ახალი ამბები
გარდა ამისა, აღნიშნული, შეიძლება ითქვას, ის ინფრასტრუქტურული პროექტია, რომლის საბოლოო იერსახეც სამუშაოების დაწყებიდან 6 თვის შემდეგაც გაურკველია.
ახალი სივრცის მთავარი ხიბლი კი, სწორედ ძველი შენობის ფასადის იერსახის გამოყენება და ახალ არქიტექტურასთან შერწყმა იყო.
ობიექტის მთავარ არქიტექტურულ ღირებულებას დასავლეთის, სამხრეთისა და ჩრდილოეთის კედლები წარმოადგენდა, ამიტომაც პროექტის მიხედვით, რომელიც შპს "ნს სტუდიომ" მოამზადა, სამივე ფასადის შენარჩუნება იყო განსაზღვრული.
„შენობის ძირითად სამ მნიშვნელოვან ფასადს ვამაგრებთ და ვახდენთ დაკარგული ელემენტების რეკონსტრუქციას, ასევე ამოშენებული თაღების დემონტაჟს და ღიობის შემავსებლად ვიყენებთ ფანჯრებს, რითიც ვიღებთ ავთენტურ იერსახეს, რომელიც გაერთიანდება ახალ აქრიტექტურასთან“, - ვკითხულობთ საპროექტო დოკუმენტაციაში.
ამ პროექტის მიხედვით, ასეთი უნდა ყოფილიყო საგამოფენი სივრცე:
დღეის მოცემულობით კი ობიექტს მხოლოდ ერთი კედელი შემორჩა, რომლის არსებობაც ჯერ კითხვის ნიშნის ქვეშ დგას.
"თუ დასკვნის მიხედვით აუცილებელი გახდება ფასადის დემონტაჟი, მოხდება კედლის დაშლა (და არა დანგრევა), ხოლო ფასადის ახალ კედელში გამოყენებული იქნება ძველი ფასადის დეტალები და ორნამენტები, ისევე როგორც დანარჩენი ორი კედლისგან შენახული მასალებისა", - აცხადებენ მერიაში.
თუკი პროექტი კიდევ ერთხელ შეიცვლება, ეს იმას ნიშნავს, რომ თანამედროვე საგამოფენო სივრცის მოსაწყობად, დიდი ალბათობით, მე-19 საუკუნის შენობის დანგრევა მოუწევთ.
პროექტის შეცვლასთან ერთად გადაიწევს სამუშაოების დასრულების თარიღიც, რომელიც ამ ეტაპზეც გადავადებულია. შპს "ართვინ ჯორჯიამ" სივრცის მოწყობა აპრილში უნდა დაასრულოს.
გადავადების მიზეზი სამუშაო პროცესში "აღმოჩენილი" "დამატებითი სამუშაოების საჭიროება" გახდა. ასევე, 6-თვიანი სამუშაოების შემდეგ "მოაფიქრდათ" მერიაში შენობის ერთადერთი კედლის მდგრადობის შესწავლა. სინამდვილეში, ექსპერტიზა ობიექტის წინა ფასადის ნაწილის ჩამოშლისა და არქიტექტორ ვახტანგ დვალიშვილის პროტესტის შემდეგ გახდა აუცილებელი.
ქუთაისში, მუზეუმის ყოფილ შენობაში საგამოფენო სივრცის მოწყობითი სამუშაოები ზაფხულში დაიწყო. მას კომპანია "ართვინ ჯორჯია" 4 მილიონ 999 227 ლარის სანაცვლოდ ახორციელებს.
ეთნოგრაფიული მუზეუმის ყოფილი შენობა 1860 წელს აშენდა. 2013 წლამდე აქ მუზეუმი ფუნქციონირებდა. 2017 წელს, ფუნქციის გარეშე დარჩენილ შენობაში ბიზნესმენი თემურ ჭყონია სასტუმროს მშენებლობას გეგმავდა, თუმცა, საბოლოოდ, შეთანხმება არ შედგა.
წლების განმავლობაში მერიამ შენობას ფუნქცია ვერ მოუძებნა. ისტორიულ ნაგებობას ერთადერთი დატვირთვა ჰქონდა - ადგილობრივი ხელისუფლება მის ფასადს ქალაქში განხორციელებული ინფრასტრუქტურული პროექტების ამსახველი ბანერების გამოსაფენად იყენებდა.
