ახალი ამბები
დაცულ ტერიტორიებზე შესვლის საფასური მარტიდან გაიზრდება
FaceBook
მიმდინარე წლის 1 მარტიდან საქართველოს დაცულ ტერიტორიებზე შესასვლელი ბილეთის ფასები იზრდება.
როგორც დაცული ტერიტორიების სააგენტოში განმარტავენ, ეკოტურიზმის განვითარება და სიახლეების დანერგვა საექსპლუატაციო ხარჯების ზრდასთანაა დაკავშირებული. ამიტომ, იმისთვის, რომ მათი საქმიანობა უფრო ეფექტიანი იყოს, როგორც გარემოსდაცვითი მიმართულებით, ისე ეკოტურიზმის განვითარების კუთხით, აუცილებელი გახდა ბილეთების ფასების ცვლილება.

კერძოდ, მარტვილის კანიონზე შესვლა საქართველოს მოქალაქე/რეზიდენტი პირებისთვის 10.35 ლარის ნაცვალად 12 ლარი ეღირება. უცხო ქვეყნის მოქალაქეებისთვის კი 17.25 ლარის ნაცვალად - 20 ლარი. 15 ლარიდან 20 ლარამდე იზრდება ნავით გასეირნების ღირებულებაც.

ოკაცეს კანიონში შესასვლელი ბილეთის ფასი საქართველოს მოქალაქეებისთვის 12 ლარი იქნება (9,20 ლარის ნაცვალად), უცხო ქვეყნის მოქალაქეებისთვის კი - 20 ლარი (17,25 ლარის ნაცვალად). 

საქართველოს მოქალაქეებისთვის 10,35 ლარიდან 12 ლარამდე იზრდება ოკაცეს (კინჩხა) ჩანჩქერზე შესვლის ღირებულება, უცხო ქვეყნის მოქალაქეებისთვის კი - 17. 25 ლარიდან 20 ლარამდე.

პრომეთეს მღვიმეში შესვლა საქართელოს მოქალაქე/რეზიდენტი პირებისთვის 12 ლარი ეღირება ( 11. 50 ლარის ნაცვალად), უცხო ქვეყნის მოქალაქეებისთვის კი - 25 ლარი (ნაცვლად 23 ლარისა). იზრდება ნავით გასეირნების ღირებულებაც - საქართველოს მოქალაქეებისთვის 11.50 ლარის ნაცვალად 13 ლარი ეღირება, უცხოელებისთვის კი - 17.25 ლარის ნაცვალად 20 ლარი.

სათაფლიაზე შესასვლელი ბილეთის ფასი საქართველოს მოქალაქეებისთვის 8 ლარის ნაცვალად 10 ლარი იქნება, უცხო ქვეყნის მოქალაქეებისთვის კი - 17.25 ლარის ნაცვალად 20 ლარი.

ნავენახევის მღვიმეში შესვლის ფასი საქართველოს მოქალაქე/რეზიდენტი პირებისთვის უცვლელი დარჩება - 8 ლარი, უცხო ქვეყნის მოქალაქეებიისთვის კი 11,50 ლარიდან 12 ლარამდე გაიზრდება.

დაცული ტერიტორიების სააგენტოს ინფორმაციით, 6 წლამდე ბავშვები ტერიტორიაზე უფასოდ დაიშვებიან, 6-18 წლამდე კი შენარჩუნდება 5. 5 ლარი.

მათივე ინფორმაციით, 2023 წელს, სხვადასხვა დაცულ ტერიტორიაზე, მასშტაბური სამუშაოები განხორციელდა, რომელთა ჯამურმა ღირებულებამ თითქმის 22,5 მილიონი ლარი შეადგინა. 






Print E-mail
FaceBook Twitter
მსგავსი სიახლეები
ოპოზიციური პარტიები სანქციებთან დაკავშირებით აშშ-ის
სახელმწიფო მდივნის, ენტონი ბლინკენის განცხადებას ეხმაურებიან.
15:10 / 24.05.2024
ოპოზიციური პარტიები სანქციებთან დაკავშირებით აშშ-ის სახელმწიფო მდივნის, ენტონი ბლინკენის განცხადებას ეხმაურებიან.
სახალხო დამცველი საქართველოს მთავრობას მოუწოდებს,
გაატაროს მკაცრი პოლიტიკა იმ პირების მიმართ, რომლებიც ქალთა მიმართ
დანაშაულებს ჩადიან.
14:52 / 24.05.2024
სახალხო დამცველი საქართველოს მთავრობას მოუწოდებს, გაატაროს მკაცრი პოლიტიკა იმ პირების მიმართ, რომლებიც ქალთა მიმართ დანაშაულებს ჩადიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.