ახალი ამბები
„ჩვენი ანაზღაურება უნდა იყოს ღირსეული, ესაა მოთხოვნა და არა ბიზნესის მართვა“ - მაღაროელები „ჯორჯიან მანგანეზს“
FaceBook
გაფიცული მაღაროელები „ჯორჯიან მანგანეზის გაცხადებას, მათთვის მაღაროების მართვაში გადაცემის თაობაზე პასუხობენ.

ისინი ამბობენ, რომ მაღაროების გადაცემა არასოდეს მოუთხოვიათ და მათი მოთხოვნები მხოლოდ და მხოლოდ სამუშაო პირობებსა და ხელფასის ზრდას ეხებოდა.

ამასთან, კომპანიას იმ 14 პუნქტს ახსენებენ, რომელიც მათ გაფიცვის პირველივე დღიდან წამოაყენეს.

„ძალიან კარგად იციან ის 14 პუნქტი, რაც გვაქვს მოთხოვნაში. ვიმეორებ, რომ ჩვენ „ჯორჯიან მანგანეზში“ დასაქმებულ მუშებს, არავის არ გვინდა, მაღარო გადმოგვეცეს. ეს არის სრული სისულელე. მაღაროს ჩვენთვის გადმოცემა არ ყოფილა ჩვენი მოთხოვნა. ჩვენი მოთხოვნები ეხებოდა შრომის გაუმჯობესებას, უსაფრთხო გარემოში მუშაობას და ხელფასის მომატებას. ამიტომ, ჩვენი პროტესტი გაგრძელდება მანამ, სანამ ჩვენს მოთხოვნებს არ მოყვება გამოხმაურება და დაკმაყოფილება“,-განმარტავენ გაფიცულები.

კიდევ ერთმა მაღაროელმა, რომელიც დღეს, ჭიათურაში, აქციაზე სიტყვით გამოვიდა, განმარტა, რომ მათ არა „ბიზნესის მართვა“, არამედ ღირსეული შრომითი ანაზღაურება სურთ, შესაბამისად, იმ საქმის კეთებას გააგრძელებენ, რაც იციან.

„ძალიან კარგად ვიცით, რომ მათ („ჯორჯიან მანგანეზს“) ძალიან ბევრი ფული აქვთ გაფლანგული, უმისამართოდ შეჭმული. ახლა ამბობენ, კომპანია გადაეცეს მაღაროელსო. რომელიმე აიღებთ ამას თქვენ თავზე და მართავთ მაღაროს? მე, პირადად, ვიცი სანგრების მართვა და ვაპირებ, სანგრები ვმართო. მათ სჭირდებათ ადამიანი, ვიზედაც ხელს შეიწმენდენ.

ჩვენი მიზანი არ არის თანამდებობები, სკამზე ჯდომა, ფულის შოვნა. ჩვენ, წესიერი ადამიანები, დავბრუნდებით იმ სამუშაო ადგილებზე, რაც ვიცით და რისი პროფესიონალებიც ვართ და ჩვენი შრომითი ანაზღაურება უნდა იყოს ღირსეული, ეს არის ჩვენი მოთხოვნა და არა ის, რომ ბიზნესი ვმართოთ“,
- აღნიშნა ერთ-ერთმა მაღაროელმა.

„ჯორჯიან მანგანეზმა“ გუშინ, გვიან ღამით, განცხადება გაავრცელა, სადაც ნათქვამი იყო, რომ თანამშრომელთა პასუხისმგებლობის გათავისებისა და სრული კონსესუსის შემთხვევაში, მზად არიან, ჭიათურის მაღაროები მაღაროელებს მართვაში გადასცენ.

ჭიათურაში გაფიცვის მე-18 და შიმშილობის 12-ე დღეა. პარალელურად, მეხუთე დღეა, რაც თბილისში, პარლამენტის შენობასთან, ჭიათურიდან ჩამოსული მაღაროელებისა და მათი მხარდამჭერების აქცია მიმდინარეობს.

ისინი ხელფასების 20%-ით გაზრდას, სამუშაო პირობების გაუმჯობესებასა და შრომითი ნორმების დაცვას ითხოვენ.

Print E-mail
FaceBook Twitter
მსგავსი სიახლეები
ქუთაისში, საერთაშორისო ფორუმი 
15:40 / 21.06.2024
ქუთაისში, საერთაშორისო ფორუმი  "ქალაქების შესაძლებლობების გაძლიერება“  მიმდინარეობს, რომელსაც ქალაქი უკვე მეოთხედ მასპინძლობს.
ბაღდათის მუნიციპალიტეტში, 20 ივნისის ღამით მოსული უხვი ნალექის
შედეგად, მდინარე ხანისწყალი ადიდდა.
11:51 / 21.06.2024
ბაღდათის მუნიციპალიტეტში, 20 ივნისის ღამით მოსული უხვი ნალექის შედეგად, მდინარე ხანისწყალი ადიდდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.