ამავე თემაზე:
მერია მუზეუმის შენობის ფასადის მდგრადობას სამუშაოების დაწყებიდან 6 თვის შემდეგ შეისწავლის
ქუთაისის მუზეუმის ყოფილი შენობის ფასადის ნაწილი ჩამოიშალა
"დროებით შეჩერდეს სარეკონსტრუქციო სამუშაოები"- არქიტექტორი ხელისუფლებას მიმართავს
ცენტრალურ მოედანზე საგამოფენო სივრცის მოწყობითი სამუშაოები დაიწყო
რა ისტორია უკავშირდება მუზეუმის ყოფილ შენობას, სადაც ახალი სივრცე უნდა მოეწყოს
მულტიფუნქციური საგამოფენო სივრცე - სამუშაო ვადებსა და იერსახეში აბნეული პროექტი
13:04 / 17.02.2023
ქალაქის ცენტრში მდებარე მუზეუმის ყოფილი შენობის ადგილას
მულტიფუნქციური საგამოფენო სივრცის მოწყობა - ვადებში
დაუსრულებელი პროექტების სიას შეემატა.
გარდა ამისა, აღნიშნული, შეიძლება ითქვას, ის ინფრასტრუქტურული პროექტია, რომლის საბოლოო იერსახეც სამუშაოების დაწყებიდან 6 თვის შემდეგაც გაურკველია.
მულტიფუნქციური საგამოფენო სივრცე, მუზეუმის ყოფილი შენობის სამივე
კედლის გამოყენებით, უკვე დასრულებული უნდა იყოს, თუმცა არც
სამუშაოებია დამთავრებული და ამავდროულად, ერთადერთი კედელიღაა
შემორჩენილი, რომლის არსებობაც ექსპერტიზის შედეგზეა
დამოკიდებული.
ახალი სივრცის მთავარი ხიბლი კი, სწორედ ძველი შენობის ფასადის იერსახის გამოყენება და ახალ არქიტექტურასთან შერწყმა იყო.
ობიექტის მთავარ არქიტექტურულ ღირებულებას დასავლეთის, სამხრეთისა და ჩრდილოეთის კედლები წარმოადგენდა, ამიტომაც პროექტის მიხედვით, რომელიც შპს "ნს სტუდიომ" მოამზადა, სამივე ფასადის შენარჩუნება იყო განსაზღვრული.
„შენობის ძირითად სამ მნიშვნელოვან ფასადს ვამაგრებთ და ვახდენთ დაკარგული ელემენტების რეკონსტრუქციას, ასევე ამოშენებული თაღების დემონტაჟს და ღიობის შემავსებლად ვიყენებთ ფანჯრებს, რითიც ვიღებთ ავთენტურ იერსახეს, რომელიც გაერთიანდება ახალ აქრიტექტურასთან“, - ვკითხულობთ საპროექტო დოკუმენტაციაში.
ამ პროექტის მიხედვით, ასეთი უნდა ყოფილიყო საგამოფენი სივრცე:
დღეის მოცემულობით კი ობიექტს მხოლოდ ერთი კედელი შემორჩა, რომლის არსებობაც ჯერ კითხვის ნიშნის ქვეშ დგას.
"თუ დასკვნის მიხედვით აუცილებელი გახდება ფასადის დემონტაჟი, მოხდება კედლის დაშლა (და არა დანგრევა), ხოლო ფასადის ახალ კედელში გამოყენებული იქნება ძველი ფასადის დეტალები და ორნამენტები, ისევე როგორც დანარჩენი ორი კედლისგან შენახული მასალებისა", - აცხადებენ მერიაში.
თუკი პროექტი კიდევ ერთხელ შეიცვლება, ეს იმას ნიშნავს, რომ თანამედროვე საგამოფენო სივრცის მოსაწყობად, დიდი ალბათობით, მე-19 საუკუნის შენობის დანგრევა მოუწევთ.
პროექტის შეცვლასთან ერთად გადაიწევს სამუშაოების დასრულების თარიღიც, რომელიც ამ ეტაპზეც გადავადებულია. შპს "ართვინ ჯორჯიამ" სივრცის მოწყობა აპრილში უნდა დაასრულოს.
გადავადების მიზეზი სამუშაო პროცესში "აღმოჩენილი" "დამატებითი სამუშაოების საჭიროება" გახდა. ასევე, 6-თვიანი სამუშაოების შემდეგ "მოაფიქრდათ" მერიაში შენობის ერთადერთი კედლის მდგრადობის შესწავლა. სინამდვილეში, ექსპერტიზა ობიექტის წინა ფასადის ნაწილის ჩამოშლისა და არქიტექტორ ვახტანგ დვალიშვილის პროტესტის შემდეგ გახდა აუცილებელი.
