ახალი ამბები
ხორცი 9,7%-ით, კვერცხი 9,3%-ით, ბოსტნეული 6,3%-ით გაძვირდა - საქსტატი
FaceBook
საქსტატის ინფორმაციით, 2023 წლის მაისში, საქართველოში წლიური ინფლაციის დონემ 1.5% შეადგინა.
სამომხმარებლო კალათაში შემავალი საქონლისა და მომსახურების ჯგუფის ფასების წლიური პროცენტული ცვლილება კი შემდეგნაირად გადანაწილდა:

სურსათისა და უალკოჰოლო სასმელების ჯგუფზე, წინა წელთან შედარებით, ფასები 3.3%-ით გაიზარდა, რაც წლიურ ინფლაციაზე 1,19%-ით აისახა.

ფასები მომატებულია შემდეგ ქვეჯგუფებზე:

ხორცი და ხორცის პროდუქტები 9.7%-ით;

რძე, ყველი და კვერცხი - 9.3 %-ით;

მინერალური და წყაროს წყალი, უალკოჰოლო სასმელები და ნატურალური წვენები 7.1%-ით;

ბოსტნეულისა და ბაღჩეულის ფასები გაზრდილია 6.3%-ით;

თევზეულის - 6%-ით;

ყავა, ჩაი და კაკაო 4.6%-ით;

შაქარი, ჯემი და სხვა ტკბილეული - 2.2%-ით;

პური და პურპროდუქტები 1.8%-ით;

აღსანიშნავია, რომ ფასები შემცირებულია ზეთსა და ცხიმზე 17%-ით, ხილსა და ყურძენზე კი 12%-ით,

ამასთან, ფასები, უმეტესწილად, მომატებულია საფინანსო მომსახურებაზე 27.9%-ით, პირად ჰიგიენაზე 12.5%-ით და სხვა სახის მომსახურებაზე 92%-ით.

საქსტატის ინფორმაციით, ალკოჰოლური სასმელებსა და თამბაქოს ჯგუფში ფასები 7.1%-ითაა მომატებული. კერძოდ, ალკოჰოლური სასმელები გაძვირდა 9,1%-ით, ხოლო თამბაქოს ნაწარმი - 5,0%-ით;

რაც შეეხება ტრანსპორტის ჯგუფს: აქ ფასები 12,9%-ით შემცირდა. კერძოდ, 20,3%-ით შემცირდა პირადი სატრანსპორტო საშუალებების ექსპლუატაციასა და სატრანსპორტო საშუალებების შეძენაზე (-2.0%). აღსანიშნავია, რომ ფასები გაიზარდა სატრანსპორტო მომსახურებაზე 6.4 პროცენტით.

ამასთან, 7,5%-იანი ფასების შემცირება ფიქსირდება ჯანმრთელობის დაცვის ქვეჯგუფში. 18,1%-ით შემცირდა სამედიცინო პროდუქციის, აპარატურისა და მოწყობილობების ქვეჯგუფზე; ამავდროულად ფასები გაიზარდა ამბულატორიულ სამედიცინო მომსახურებაზე და ზრდამ 12,5% შეადგინა. 6,7%-ით გაძვირდა საავადმყოფოს მომსახურებაც.


Print E-mail
FaceBook Twitter
მსგავსი სიახლეები
ოპოზიციური პარტიები სანქციებთან დაკავშირებით აშშ-ის
სახელმწიფო მდივნის, ენტონი ბლინკენის განცხადებას ეხმაურებიან.
15:10 / 24.05.2024
ოპოზიციური პარტიები სანქციებთან დაკავშირებით აშშ-ის სახელმწიფო მდივნის, ენტონი ბლინკენის განცხადებას ეხმაურებიან.
სახალხო დამცველი საქართველოს მთავრობას მოუწოდებს,
გაატაროს მკაცრი პოლიტიკა იმ პირების მიმართ, რომლებიც ქალთა მიმართ
დანაშაულებს ჩადიან.
14:52 / 24.05.2024
სახალხო დამცველი საქართველოს მთავრობას მოუწოდებს, გაატაროს მკაცრი პოლიტიკა იმ პირების მიმართ, რომლებიც ქალთა მიმართ დანაშაულებს ჩადიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.