმობთ ინვესტორს ამ ადგილს, იმიტომ რომ უნდა მოხდეს ახლის აშენება, ან თუ შევძელით და მოვიძიეთ ალტერნატიული ფართი იმისათვის, რომ სოციალური სამსახური, სხვა სამსახურები, რომლებიც იქ არიან და რაც მთავარია მადლიერების სახლის სასადილო გადავიტანოთ, მაშინ ეს ინვესტორთან მოსალაპარაკებელი თემა იქნება და შესაძლებელი იქნება ადრიანად დავცალოთ და გადავცეთ მას“,- განმარტა იოსებ ხახალეიშვილმა.

ორსართულიან შენობაში, "მადლიერების სახლთან" ერთად, ამ დროისთვის, შპს "ქართული ტრადიციები 2011", მერიის სოციალური სამსახური, "წითელი ჯვარი" და კიდევ რამდენიმე ორგანიზაციაა განთავსებული. 

მერიის განცხადებით, შენობა თანამედროვე სტანდარტებს ვერ აკმაყოფილებს, ამიტომ საპრივატიზაციო ობიექტების ნუსხაშია შეტანილი. 

ქუთაისის "მადლიერების სახლს“ 650 ბენეფიციარი ჰყავს.

ამავე თემაზე:

რატომ იყიდება ქუთაისის "მადლიერების სახლის" შენობა - მერიის განმარტება

"ეს არის მერის მორიგი ახირება" - "მადლიერების სახლი" გასაყიდი ობიექტების ნუსხაში შეიტანეს







Print E-mail
FaceBook Twitter
მსგავსი სიახლეები
15:17 / 19.07.2024
"ჟღერადი სივრცე" - ასე ქვია ინკლუზიური ცეკვის სპექტაკლს, რომელიც პროექტ, "იცეკვე, იმოძრავე, იმოქმედე"-ს ფარგლებში შეიქმნა.
12:50 / 19.07.2024
"ქართული ოცნების" მიერ ინიცირებული "ამნისტიის შესახებ" კანონპროექტი ქუთაისში გააპროტესტეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.