ქუთაისში, მუზეუმის ყოფილ შენობაში საგამოფენო სივრცის მოწყობითი სამუშაოები ზაფხულში დაიწყო. მას კომპანია "ართვინ ჯორჯია" 4 მილიონ 999 227 ლარის სანაცვლოდ ახორციელებს.
ეთნოგრაფიული მუზეუმის ყოფილი შენობა 1860 წელს აშენდა. 2013 წლამდე აქ მუზეუმი ფუნქციონირებდა. 2017 წელს, ფუნქციის გარეშე დარჩენილ შენობაში ბიზნესმენი თემურ ჭყონია სასტუმროს მშენებლობას გეგმავდა, თუმცა, საბოლოოდ, შეთანხმება არ შედგა.
წლების განმავლობაში მერიამ შენობას ფუნქცია ვერ მოუძებნა. ისტორიულ ნაგებობას ერთადერთი დატვირთვა ჰქონდა - ადგილობრივი ხელისუფლება მის ფასადს ქალაქში განხორციელებული ინფრასტრუქტურული პროექტების ამსახველი ბანერების გამოსაფენად იყენებდა.
ამავე თემაზე:
მერია მუზეუმის შენობის ფასადის მდგრადობას სამუშაოების დაწყებიდან 6 თვის შემდეგ შეისწავლის
ქუთაისის მუზეუმის ყოფილი შენობის ფასადის ნაწილი ჩამოიშალა
"დროებით შეჩერდეს სარეკონსტრუქციო სამუშაოები"- არქიტექტორი ხელისუფლებას მიმართავს
ცენტრალურ მოედანზე საგამოფენო სივრცის მოწყობითი სამუშაოები დაიწყო
რა ისტორია უკავშირდება მუზეუმის ყოფილ შენობას, სადაც ახალი სივრცე უნდა მოეწყოს
მსგავსი სიახლეები
14:19 / 10.10.2026
ტყიბულის შახტში რამდენიმე დღის წინ მომხდარი
შემთხვევის შედეგად ერთი მეშახტე დაშავდა.
შახტის ყოფილი თანამშრომელი ხვიჩა გაბუნია ფეისბუქპოსტში წერს, რომ საწარმოში გახშირებული ავარიები მოშლილი სისტემის შედეგია და არსებული მდგომარეობის გაგრძელებამ შესაძლოა შახტის დახურვა და ასობით ადამიანის უმუშევრად დარჩენა გამოიწვიოს.
მისი განცხადებით, მძიმე მდგომარეობაა ნახშირის მომპოვებელ უბნებზეც, სადაც დასაქმებულებს მუშაობა მაღალი რისკის პირობებში უწევთ. გაბუნიას თქმით, არ ხდება ტექნიკის განახლება და მოძველებული მექანიზმების ახლით ჩანაცვლება, ხოლო საწარმოს მართვაში გამოცდილი კადრების როლი შემცირებულია.
შახტის ყოფილი თანამშრომელი არსებულ ვითარებას 2018 წლის პერიოდს ადარებს, როდესაც, მისი თქმით, საწარმოში ავარიები და ფატალური შემთხვევები გახშირებული იყო. ის იხსენებს მეშახტეების მაშინდელ პროტესტსაც, რომელშიც თავად მონაწილეობდა და რომლის მიზანი საწარმოში მდგომარეობის გაუმჯობესება იყო.
გაბუნია მეშახტეებს მოუწოდებს, სამუშაო პირობებთან დაკავშირებულ რისკებზე ხმა აიმაღლონ. მისი შეფასებით, პრობლემების მოუგვარებლობამ შესაძლოა შახტის დახურვა და ტყიბულში ასობით ადამიანის უმუშევრად დარჩენა გამოიწვიოს.
"ბოლო დროს, შახტში ხშირია მარცხი, რომელიც სავალალო შედეგებით მთავრდება, ნახშირმომპოვებელი უბნები, ერთმანეთის მოყოლებით ფეთქდება და იწვის. რისი თქმა მინდა მეგობრებო, ამ წარმოებაში, მოშლილა სისტემა.
