ახალი ამბები
“თუ საზოგადოება არ იცავს მედიას, ის სინამდვილეში არ იცავს საკუთარ თავს” - საჯარო შეხვედრა ქუთაისში
FaceBook
დღეს, ქუთაისიპოსტის ორგანიზებით, მედიის და გამოხატვის თავისუფლების საკითხებზე სადისკუსიო შეხვედრა გაიმართა ქუთაისში, ვერიკო ანჯაფარიძის სკვერში.

შეხვედრაზე მოწვეულმა სპიკერებმა ისაუბრეს მედიის და გამოხატვის თავისუფლების კუთხით წარსულის მაგალითებსა და არსებულ მდგომარეობაზე. შეეხნენ ცენზურის ფორმებს და იმ გამოწვევებს, რომლის წინაშეც დღეს დგას თავისუფალი მედია საქართველოში.

არასამთავრობო ორგანიზაცია “დემოკრატიის მცველების” იურისტმა გიორგი მშვენიერაძემ აღნიშნა, რომ ყოველთვის, როდესაც ხელისუფლება სხვადასხვა ფორმით ებრძვის თავისუფალ მედიას, ებრძვის საზოგადოებას, რადგან მედიაში ხედავს სიძლიერეს, როგორც კარგ ხმას საზოგადოებისთვის.

„თქვენ (მედიას) კი არ გაშინებენ ამით, სურთ საზოგადოება იყოს შეშინებული, რადგან თქვენ ხართ მედიუმი. საზოგადოებას ეუბნებიან, რომ თუ აზრის გამოსახატად ამ მედიუმს გამოიყენებთ, თქვენ ხართ საფრთხის ქვეშ. ამიტომ ყოველთვის, როცა მეტად გებრძვით ხელისუფლება, სინამდვილეში მასში ხედავს თქვენს სიძლიერეს, რომ ხართ კარგი ხმა საზოგადოებისთვის. მეორეს მხრივ, საზოგადოებამაც უნდა დაინახოს ის, რომ მედიას კი არა, საზოგადოებას ებრძვიან, რადგან ადამიანები უნდა ხვდებოდნენ, რომ მათ სიტყვას ბლოკავს სახელწიფო და არა თქვენსას. ისიც ცენზურაა, როდესაც ხელისუფლებას ჰყავს შექმნილი არმია ტროლების და ბოტების, რომ გამოცხადდეს თქვენი ინფორმაცია ყალბად და ტყუილად. ცენზურა არის ჭარბი ინფორმაციაც, რომელსაც, ასევე, ხელისუფლება ჰქმნის ხელოვნურად, რომ არსებობდეს არა ერთი, არამედ ბევრი სიმართლე, სადაც საზოგადოება ვერ გაიგებს სად არის სიმართლე,“ - აღნიშნა შეხვედრის დროს, სპიკერმა გიორგი მშვენიერაძემ.

ჟურნალისტმა, თსუ-ს ასოცირებულმა პროფესორმა ნათია კუპრაშვილმა ხაზი გაუსვა იმას, რომ პირველ რიგში საზოგადოება უნდა გააქტიურდეს მედიის მხარდასაჭერად.

„დეზინფორმაცია და პროპაგანდა ყოველთვის მუშაობდა გამოხატვის თავისუფლების წინააღმდეგ. ახლა ის განსხვავებული ფორმით, უფრო მასშტაბური გახდა. ჩვენ გვაქვს შიდა დეზინფორმაციაც, დეზინფორმაციის მწარმოებელი გახდა სახელმწიფო, ამიტომ დადგა ეს პრობლემა უფრო მასშტაბურად.

თუკი გავიხსენებთ, რა შექმნილა კლასიკური ცენზურის დროს და როგორი იყო გვერდის ავლის ტექნოლოგიები და შემოქმედებითობა, ასეთ აფეთქებებსაც ველოდები როგორც ჟურნალისტიკაში, ისე ნებისმიერ ტიპის გამოხატვაში. მნიშვნელოვანია, ჩვენი მუშაობა არ დაემსგავსოს ჩურჩულს. პირველ რიგში, საზოგადოება უნდა გააქტიურდეს მედიის მხარდაჭერაში. ძალიან მნიშვენლოვანია საჯარო სივრცეებში ამ საკითხებზე საუბარი,” - აღნიშნა ნათია კუპრაშვილმა.

სპიკერებმა, ასევე, ისაუბრეს პროპაგანდისა და დეზინფორმაციის გავლენაზე და მათ უარყოფით შედეგებზე საზოგადოებაში.
ნათია კუპრაშვილის თქმით, ახლა ვართ გლობალურ ომში, სადაც ორი ტიპის საზოგადოებაა.

“ერთი საზოგადოება, სადაც ხელისუფალს აქვს რიდი მათი და მეორე ტიპის საზოგადოება, სადაც მათ ეშინიათ ხელისუფლების. დღეს გვაქვს ამ ორი ტიპი საზოგადოების გლობალური შეტაკება და ომი. ამიტომ, მნიშვნელოვანია ფიქრი რა შემიძლია, მე როგორც ინდივიდს“, - აღნიშნა ნათია კუპრაშვილმა.

“დემოკრატიის მცველების” იურისტის, გიორგი მშვენიერაძის თქმით, აზრი ჟურნალისტიკის არის ის, რომ ისინი ხალხის პრობლემებზე ლაპარაკობენ. დღეს კი არის მცდელობები, რომ ჟურნალისტები ალაპარაკონ თავიანთ პრობლემებზე.

“ამ კამპანიის სლოგანიც არის ის, რომ თავისუფალი მედია გვიცავს. სინამდვილეში მედია ადამიანებს იცავს. მათთვის არის ინსტრუმენტი, რომ საკუთარი პრობლემები ერთმანეთს გააგებინონ. ამით აიძულონ პოლიტიკოსები, მოგვარდეს პრობლემები. ეს არის ის როლი, რომელიც მე ვფიქრობ, უნდა ჰქონდეს მედიას და ეს არის ის როლიც, რომელიც უნდა ჰქონდეს საზოგადოებას. თუ საზოგადოება არ იცავს მედიას, ის სინამდვილეში არ იცავს საკუთარ თავს. რა ფუჭი იქნებოდა ჩვენი სიტყვის თავისუფლება, ჩვენ ერთმანეთის ქება რომ შეგვეძლოს, მაშინ ვიცხოვრებდით ფარისევლობაში. თუკი არ გვინდა, ვიცხოვროთ ფარისევლობაში, ამიტომ გვჭირდება კრიტიკული მედია“, - განმარტა გიორგი მშვენიერაძემ.

შეხვედრა, რომელიც მედიისა და გამოხატვის თავისუფლების ადვოკატირების კამპანიის ფარგლებში მოეწყო, კითხვა-პასუხის რეჟიმში წარიმართა.

Print E-mail
FaceBook Twitter
მსგავსი სიახლეები
ქუთაისის საკრებულოში დამოუკიიდებელი დაპუტატი დარეჯან ფხაკაძე
გარდაიცვალა.
15:03 / 13.04.2024
ქუთაისის საკრებულოში დამოუკიიდებელი დაპუტატი დარეჯან ფხაკაძე გარდაიცვალა.
12:00 / 13.04.2024
"ნაციონალური მოძრაობის" წევრის, გიგა შუშანია განცხადებით, ქუთაისის მერი, ქალაქში არსებული მძიმე სოციალური მდგომარეობის მიუხედვად, მერიის დაფინანსების 100 000 ლარით გაზრდას გეგმავს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.