ახალი ამბები
"ხერსონსა და ზაპოროჟიეში მოქალაქეების წამების ფაქტები გამოვლინდა" - HRW
FaceBook
ხერსონისა და ზაპოროჟიეს რეგიონებში მშვიდობიანი მოსახლეობის გაუჩინარების და წამების ფაქტები გამოვლინდა.

ადამიანის უფლებების დაცვის საკითხებზე მომუშავე საერთაშორისო ორგანიზაცია Human Rights Watch-მა ამის შესახებ ანგარიში გამოაქვეყნა.

ორგანიზაციის განცხადებით, მათმა წარმომადგენლებმა მოქალაქეების გაუჩინარების 42 შემთხვევა აღწერეს. მათ მიერ გამოკითხული ადამიანების თქმით, ოკუპანტები უკრაინელების წინააღმდეგ იყენებდნენ ელექტროშოკსაც.

,,წამების შემდეგ, ადგილობრივებმა სხვადასხვა სახის დაზიანება მიიღეს. მათ შორის, ძვლების და ნეკნების მოტეხილობა, მძიმე დამწვრობები, სისხლჩაქცევები, ტვინის შერყევა'',- აღნიშნულია ორგანიზაციის მიერ გავრცელებულ ანგარიშში.

HRW წერს, რომ ოკუპანტი ქვეყნის სამხედროებმა უკრაინის სულ მცირე ერთი მოქალაქე იძულებით გადაიყვანეს ოკუპირებულ ყირიმში, სადაც “გამოსასწორებელი სამუშაოს” შესრულებას აიძულებდნენ.

ორგანიზაციის განმარტებით, ოკუპაციის ფონზე მშვიდობიანი მოსახლეობის დაკავებისა და წამების მაღალი რისკები არსებობს, თუმცა მათ უკრაინის კონტროლირებად ტერიტორიებზე გადასვლის შესაძლებლობა თითქმის არ აქვთ.

უკრაინის პრეზიდენტის მუდმივი წარმომადგენელი ყირიმში თამილა თაშევა აცხადებს, რომ უკრაინის ხელისუფლება ვერ ახერხებს ხერსონის რეგიონში გაუჩინარებული ადამიანების ზუსტი რაოდენობის დადგენას, თუმცა მისი თქმით, თებერვლის შემდეგ, სულ მცირე, 600 ადამიანი გაუჩინარდა.

უკრაინაში 154 დღეა ომია.

რუსეთი სუვერენულ უკრაინას თავს 24 თებერვალს დაესხა. რუსულმა არმიამ მოკლა ათასობით მშვიდობიანი მოქალაქე, მიწასთან გაასწორა ქალაქები და დასახლებული პუნქტები.
Print E-mail
FaceBook Twitter
მსგავსი სიახლეები
საქართველოს ენერგოდამოუკიდებლობა პირდაპირაა დაკავშირებული
,,ენგურჰესთან“ და სხვა ჰესების მშენებლობასთან, ჩვენ ამაზე უნდა
ვიფიქროთ, როცა ცოტა მარტივად და ცოტა ზედაპირულად ვსაუბრობთ, რომ
ჰესები შეიძლება ბუნებას აზიანებდეს,
20:30 / 16.08.2022
საქართველოს ენერგოდამოუკიდებლობა პირდაპირაა დაკავშირებული ,,ენგურჰესთან“ და სხვა ჰესების მშენებლობასთან, ჩვენ ამაზე უნდა ვიფიქროთ, როცა ცოტა მარტივად და ცოტა ზედაპირულად ვსაუბრობთ, რომ ჰესები შეიძლება ბუნებას აზიანებდეს,
ეროვნული ბანკის მიერ გამოქვეყნებული მონაცემების თანახმად,
დღევანდელი ვაჭრობის შედეგად 1 აშშ დოლარის ღირებულება 2.8019 ლარი
გახდა.
17:47 / 16.08.2022
ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.8019 ლარი გახდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.