ორმა არაპროფესიონალმა ადამიანმა, ერთპიროვნულად ჩაიგდო ხელთ, მართვის სტრუქტურა. გამოცდილ კადრებს, რომლებიც თითზე ჩამოსათვლელი დარჩა ამ წარმოებაში, ( ჩემი პატივისცემა მათ) აღარაფერს ეკითხებიან. წარმოების სადავეები რამოდენიმე ნარკომანს და სოცკისთან დაახლოებული, არაპროფესიონალ კადრებს უჭირავს, რაც იწვევს შახტში, მოხშირებულ მარცხებს. ყველა, მექანიზმი და სატრანსპორტო საშვალება, რომელიც ემსახურება, მშრომელების გადაადგილებას და ნახშირის ტრანსპორტირებას, შახტიდან ზედაპირამდე , თითქმის 100% -ით გამოსულია მწყობრიდან, რაც საფრთხეს უქმნის მეშახტეთა სიცოცხლეს.
ნახშირ მომპოვებელი უბნები, კატასტროფულ მდგომარეობაშია, იქ ადგილზე მომუშავე პერსონალი, ძალიან დიდი რისკის ქვეშაა. არანაირი გადაიარაღება და ახლით ჩანაცვლება არ ხდება, რაც წარმოებას საბოლოოდ მიიყვანს დაკეტვის პირას და 100 ობით ადამიანის უმუშევრად დარჩენას. რისი თქმა მინდა მეგობრებო? ეს წარმოება უბრუნდება, 2018 წლის ნიშნულს, მარცხისა და სიკვდილიანობის მხრივ, როდესაც მოცემულ წლებში, ყოველ სამ თვეში, ათობით ადამიანი, მარცხდებოდა და იღუპებოდა. მაშინ, პირადად მე, ყველა მეშახტემ, ვისთვისაც ღირებილი იყო ადმიანის სიცოცხლე, გული შესტკიოდა წარმოების მომავალზე ხმა ამოვიღეთ და მიზანსაც მივაღწიეთ.
უპირველეს ყოვლისა, წლების განმავლობაში, აღარ ხდებოდა შახტში მარცხი, წარმოებაც შევინახეთ და გადავარჩინეთ. მეამაყება, მაშინდელ წლებში პროტასტის, რომელსაც პირადად მე,100 ობით მეშახტესთან ერთად ვხემძღვანელობდით და შედეგიც დავდეთ, ეს ყველა მეშახტეს კარგად ახსოვს. ამიტომ იყო, რომ წლების შემდგომ, არ მაპატიეს, მეშახტეების გვერჩიდგომა, ყველა მათ არასწორ გადაწყვეტილებაზე ხმის ხმამაღლა ამოღება და სისტემამ, მომიშორა თავიდან. მინდა მივმართო ყველა მეშახტეს! ხმა ამოიღეთ მეგობრებო, ყველა იმ რისკებზე, რაც თქვენ ჯამთელობას და სიცოცხლეს უქმნის საფრთხეს, თორემ შემდგომ, ჯვარი დაგწეროთ ღმერთმა გვიანი იქნება", - წერს შახტის ყოფილი თანამშრომელი.
„ქუთაისიპოსტი“ შახტში არსებულ მდგომარეობასთან დაკავშირებით საწარმოს ადმინისტრაციის პოზიციის გარკვევას შეეცდება.
შახტის ყოფილი თანამშრომელი ხვიჩა გაბუნია ფეისბუქპოსტში წერს, რომ საწარმოში გახშირებული ავარიები მოშლილი სისტემის შედეგია და არსებული მდგომარეობის გაგრძელებამ შესაძლოა შახტის დახურვა და ასობით ადამიანის უმუშევრად დარჩენა გამოიწვიოს.
მისი განცხადებით, მძიმე მდგომარეობაა ნახშირის მომპოვებელ უბნებზეც, სადაც დასაქმებულებს მუშაობა მაღალი რისკის პირობებში უწევთ. გაბუნიას თქმით, არ ხდება ტექნიკის განახლება და მოძველებული მექანიზმების ახლით ჩანაცვლება, ხოლო საწარმოს მართვაში გამოცდილი კადრების როლი შემცირებულია.
შახტის ყოფილი თანამშრომელი არსებულ ვითარებას 2018 წლის პერიოდს ადარებს, როდესაც, მისი თქმით, საწარმოში ავარიები და ფატალური შემთხვევები გახშირებული იყო. ის იხსენებს მეშახტეების მაშინდელ პროტესტსაც, რომელშიც თავად მონაწილეობდა და რომლის მიზანი საწარმოში მდგომარეობის გაუმჯობესება იყო.
