ახალი ამბები
"ქუთაისს თუ ესმის, ჩვენ შეგვიძლია მივიღოთ ნებისმიერი დახმარება" - დნიპროს მერი
FaceBook
"სამწუხაროდ, ჩვენ მოძმე ქალაქთან, ქუთაისთან დავკარგეთ ომში კავშირი. ქუთაისს თუ ესმის, ჩვენ შეგვიძლია მივიღოთ ნებისმიერი დახმარება ადამიანებისთვის, ქუთაისის მხრიდან" , - ამის შესახებ დნიპროს მერმა ბორის ფილატოვმა "ფორმულასთან" ინტერვიუში აღნიშნა. 

მერის თქმით,  დნიპრო სხვა მოძმე ქალაქებისგან დახმარებას იღებს, მაგრამ მათ შორის არ არის ქუთაისი. 

დნიპროს მერმა ინტერვიუში მიუთითა, რომ მისთვი სგულსატკენია საქართველოს ხელისუფლების პოზიცია უკრაინასთან მიმართებაში. 

"ვამბობ, როგორც ადამიანი, ძალიან მტკენს გულს საქართველოს ხელისუფლების პოზიცია. საქართველო არა მხოლოდ რუსული აგრესიის მსხვრეპლია, არამედ ქართველები არიან ჩვენი ძმები. ბევრი ქართველი მებრძოლია დღეს უკრაინაში. ისინი იღუპებიან უკრაინისთვის და საქართველოსთვის უკრაინის მიწაზე. ძნელია ავხსნა (საქართველოს ხელისუფლების)პოზიცია. შეიძლება ეს იყოს შიში, ან ეს იყოს სურვილი ჩირგვში ჩაჯდნენ. ეს არის ილუზია. არ გამოვა თავშესაფარში ჯდომა.  თუ უკრაინა დაეცემა შემდეგი საქართველო იქნება“.

14 იანვარს, დნიპროში რუსი აგრესორების მხრიდან, 9-სართულიან საცხოვრებელ კორპუსზე სარაკეტო თავდასხმის შედეგად 44 ადამიანი დაიღუპა. მათგან 38 ადამიანის ცხედარი იპოვეს, მათ შორის 4 ბავშვია. ასევე, იპოვეს ადამიანის სხეულის სამი ფრაგმენტი. 30 ადამიანი დაკარგულად მიიჩნევა.

ნანგრევებიდან 39 ადამიანი გამოიყვანეს, მათ შორის 6 ბავშვია. 75 ადამიანი დაზიანებებით საავადმყოფოში გადაიყვანეს, მათ შორის 14 ბავშვი.

დნიპრო ქუთაისის დამეგობრებული ქალაქია. დნიპროს გარდა ხარკოვი, ​ჟიტომირი, ლვოვი, დონეცკი, მიკოლაევი, დნიპრო, სუმი, ზაპოროჟიე - ქუთაისის დამეგობრებული ქალაქებია უკრაინაში.

ყველაზე მეტი მეგობარი ქალაქ ქუთაისს სწორედ უკრაინაში ყავს.

ქუთაისის მერიას დნიპროს მერის ინტერვიუზე განცხადება ჯერ არ გაუკეთებია. 

Print E-mail
FaceBook Twitter
მსგავსი სიახლეები
ოპოზიციური პარტიები სანქციებთან დაკავშირებით აშშ-ის
სახელმწიფო მდივნის, ენტონი ბლინკენის განცხადებას ეხმაურებიან.
15:10 / 24.05.2024
ოპოზიციური პარტიები სანქციებთან დაკავშირებით აშშ-ის სახელმწიფო მდივნის, ენტონი ბლინკენის განცხადებას ეხმაურებიან.
სახალხო დამცველი საქართველოს მთავრობას მოუწოდებს,
გაატაროს მკაცრი პოლიტიკა იმ პირების მიმართ, რომლებიც ქალთა მიმართ
დანაშაულებს ჩადიან.
14:52 / 24.05.2024
სახალხო დამცველი საქართველოს მთავრობას მოუწოდებს, გაატაროს მკაცრი პოლიტიკა იმ პირების მიმართ, რომლებიც ქალთა მიმართ დანაშაულებს ჩადიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.