ახალი ამბები
"საგამოცდო პერიოდი იყო" - წერეთლის უნივერსიტეტის უარი პრეზიდენტს
FaceBook
ქუთაისის აკაკი წერეთლის სახელმწიფო უნივერსიტეტში საქართველოს პრეზიდენტს, სალომე ზურაბიშვილს საჯარო ლექციის ჩატარებაზე უარი უთხრეს.
აღნიშნულს ადასტურებს თავად უნივერსიტეტის რექტორიც, თუმცა შალვა კირთაძე უარის მიზეზად საგამოცდო პერიოდს ასახელებს. 

„იყო საგამოცდო პერიოდი, შუალედური და ამ დროს უნივერსიტეტი მთლიანად, თავიდან ბოლომდე, გადართულია ამ ორომტრიალზე. ჩვენგან მიწოდებულია ასეთი ინფორმაცია, რომ ამ პერიოდში უნივერსიტეტში ტარდება გამოცდები, ლექციები არ არის, სტუდენტები არ დადიან და ეს ბავშვები მოდიან მხოლოდ გამოცდებზე და უკანვე მიდიან სამეცადინოდ სახლში და აქედან გამომდინარე, არ არის სასურველი პერიოდი იმისთვის, რომ ჩატარდეს ასეთი ღონისძიება. თან, პლიუს ამას, ისიც იყო, რომ მე თვითონ არ ვიყავი საქართველოში“,
- განმარტა შალვა კირთაძემ.

ჟურნალისტის კითხვაზე, როგორ მოიქცეოდნენ იმ შემთხვევაში, თუ უნივერსიტეტს პრემიერ-მინისტრი მიმართავდა, რექტორმა განმარტა, რომ პასუხი ასეთივე იქნებოდა.

„მასაც ვეტყოდი იმას, რომ ასეთ პერიოდს ხომ არ აჯობებს სხვა პერიოდი, იმიტომ რომ სტუდენტებს ამ პერიოდში მთავარი საფიქრალი აქვთ სწავლა. ჩვენ ამას ყველას შევთავაზებდით“,- განაცხადა შალვა კირთაძემ.

საქართველოს პრეზიდენტს  ლექცია ქვეყნის ევროპულ არჩევანზე უნდა ჩაეტარებინა.  

სალომე ზურაბიშვილს სტუდენტებისთვის საჯარო ლექციის ჩატარებაზე უარი თსუ-სა და ზუგდიდის შოთა მესხიას სახელობის უნივერსიტეტებმაც უთხრეს.




Print E-mail
FaceBook Twitter
მსგავსი სიახლეები
პროკურატურამ, ქუთაისში, დიდი ოდენობით ნარკოტიკული საშუალების
უკანონო შეძენა, შენახვის და გასაღების ფაქტზე, ინდოეთის რესპუბლიკის
ორ მოქალაქეს ბრალდება წარუდგინა.
15:53 / 23.02.2024
პროკურატურამ, ქუთაისში, დიდი ოდენობით ნარკოტიკული საშუალების უკანონო შეძენა, შენახვის და გასაღების ფაქტზე, ინდოეთის რესპუბლიკის ორ მოქალაქეს ბრალდება წარუდგინა.
14:13 / 23.02.2024
"თავისუფლების ფერები" - ამ სახელწოდებით, ქუთაისში, 24 თებერვალს, აქცია დაიგეგმა

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.