გაბუნია მეშახტეებს მოუწოდებს, სამუშაო პირობებთან დაკავშირებულ რისკებზე ხმა აიმაღლონ. მისი შეფასებით, პრობლემების მოუგვარებლობამ შესაძლოა შახტის დახურვა და ტყიბულში ასობით ადამიანის უმუშევრად დარჩენა გამოიწვიოს.
"ბოლო დროს, შახტში ხშირია მარცხი, რომელიც სავალალო შედეგებით მთავრდება, ნახშირმომპოვებელი უბნები, ერთმანეთის მოყოლებით ფეთქდება და იწვის. რისი თქმა მინდა მეგობრებო, ამ წარმოებაში, მოშლილა სისტემა.
ორმა არაპროფესიონალმა ადამიანმა, ერთპიროვნულად ჩაიგდო ხელთ, მართვის სტრუქტურა. გამოცდილ კადრებს, რომლებიც თითზე ჩამოსათვლელი დარჩა ამ წარმოებაში, ( ჩემი პატივისცემა მათ) აღარაფერს ეკითხებიან. წარმოების სადავეები რამოდენიმე ნარკომანს და სოცკისთან დაახლოებული, არაპროფესიონალ კადრებს უჭირავს, რაც იწვევს შახტში, მოხშირებულ მარცხებს. ყველა, მექანიზმი და სატრანსპორტო საშვალება, რომელიც ემსახურება, მშრომელების გადაადგილებას და ნახშირის ტრანსპორტირებას, შახტიდან ზედაპირამდე , თითქმის 100% -ით გამოსულია მწყობრიდან, რაც საფრთხეს უქმნის მეშახტეთა სიცოცხლეს.
ნახშირ მომპოვებელი უბნები, კატასტროფულ მდგომარეობაშია, იქ ადგილზე მომუშავე პერსონალი, ძალიან დიდი რისკის ქვეშაა. არანაირი გადაიარაღება და ახლით ჩანაცვლება არ ხდება, რაც წარმოებას საბოლოოდ მიიყვანს დაკეტვის პირას და 100 ობით ადამიანის უმუშევრად დარჩენას. რისი თქმა მინდა მეგობრებო? ეს წარმოება უბრუნდება, 2018 წლის ნიშნულს, მარცხისა და სიკვდილიანობის მხრივ, როდესაც მოცემულ წლებში, ყოველ სამ თვეში, ათობით ადამიანი, მარცხდებოდა და იღუპებოდა. მაშინ, პირადად მე, ყველა მეშახტემ, ვისთვისაც ღირებილი იყო ადმიანის სიცოცხლე, გული შესტკიოდა წარმოების მომავალზე ხმა ამოვიღეთ და მიზანსაც მივაღწიეთ.
უპირველეს ყოვლისა, წლების განმავლობაში, აღარ ხდებოდა შახტში მარცხი, წარმოებაც შევინახეთ და გადავარჩინეთ. მეამაყება, მაშინდელ წლებში პროტასტის, რომელსაც პირადად მე,100 ობით მეშახტესთან ერთად ვხემძღვანელობდით და შედეგიც დავდეთ, ეს ყველა მეშახტეს კარგად ახსოვს. ამიტომ იყო, რომ წლების შემდგომ, არ მაპატიეს, მეშახტეების გვერჩიდგომა, ყველა მათ არასწორ გადაწყვეტილებაზე ხმის ხმამაღლა ამოღება და სისტემამ, მომიშორა თავიდან. მინდა მივმართო ყველა მეშახტეს! ხმა ამოიღეთ მეგობრებო, ყველა იმ რისკებზე, რაც თქვენ ჯამთელობას და სიცოცხლეს უქმნის საფრთხეს, თორემ შემდგომ, ჯვარი დაგწეროთ ღმერთმა გვიანი იქნება", - წერს შახტის ყოფილი თანამშრომელი.
„ქუთაისიპოსტი“ შახტში არსებულ მდგომარეობასთან დაკავშირებით საწარმოს ადმინისტრაციის პოზიციის გარკვევას შეეცდება.
13:20 / 10.10.2026
საქართველოს პროკურატურამ რუსთავის N6 საპატიმრო დაწესებულებაში მოთავსებული მსჯავრდებულის, გიორგი დავითაძის მიმართ განხორციელებული შესაძლო სექსუალური ძალადობის ფაქტზე მიმდინარე გამოძიება დაასრულა.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები