ასე გამოიყურება ქუთაისში, "მონპლეზირის" თაღთან არსებული პოპულარული და ბევრისთვის საყვარელი კედლის მხატვრობა.
უცნობმა პირებმა ის დააზიანეს და შავი წარწერებით გადაფარეს.



ვანდალურ ფაქტთან დაკავშირებით, ადგილობრივ თვითმმართველობაში განმარტავენ, რომ ქუთაისის ერთ-ერთი სავიზიტო ბარათის დაზიანების ჩამდენს აუცილებლად გამოავლენენ.

„გრაფიტს კი, რომელიც მსოფლიოს რამდენიმე ქალაქშია და მათ შორის ქუთაისშიც, მალე ისევ აღვადგენთ!“,- განმარტავენ მერიის პრესსამსახურში.

ქუთაისში ე.წ. მონპლეზირის მიმდებარე კედელი თანამედროვე ხელოვნების ფესტივალის "ქარავან არტ-ფორუმი 2016" ფარგლებში მოიხატა. გოგონას მულტიმედიური პორტრეტის ავტორი  ფრანგი მხატვარი გახლავთ.