ახალი ამბები
ქუთაისის საკრებულოს ფრაქცია "ერთიანი ნაციონალური მოძრაობა" ბოიკოტის რეჟიმში გადადის
FaceBook
ქუთაისის საკრებულოს ფრაქცია "ერთიანი ნაციონალური მოძრაობის“ წარმომადგენლებმა
დღეს, 26 დეკემბერს, ბრიფინგი გამართეს.
ფრაქციის წარმომადგენლებმა განაცხადეს, რომ ბოიკოტის რეჟიმში გადადიან.

მათი თქმით, ისინი საკრებულოს საქმიანობას ბოიკოტს მანამ გამოუცხადებენ, სანამ საქართველოს მესამე პრეზიდენტს სამკურნალოდ საზღვარგარეთ არ გადაიყვანენ.

"მიხეილ სააკაშვილის ჯანმრთელობის მდგომარეობა დღეს არის უკიდურესად მძიმე. ფიზიკურად შეუძლებელია მან ადეკვატური სამედიცინო მკურნალობა მიიღოს ქართულ სამედიცინო დაწესებულებებში. მანამ სანამ არ მოხდება მისი გადაყვანა საზღვარგარეთ სამკურნალოდ, ფრაქცია "ერთიანი ნაციონალური მოძრაობა" ქუთაისის საკრებულოში იქნება ბოიკოტის რეჟიმში. არ მიიღებს საკრებულოს არანაირ საქმიანობაში მონაწილეობას"- განაცხადა ფრაქცია "ერთიანი ნაციონალური მოძრაობის" თავმჯდომარემ გიორგი კილაძემ.

ფრაქციის წევრებმა საქართველოს პრეზიდენტს სალომე ზურაბიშვილსაც მიმართეს, გამოიყენოს კანონით მინიჭებული უფლება და გამოსცეს სააკაშვილის მიმართ შეწყალების აქტი.

"დღეს არის დარღვეული ადამიანის ფუნდამენტური უფლება, სწორედ ამიტომ მივმართავ და მოვუწოდებ საქართველოს პრეზიდენტს, გამოიყენოს მისთვის კანონით მინიჭებული უფლება და გამოსცეს შეწყალების აქტი, რომ გადარჩეს მესამე პრეზიდენტის სიცოცხლე. ამით გადარჩება ჩვენი სახელმწიფოს ევროპული მომავალიც"- განაცხადა ფრაქციის წევრმა ხათუნა არველაძემ.


Print E-mail
FaceBook Twitter
მსგავსი სიახლეები
გრიპის საწინააღმდეგო ვაქცინაციის ჩატარება მოსახლეობისთვის
ხელმისაწვდომი ოქტომბრის მეორე ნახევრიდან იქნება.
16:59 / 26.09.2023
გრიპის საწინააღმდეგო ვაქცინაციის ჩატარება მოსახლეობისთვის ხელმისაწვდომი ოქტომბრის მეორე ნახევრიდან იქნება.
წყალტუბოს სოფელ სორმონში, 250-მდე  მკვიდრი წვიმას ელოდება,
იმისთვის რომ წყალი ჰქონდეს.
12:42 / 25.09.2023
წყალტუბოს სოფელ სორმონში, 250-მდე  მკვიდრი წვიმას ელოდება, იმისთვის რომ წყალი ჰქონდეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.