ახალი ამბები
უწყლო სოფელში მერია წყალს "ხედავს"
FaceBook
მაშინ, როცა წყალტუბოს სოფელ სორმონის მცხოვრებლები წყლის მოსამარაგებლად წვიმის მოსვლას ელოდებიან, მერიაში ამტკიცებენ, რომ სოფელს წყალი მიეწოდება.

ჩვენ მიერ წყალტუბოს თვითმმართველობიდან გამოთხოვილ წერილში აღნიშნულია, რომ მუნიციპალიტეტში, ამ დროისთვის, არცერთი სოფლის, მათ შორის სორმონის, მოსახლეობა უწყლოდ დარჩენილი არ არის.






იმის დასარწმუნებლად, რომ სოფელ სორმონში ვერც ჭებით, ვერც ლოკალური ქსელებითა და ბუნებრივ წყაროებზე მოწყობილი სასმელი წყლის სათავე ნაგებობებით სარგებლობენ, ადგილობრივები წყალტუბოს მერს ადგილზე მისვლისკენ მოუწოდებენ.

ადგილობრივი ნანა გორგიძე ამბობს, რომ წყარო, რომელიც მათ ჰქონდათ, დაშრა, ამიტომ წყალს ქუთაისიდან  ეზიდებიან.

„საიდან ამბობენ წყალტუბოს მერიაში, რომ წყალი გვაქვს? მობრძანდნენ და შეგვამოწმონ ტყუილს თუ ვამბობთ. ჭა ჩვენთან არ არის, წყარო დაშრა, შეიცვალა კლიმატი და აღარ მოდის. სამი თვე რომ წყალი არ გვექნება, როგორ უნდა ვიარსებოთ? რატომ უნდა ვზიდოთ ქუთაისიდან წყალი? სიმართლე არ უნდათ, თვალებში არ იხედებიან. მილები, რომ მოგვიტანეს მხოლოდ, წყარო არ გვაქვს და რაზე შევაერთოთ?", - ამბობს ნანა გორგიძე.




წყალტუბოს მუნიციპალიტეტში სულ 49 სოფელი შედის. მერიის ინფორმაციით, აქედან, წყალი  "საქართველოს გაერთიანებული წყალმომარაგების კომპანიის" მიერ, ცენტრალიზებული ქსელით, 12 სოფელს მიეწოდება, დანარჩენ სოფლებში კი მოსახლეობა ჭებით, ბუნებრივ წყაროებზე მოწყობილი სასმელი წყლის სათავე ნაგებობებითა და ლოკალური ქსელებით სარგებლობს.

წყალტუბოს მერიაში განმარტავენ იმასაც, რომ ისინი სოფლებში წყალმომარაგების სისტემების მოწყობასა და რეაბილიტაციას, ყოველწლიურად, ეტაპობრივად ახდნენ. 

ამავე თემაზე:


"არ არის წვიმა, არაა წყალი“ - წყალტუბოს სოფელში მოსახლეობა დახმარებას ითხოვს

Print E-mail
FaceBook Twitter
მსგავსი სიახლეები
საქართველოს მთავრობა, რაჭაში, 4,2 მლნ. ლარის ღირებულების კლიმატური
მდგრადობის უზრუნველყოფის სამუშაოებს მსოფლიო ბანკის
ფინანსური მხარდაჭერით ახორციელებს.
16:56 / 27.05.2024
საქართველოს მთავრობა, რაჭაში, 4,2 მლნ. ლარის ღირებულების კლიმატური მდგრადობის უზრუნველყოფის სამუშაოებს მსოფლიო ბანკის ფინანსური მხარდაჭერით ახორციელებს.
გარემოს ეროვნული სააგენტოს მოკლევადიანი პროგნოზების სამმართველოს
უფროსის, დოდო გვაზავას ინფორმაციით, 27 და 28 მაისს, დასავლეთ
საქართველოში, მაღალი ტემპერატურა, 30-დან 32 გრადუსი დაფიქსირდება.
11:22 / 27.05.2024
გარემოს ეროვნული სააგენტოს მოკლევადიანი პროგნოზების სამმართველოს უფროსის, დოდო გვაზავას ინფორმაციით, 27 და 28 მაისს, დასავლეთ საქართველოში, მაღალი ტემპერატურა, 30-დან 32 გრადუსი დაფიქსირდება.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.