ახალი ამბები
"ოცნებისთვის" ხმის მიცემა ნიშნავს ქუთაისისთვის დაკარგული პერსპექტივისთვის ხმის მიცემას"
FaceBook
მინი ქალაქი, რეგიონალური ცენტრი, საერთაშორისო IT ჰაბი - ეს ის პროექტებია, რომლებსაც "ქართული ოცნება", სხვადახვა წლებში, ქუთაისელებს პარლამენტის ნაცვლად, პირდებოდა და რომელი პროექტებიდანაც არც ერთი არ განხორციელებულა.

ამის შესახებ "ერთიანი ნაციონალური მოძრაობის" წარმომადგენელმა თემურ ცამციშვილთან დღეს გამართულ ბრიფინგზე განაცხადა. 

დღეს, როცა ქუთაისში ავტოქარხნის მაჟორიტარ დეპუტატს ირჩევნენ, ცამციშვილმა, სიმბოლურად, საკანონმდებლო ორგანოს შენობასთან ბანერები მიიტანა და მოქალაქეებს გაახსენა, რომ ხელისუფლებამ პარლამენტის წართმევით პერსპექტიული მომავალი წაართვა.

"დღეს შუალედური არჩევნებია ავტოქარხნის მაჟორიტარულ ოლქში და სიმბოლურად, გვინდა, მოსახლეობას შევახსენოთ, რომ "ოცნებამ" პარლამენტის გადატანით პერსპექტივა დაუკარგა არა მარტო ავტოქარხნის მოსახლეობას, არამედ მთელს ქუთაისს, მთელს რეგიონს, რომ ვყოფილიყავით ადმინისტრაციული, პოლიტიკური ცენტრი. პარლამენტის ნაცვლად ხელისუფლება გვპირდებოდა 2016 წელს მინი ქალაქის მშენებლობას, 2018 წელს რეგიონულ შსს-ს ცენტრს, ბოლო დაპირება არის გაცემული 2022 წლის დასაწყისში, რომ აქ გვექნებოდა საერთაშორისო ტექნოლოგიური ცენტრი. როგორც ხედავთ არც ერთი დაპირება არ შეარულდა. "ოცნებისთვის" ხმის მიცემა ნიშნავს ქალაქის დაკარგული პერსპექტივისთვის ხმის მიცემას",- განაცხადა თემურ ცამციშვილმა.

ქუთაისში საკანონმდებლო ორგანო 2019 წლიდან აღარ ფუნქციონირებს.

ქალაქში დღეს საკრებულოში ავტოქარხნის მაჟორიტარ დეპუტატს ირჩევენ. აღნიშნულ პოსტზე „ქართულმა ოცნებამ“ #30 საჯარო სკოლის დირექტორი მიხეილ გიორგაძე წარადგინა. მას კონკურენტი არ ჰყავს, ვინაიდან თავისი კანდიდატი გამარჯვებულ ოლქში "ერთიან ნაციონალურ მოძრაობას" და არც სხვა რომელიმე პარტიას არ წარუდგენია.

დღეს შუალედური არჩევნები 10 მუნიციპალიტეტში მიმდინარეობს.

აღსანიშნავია, რომ ეს პირველი არჩევნებია, სადაც საარჩევნო ადმინისტრაცია ელექტრონულ ტექნოლოგიებს ფართო მასშტაბით იყენებს.

Print E-mail
FaceBook Twitter
მსგავსი სიახლეები
14:43 / 25.05.2024
"ქუთაისიპოსტი" კვირაში რამდენჯერმე შემოგთავაზებთ იმერეთის რეგიონში განხორციელებული იმ პროექტების შესახებ ინფორმაციას, რომლებიც საერთაშორისო პარტნიორების ფინანსური მხარდაჭერით გაკეთდა.
რომ არა დონორების ფინანსური დახმარება, შესაძლოა, დღეს ამ პროექტების დიდი ნაწილი არც განხორციელებულიყო.
ოპოზიციური პარტიები სანქციებთან დაკავშირებით აშშ-ის
სახელმწიფო მდივნის, ენტონი ბლინკენის განცხადებას ეხმაურებიან.
15:10 / 24.05.2024
ოპოზიციური პარტიები სანქციებთან დაკავშირებით აშშ-ის სახელმწიფო მდივნის, ენტონი ბლინკენის განცხადებას ეხმაურებიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.