ახალი ამბები
"ნუ ეწყინებათ" - მეუფე იოანემ კათოლიკეები ქუთაისის ხარების ეკლესიაში არ შეუშვა
FaceBook
ქუთაის-გაენათის ეპარქიის მიტროპოლიტმა მეუფე იოანემ კათოლიკეები ღვთისმშობლის ხარების ეკლესიაში არ შეუშვა.

კათოლიკე მრევლი მათთვის ჩამორთმეულ ყოფილ კათოლიკურ ტაძარში, თითქმის 15 წელია, ყოველ 8 დეკემბერს, ღვთისმშობლის უმანკოდ ჩასახვის დღესასწაულზე, მოსალოცად მიდის.

ამისთვის ქუთაისის კათოლიკური სამრევლოს წინამძღვარი გაბრიელე ბრაგანტინი ნებართვას მიტროპოლიტ კალისტრატესგან იღებდა, შემდეგ კი მეუფე იოანესგან, თუმცა, წელს, ეს ერთჯერადი ვიზიტიც ვერ შედგა.

მოძღვარი გაბრიელე ბრაგანტინის განმარტებით, ქუთაის-გაენათის ეპარქიის მიტროპოლიტმა, მეუფე იოანემ, დოგმატის განსხვავებულობის მოტივით, მათ ხარების ეკლესიაში შესვლაზე ჯერ უარი განუცხადა, შემდეგ კი ეზოს ჭიშკარი  ჩაკეტა.

თუ რატომ არ შეუშვა კათოლიკეები, ქუთაის-გაენათის ეპარქიის მიტროპოლიტი მეუფე იოანე განმარტავს, რომ მათ განსხვავებული დოგმატები აქვთ, ამიტომ „უპრიანია“ საგალობლები თავიანთ ტაძრებში შეასრულონ.

„როცა მე გავეცანი სწავლებას და შევადარე, როგორია პირვანდელი ერთიანი ეკლესიის სწავლება და ღვთისმშობელი, მივხვდი, რომ ეს დოგმატი სრულიად საწინააღმდეგო შედეგს იძლევა. არა განდიდებას ღვთისმშობლის, არამედ მისი ღირსების დაკნინებას ემსახურებოდა. ჩვენთვის მიუღებელია ამგვარი საგალობლების შესრულება ტაძარში, რომელიც ღვთისმშობლის ხარების სახელზეა ნაკურთხი. ჩვენ, ცხადია, ვერ ავუკრძალავთ ამ დღის აღნიშვნას, მაგრამ უპრიანია, შეასრულონ ეს თავიანთ ტაძრებში. ნუ ეწყინებათ, ერთიანი ეკლესიიდან გამოყოფის შემდე,გ მათ მიღებული აქვთ დოგმატები და ამ დოგმატს ჩვენთან არ აქვს კავშირი, ამიტომ ჩვენ არ ვაღიარებთ მათ მსახურებას ჩვენს ტაძრებში“,- განმარტა მეუფე იოანემ.

კათოლიკეებისთვის ღვთისმშობლის ხარების ტაძრის დაბრუნების შესახებ, ვატიკანის სახელმწიფო მდივანმა, კარდინალმა პიეტრო პაროლინიმ, საქართველოს მთავრობას წერილობით მიმდინარე წლის იანვარში მიმართა. დოკუმენტში სახელმწიფო მდივანი  ირაკლი ღარიბაშვილს იმ ექვს კათოლიკურ ტაძარს ახსენებს, რომლებიც კათოლიკეებს ჩამოართვეს და მართლმადიდებლებს გადასცეს. პირველი ეტაპისთვის, ის მთავრობას ქუთაისის ყოფილი კათოლიკური ტაძრის დაბრუნებას სთხოვს.

ფოტო: Catholic.ge - კათოლიკე ეკლესიის საინფორმაციო სააგენტო

Print E-mail
FaceBook Twitter
მსგავსი სიახლეები
ქუთაისის საკრებულოში დამოუკიიდებელი დაპუტატი დარეჯან ფხაკაძე
გარდაიცვალა.
15:03 / 13.04.2024
ქუთაისის საკრებულოში დამოუკიიდებელი დაპუტატი დარეჯან ფხაკაძე გარდაიცვალა.
12:00 / 13.04.2024
"ნაციონალური მოძრაობის" წევრის, გიგა შუშანია განცხადებით, ქუთაისის მერი, ქალაქში არსებული მძიმე სოციალური მდგომარეობის მიუხედვად, მერიის დაფინანსების 100 000 ლარით გაზრდას გეგმავს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.