ახალი ამბები
"ჩვენი საზღვრები ზედმიწევნით უნდა გაკონტროლდეს` - პრეზიდენტი რუსეთის მოვლენებზე
FaceBook
"ყურადღებით ვაკვირდები რუსეთში მიმდინარე მოვლენებს.
ჩვენი საზღვრები ზედმიწევნით უნდა გაკონტროლდეს, მიგრაციის შესაძლო ახალი ტალღების გათვალისწინებით, - ამ განცხადებით გამოეხმაურა საქართველოს პრეზიდენტი სალომე ზურაბიშვილი რუსეთში მიმდინარე მოვლენებს. 


ამ მოსაზრებას არ იზიარებს მმართველი პარტიის, "ქართული ოცნების" თავმჯდომარე ირაკლი კობახიძე. ის თვლის, რომ   "ამ (რუსეთში მიმდინარე) მოვლენებს უნდა დავაკვირდეთ". იგი ირწმუნება, რომ საქართველოში უსაფრთხოება დაცულია.

იგივე განცხადებას აკეთებს შინაგან საქმეთა სამინისტრო. სამინისტროს მტკიცებით 24 ივნისის მდგომარეობით, სასაზღვრო სამიგრაციო კონტროლის სამსახურ "დარიალზე" მუშაობა ჩვეულ რეჟიმში მიმდინარეობს და მგზავრთა და ავტომობილთა ნაკადების ზრდა არცერთი მიმართულებით არ ფიქსირდება.

"შინაგან საქმეთა სამინისტროს, შესაბამისი დანაყოფების მხრიდან სიტუაცია სრულად კონტროლდება, მიმდინარეობს არსებული მდგომარეობის ანალიზი და ამ ეტაპზე, საზღვრის დაკეტვის, ან სხვა ღონისძიებების გატარების საჭიროება არ არის", - წერია შსს-ს განცხადებაში.

სახელმწიფო გადატრიალების მცდელობა - ასე შეაფასა კრემლმა სამხედრო დაჯგუფება "ვაგნერის"  ქმედებები რუსეთში. 23 ივნისს, პარასკევს, "ვაგნერის" დამფუძნებელმა ევგენი პრიგოჟინმა რუსეთის თავდაცვის სამინისტრო დაადანაშაულა თავდასხმაში, რასაც, მისივე თქმით, "ვაგნერის" რიგებში დიდი მსხვერპლი მოჰყვა. ამ მოვლენას წინ უძღოდა ვაგნერის დამფუძნებლის ევგენი პრიგოჟინის დაპირისპირება  თავდაცვის მინისტრ, სერგეი შოიგუსთან. და პრიგოჟინის მწვავე განცხადებები შოიგუს მისამართით.

23 ივნისს პრიგოჟინმა განაცხადა, რომ მის განკარგულებაში არსებული 25 ათასი მებრძოლი დაიძრა, რათა "აღადგინოს სამართლიანობა". განცხადებიდან  რამდენიმე საათში "ვაგნერმა" უკვე უკრაინის მოსაზღვრე ქალაქი როსტოვი აიღო. "ვაგნერი"აკონტროლებს მის ქუჩებს, სამხედრო-სტრატეგიულ ობიექტებს, მათ შორის, აეროდრომს.
Print E-mail
FaceBook Twitter
მსგავსი სიახლეები
14:43 / 25.05.2024
"ქუთაისიპოსტი" კვირაში რამდენჯერმე შემოგთავაზებთ იმერეთის რეგიონში განხორციელებული იმ პროექტების შესახებ ინფორმაციას, რომლებიც საერთაშორისო პარტნიორების ფინანსური მხარდაჭერით გაკეთდა.
რომ არა დონორების ფინანსური დახმარება, შესაძლოა, დღეს ამ პროექტების დიდი ნაწილი არც განხორციელებულიყო.
ოპოზიციური პარტიები სანქციებთან დაკავშირებით აშშ-ის
სახელმწიფო მდივნის, ენტონი ბლინკენის განცხადებას ეხმაურებიან.
15:10 / 24.05.2024
ოპოზიციური პარტიები სანქციებთან დაკავშირებით აშშ-ის სახელმწიფო მდივნის, ენტონი ბლინკენის განცხადებას ეხმაურებიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.