ახალი ამბები
საჩხერეში მრავალფუნქციური სპორტული დარბაზის მშენებლობა იგეგმება
FaceBook
საჩხერეში, აღმაშენებლის ქუჩაზე, მრავალფუნქციური სპორტული დარბაზი აშენდება (Design-Build მეთოდით).

ამ მიზნით ქალაქის მუნიციპალიტეტი სახელმწიფო შესყიდვას (NAT230002858) აცხადებს.

ტენდერში გამარჯვებულ კომპანიას დეტალური პროექტის მომზადება და მის საფუძველზე სამშენებლო სამუშაოების შესყიდვა დაევალება, რისთვისაც 3 მილიონ 726 135 ლარია განსაზღვრული.

როგორც სატენდერო დოკუმენტაციაშია აღნიშნული, მიმწოდებელი ვალდებულია მოამზადოს სპორტული დარბაზის შენობის დეტალური პროექტი და აწარმოოს სამშენებლო-სამონტაჟო, გაშვება-გამართვის სამუშაოები.

კერძოდ, სპორტდარბაზის შენობა და უნდა მოიცავდეს (თუმცა შეიძლება არ შემოიფარგლოს) შემდეგ სივრცეებს: დარბაზი N1 - N2, ფოიე რეგისტრატურა, დირექტორისა და ექიმის კაბინეტი; პერსონალის, სერვერის, სამორიგეო დაცვის, ტექნიკური, ქალთა და მამაკაცთა მწვრთნელების ოთახები; საწყობი N1 და N2 ინვენტარისათვის; ქალთა, მამაკაცთა, შშმ პირთა და მწვრთნელების სანკვანძები; ბიჭებისა და გოგონებისათვის ცალ-ცალკე გასახდელი, საშხაპე, სან-კვანძი. ამასთან, უნდა მოეწყოს ტრიბუნები არაუმეტეს 150-200 ადგილზე.

„პროექტი ასევე უნდა მოიცავდეს ენერგოეფექტურობის ღონისძიებებს, გათბობის, ვენტილაციის და განათების სისტემების ენერგოდამზოგ გადაწყვეტებს. გადახურვის და კედლის თბოიზოლაცია - შემოთავაზებული უნდა იქნას კლიმატური პირობების შესაბამისად. პროექტების შედგენისას აუცილებლად გათვალისწინებული უნდა იყოს შშმ პირთათვის შენობის ადაპტაციის ღონისძიებები.

მინიმუმამდე უნდა იქნეს დაყვანილი გარემოზე ზემოქმედება. გამოყენებული მასალები უნდა იყოს პრაქტიკული, მარტივად დასამუშავებელი, ეკოლოგიურად სუფთა და ცეცხლგამძლე. კონსტრუქციული თვალსაზრისით შენობა(ები) უნდა აკმაყოფილებდეს სიმტკიცისა და მდგრადობის მოთხოვნებს და უზრუნველყოფდეს მის უსაფრთხო ექსპლუატაციას“, - აღნიშნულია ტექნიკურ მოთხოვნებში.

აღსანიშნავია, რომ ტექნიკურ დავალებასთან ერთად დოკუმენტაციას თანდართული აქვს სიღნაღის მუნიციპალიტეტის  წნორში მრავალფუნქციური სპორტული დარბაზის საპროექტო დოკუმენტაციის ნაწილი (არქიტექტურული პროექტი), რომელიც წარმოადგენს ნიმუშს და მასში მოცემული მონაცემების გამოყენებით შესაძლებელია ხელი შეეწყოს მიმწოდებლის მიერ საპროექტო დოკუმენტაციის მომზადებას.

პირველი ეტაპის სამუშაოების მიწოდების ვადა 2023 წლის 10 დეკემბრის ჩათვლითაა განსაზღვრული (თანხით არანაკლებ 1 900 000 ლარი, საპროექტო დოკუმენტაციის ღირებულების ჩათვლით) ხოლო მეორე ეტაპის - 2024 წლის 30 ნოემბრის ჩათვლით არის განსაზღვრული.

წინადადების მიღება 25 თებერვალს იწყება და 2 მარტს მთავრდება.


Print E-mail
FaceBook Twitter
მსგავსი სიახლეები
უკვე 100 დღეა, შუქრუთში, კოროხნალის მაღაროსთან უწყვეტი აქცია
მიმდინარეობს, პროტესტის განმავლობაში კი ადგილობრივების ბედით კვლავ
არავინ დაინტერესებულა.
12:13 / 20.06.2024
უკვე 100 დღეა, შუქრუთში, კოროხნალის მაღაროსთან უწყვეტი აქცია მიმდინარეობს, პროტესტის განმავლობაში კი ადგილობრივების ბედით კვლავ არავინ დაინტერესებულა.
შინაგან საქმეთა სამინისტროს თანამშრომლებმა, ჩატარებული საგამოძიებო
მოქმედებების შედეგად, ნარკოდანაშაულის ბრალდებით 27 პირი დააკავეს,
მათ შორის 15 ნარკორეალიზატორი.
12:18 / 19.06.2024
შინაგან საქმეთა სამინისტროს თანამშრომლებმა, ჩატარებული საგამოძიებო მოქმედებების შედეგად, ნარკოდანაშაულის ბრალდებით 27 პირი დააკავეს, მათ შორის 15 ნარკორეალიზატორი.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.