ახალი ამბები
25 ივნისს, მაღაროელების საპროტესტო აქციას სტუდენტებიც შეუერთდებიან
FaceBook
25 ივნისს, მაღაროელების მიერ თბილისში დაანონსებულ საპროტესტო აქციას სტუდენტები მსვლელობით შეუერთდებიან.

როგორც მსვლელობის ორგანიზატორები ამბობენ, ისინი 18:00 საათზე, თბილისის სახელმწიფო უნივერსიტეტის პირველ კორპუსთან, გაფიცული მაღაროელების მხარდასაჭერად შეიკრიბებიან, 19:00 საათზე კი, ერთიანი მსვლელობით პარლამენტთან, მათ პროტესტს შეურთდებიან.

„მაღაროლები უკვე ორ კვირაზე მეტია აპროტესტებენ სამუშაო ადგილზე ღირსების შემლახავ, სიცოცხლისთვის საშიშ სამუშაო პირობებს, დამამცირებლად მცირე ხელფასს და კომპანიის მხრიდან ქალაქის და მისი მიმდებარე ტერიტორიების ეკოლოგიურ განადგურებას.

ისინი მთელი ეს დროა შიმშილობენ, რამდენიმე მათგანის ჯანმრთელობის მდგომარეობა საფრთხეშია, მაღაროლემა გიორგი კუპატაძემ თვალები, მაღაროელმა მალხაზ სარალიძემ კი - პირი ამოიკერა. თუკი ისინი მთელი ცხოვრება მუშაობენ მაღაროში, საიდანაც ცოცხალი გამოვლენ თუ არა არ იციან, ახლა ისინი აპროტესტებენ და საფრთხეში აგდებენ საკუთარ სიცოცხლეს, რათა ხელისუფლებამ და ხალხმა მათი ხმა გაიგოს! მათი მთელი ცხოვრება გადარჩენისთვის ბრძოლაა.

დღეს ქვეყნის სათავეშია ხალხის მოღალატე გამყიდველი სამთავრობო ელიტა, რომელიც მწვანე შუქს უნთებს კომპანიებს და უფლებას აძლევს მათ ძარცვონ მშრომელები და მიწასთან გაასწორონ ჩვენი სოფლები.

ჭიათურელ მაღაროელებს ჩვენი, სტუდენტების და ზოგადად, მთელი ქვეყნის მხარდაჭერა სჭირდებათ!

ერთიანი ბრძოლით შევძლებთ შევეწინააღმდეგოთ მჩაგვრელ სისტემას!“- წერენ ორგანიზატორები.

მაღაროელებმა ხვალ, 25 ივნისს, 19:00 საათზე, პარლამენტის წინ საპროტესტო აქცია დაანონსეს.

დღეს მათი გაფიცვის მე-19 და შიმშილობის 13-ე დღეა. პარალელურად, მე-6 დღეა, რაც თბილისში, პარლამენტის შენობასთან, ჭიათურიდან ჩამოსული მაღაროელებისა და მათი მხარდამჭერების აქცია მიმდინარეობს.

ისინი ხელფასების 20%-ით გაზრდას, სამუშაო პირობების გაუმჯობესებასა და შრომითი ნორმების დაცვას ითხოვენ.

Print E-mail
FaceBook Twitter
მსგავსი სიახლეები
ქუთაისში, „გუბერნსკის ციხის
15:00 / 12.06.2024
ქუთაისში, „გუბერნსკის ციხის" ყოფილ შენობას დაანგრევენ და მის ადგილზე საცხოვრებელი მრავალსართულიანი კორპუსი აშენდება. 
ქუთაისში, კინოთეატრის,
11:36 / 12.06.2024
ქუთაისში, კინოთეატრის, "სულიკოს" ყოფილი შენობის ადგილას მრავალსართულიანი საცხოვრებელი კორპუსის მშენებლობა მიმდინარეობს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.