ახალი ამბები
სეზონური გრიპის საწინააღმდეგო უფასო ვაქცინაცია გრძელდება
FaceBook
სეზონური გრიპის საწინააღმდეგო უფასო ვაქცინაცია გრძელდება და იმუნიზაციის სახელმწიფო პროგრამის ფარგლებში, მსურველებს, შესაძლებლობა აქვთ, ვაქცინა, ქვეყნის მასშტაბით, გაიკეთონ.

ამის შესახებ ინფორმაციას დევნილთა, შრომის, ჯანმრთელობისა და სოციალური დაცვის სამინისტრო ავრცელებს.

მათივე ცნობით, პირველ ეტაპზე, უფასო ვაქცინაცია იმ ჯგუფებს ჩაუტარდათ, ვისაც დაავადების გართულების მომატებული რისკი აქვს.

ჯანდაცვის სამინისტროში განმარტავენ, რომ პროგრამა გაფართოვდა და უფასოდ, სეზონური გრიპის საწინააღმდეგო აცრის შესაძლებლობა იმ პირებსაც აქვთ, რომლებიც რისკ ჯგუფებში არ შედიან.

ჯანდაცვის სამინისტრომ, იმუნიზაციის სახელმწიფო პროგრამისთვის, 200 000 დოზა, Abbott Biologicals B.V.-ის წარმოების, ოთხ-კომპონენტიანი ვაქცინა შეიძინა, რომელიც ერთ-ერთია ჯანმრთელობის მსოფლიო ორგანიზაციის მიერ რეკომენდებულთა შორის და მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.

ვაქცინაცია სერვისის მიმწოდებელ ნებისმიერ სამედიცინო დაწესებულებაში შესაძლებელია. ის 6 თვის ასაკიდან და ბენეფიციარებისთვის სრულად უფასოა. 

ქუთაისში მცხოვრებლებს ვაქცინაციის ჩატარება შეეძლებათ ქუთაისის N3 ბავშვთა პოლიკლინიკაში (ჯავახიშვილის N85), სამედიცინო ცენტრ დიომედში (ჩხობაძის N16), ქალთა ჯანმრთელობის ცენტრ ჰერაში (ს.მესხის 67), ქუთაისის N4 შერეულ პოლიკლინიკაში (ნიკეას N46ბ), ნაზარიშვილის სახ. საოჯახო მედიცინისა და საოჯახო მედიცინის რეგიონულ სასწავლო ცენტრში (თამარ მეფის 5/7), ქუთაისის N1 პირველადი ჯანდაცვის ცენტრსა (ტ. ტაბიძის N23) და ქუთაისის ბავშვთა და მოზრდილთა #4 სამკურნალო-დიაგნოსტიკურ ცენტრში (კ.მესხის 5).


Print E-mail
FaceBook Twitter
თეგები: #ვაქცინაცია
მსგავსი სიახლეები
ქუთაისში, ქალაქის ცენტრში, უცნობმა პირებმა ტანსაცმლის მაღაზია
გაქურდეს.
12:28 / 18.07.2024
ქუთაისში, ქალაქის ცენტრში, უცნობმა პირებმა ტანსაცმლის მაღაზია გაქურდეს.
13:36 / 17.07.2024
"კულტურაა ის ერთადერთია, რაც ქმნის ჩვენ იდენტობას", - მიაჩნია არტისტს, ჯგუფი ბულიონის წევს ნატალია ვაწაძეს. 

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.