ახალი ამბები
"გვეგონა დაგვადგებოდა საშველი, მაგრამ ბინებს წელსაც არ გვაძლევენ" - დევნილების აქცია ქუთაისში
FaceBook
ქუთაისში, იმერეთის დევნილთა სამმართველოში ხმაური იყო.
აფხაზეთიდან იძულებით გადაადგილებულმა პირებმა კუთვნილი ბინები მოითხოვეს.

ისინი ამბობენ, რომ წლებია, გაუსაძლის პირობებში უწევთ ცხოვრება, მთავრობა ბინებით დაკმაყოფილებას დაჰპირდა, თუმცა დევნილთა სააგენტოს ვებგვერდზე გამოქვეყნებულ სიაში საკუთარი თავი ამჯერადაც ვერ იპოვეს. 

„მარტოხელა დედა ვარ, 32 წელია ვცხოვრობთ საერთო ბინაში და ძალიან ცუდ პირობებში ვართ. გვეგონა დაგვადგებოდა საშველი და ნორმალურად ვიცხოვრებდით, მაგრამ წელსაც არ აღმოვჩნდით სიაში. არავინ გვეხმარება და არც მცირე იმედს გვაძლევს“,

„მე და ჩემს შვილს, რომელიც ომის ვეტერანია, გვეკუთვნის ოროთახიანი საცხოვრებელი ბინა. წლებია ველოდებით, მაგრამ ამჯერადაც ისე დავრჩით. უსამართლოდ გვექცევა სახელმწიფო, თვიდან თვემდე 250-300 ლარით გაჭირვებით ვიტანთ თავს, ნუთუ არ შეიძლება მოგვხედონ და დაგვეხმარონ“,
- ამბობენ დევნილები.

აღნიშნულ პროტესტთან დაკავშირებით დევნილთა სააგენტოში კომენტარს არ აკეთებენ.

სააგენტოს ვებგვერდზე გამოქვეყნებული ინფორმაციის მიხედვით კი, საცხოვრებელი ფართების განაწილების შესახებ გადაწყვეტილება დევნილთა საკითხების შემსწავლელმა კომისიამ გრძელვადიანი განსახლების კრიტერიუმების შესაბამისად მიიღო და  ქუთაისში ბინას იძულებით გადაადგილებული 480 ოჯახი უახლოესს დღეებში მიიღებს. 

"საცხოვრებელი ფართების განაწილების შესახებ გადაწყვეტილება, დევნილთა საკითხების შემსწავლელმა კომისიამ, გრძელვადიანი განსახლების კრიტერიუმების შესაბამისად, მიიღო. დევნილი ოჯახების სია, რომლებსაც ქუთაისში, სრულად გარემონტებული ბინები გადაეცემათ სააგენტოს ვებგვერდზე გამოქვეყნდა. დევნილი ოჯახების საცხოვრებლით უზრუნველყოფის მიზნით, საქართველოს პრემიერ-მინისტრის მიერ დაანონსებული, უპრეცედენტოდ მასშტაბური სამშენებლო სამუშაოები დაიწყო თბილისში, ქუთაისში, ზუგდიდში, რუსთავსა და ბორჯომში. 2025 წლის ბოლომდე, ახალი საცხოვრებელი, იძულებით გადაადგილებულ 13 000 ოჯახს გადაეცემა. 7000-მდე ოჯახი ბინებს ახალაშენებულ კორპუსებში მიიღებს, 6000 ოჯახი კი სოფლად სახლის პროგრამის ფარგლებში განსახლდება", - ვკითხულობთ განცხადებაში.

მათი თქმით,  ქუთაისში დაწყებულია დამატებით სამი კორპუსის მშენებლობა, რომელიც 720 დევნილი ოჯახის განსახლებას ითვალისწინებს. მშენებლობა 2025 წლის ბოლოს დასრულდება.


Print E-mail
FaceBook Twitter
მსგავსი სიახლეები
14:43 / 25.05.2024
"ქუთაისიპოსტი" კვირაში რამდენჯერმე შემოგთავაზებთ იმერეთის რეგიონში განხორციელებული იმ პროექტების შესახებ ინფორმაციას, რომლებიც საერთაშორისო პარტნიორების ფინანსური მხარდაჭერით გაკეთდა.
რომ არა დონორების ფინანსური დახმარება, შესაძლოა, დღეს ამ პროექტების დიდი ნაწილი არც განხორციელებულიყო.
ოპოზიციური პარტიები სანქციებთან დაკავშირებით აშშ-ის
სახელმწიფო მდივნის, ენტონი ბლინკენის განცხადებას ეხმაურებიან.
15:10 / 24.05.2024
ოპოზიციური პარტიები სანქციებთან დაკავშირებით აშშ-ის სახელმწიფო მდივნის, ენტონი ბლინკენის განცხადებას ეხმაურებიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.