ქუთაისიპოსტი

800 000 ლარი ხელფასების ზრდაზე, ხოლო 500 000 ლარი ცხელი წყლით უზრუნველყოფაზე დაიხარჯება.

ქუთაისის სკოლამდელ დაწესებულებებში ცხელი წყლის უზრუნველყოფის და თანამშრომლებზე ხელფასების ზრდის მიზნით ადგილობრივი ბიუჯეტიდან 1 300 000 ლარი დაიხარჯება.

აღნიშნულის თაობაზე ქალაქის მერმა, შოთა მურღულიამ  საკრებულოს სხდომაზე განაცხადა.

"გასულ წელს შევძელით ადმინისტრაციული ხარჯებზე ეკონომიის გაკეთება, შესაბამისად, ჩვენ დავთვალეთ ნაშთი, რაც გვაძლევს საშუალებას 1 300 000 ლარი მოვახმაროთ ბაგა - ბაღების ცხელი წყლით უზრუნველყოფას და თანამრომლებისთვის ხელფასების ზრდას, ასე, რომ ქუთაისის ბაღებში მეტი კომფორტს შეიქმნება," - განმარტა მურღულიამ.

მისივე თქმით, 1 300 000 ლარიდან, 800 000 ლარი  ხელფასების ზრდაზე და 500 000 ლარი ცხელი წყლი  უზრუნველყოფაზე დაიხარჯება.

6 მილიონ 723 500 ლარის ცვლილება საკრებულოს რიგგარეშე სხდომაზე ხმათა უმრავლესობით დაამტკიცეს.

მიმდინარე წლის ბიუჯეტში ცვლილების შედეგად დამატებული 7 მილიონამდე ლარი, გასული წლის ბიუჯეტში დარჩენილი ნაშთია.