ახალი ამბები
"ხელისუფლებამ პოლიციელების ბინებისთვის განკუთვნილი ფული მიითვისა"
FaceBook
"ნაციონალური მოძრაობა" მმართველ პარტიას პოლიციელების ბინებისთვის გამოყოფილი თანხის მითვისებაში ადანაშაულებს.


მისი თქმით, კორპუსები, რომლებიც ქუთაისში, ნიკეას ქუჩაზე 2020 წელს უნდა აშენებულიყო, ამ დრომდე დაუსრულებელია, ქართველი პოლიციელები კი, თავისივე ქვეყანაში საცხოვრებელი ფართების მიღების ნაცვლად, ამერიკის გზას დაადგნენ.

ქუთაისის საკრებულოს ფრაქცია "ნაციონალური მოძრაობის" თავმჯდომარემ, გიგა შუშანიამ დღეს, დაუსრულებელ კორპუსებთან ბრიფინგი გამართა. მისი თქმით, 33 465 912 ლარი, რომელიც მშენებლობისთვის გამოიყო, კონკრეტული ადამიანების ჯიბეში წავიდა.

,,სწორედ ეს შენობები ასახავს შინაგან საქმეთა სამინისტროს დღევანდელ სახეს, მათ დამოკიდებულებას რიგითი პოლიციელების მიმართ, რომლებიც წლებია ბინას ელოდებიან, მაგრამ ეს თანხა მიდის კონკრეტული ადამიანის ჯიბეში. ყველა ქალაქში მიტოვებულია მშენებლობა. ფინანსური პრობლემების გამო კი პოლიციელები იძულებული არიან დატოვონ ქვეყანა და მექსიკის გავლით ამერიკაში გადავიდნენ", - განაცხადა გიგა შუშანიამ.

ქუთაისში, ნიკეას ქუჩაზე პოლიციელებისთვის ორი, 11 სართულიანი კორპუსის მშენებლობა 2018 წელს დაიწყო. პოლიციელებს 77 კვ.მ საცხოვრებელი ფართი, თეთრი კარკასით, 2020 წელს უნდა ჩაბარებოდათ, თუმცა, ადგილზე მხოლოდ 6 სართულია ამოყვანილი, მშენებლობა კი შეჩერებულია.

ქუთაისის გარდა, პოლიციელებისთვის ბინებს თბილისში, რუსთავში, ზუგდიდსა და ბათუმში "ქართულ ოცნებასთან" დაახლოებული კომპანია "თი ემ" აშენებდა. კომპანიის დირექტორს, ჯემალ გვარლიანს მმართველი პარტიისთვის 60 000 ლარი აქვს შეწირული.


Print E-mail
FaceBook Twitter
მსგავსი სიახლეები
ქუთაისში კოსტავას ქუჩის საგზაო ინფრასტრუქტურის მოსაწყობად
გამოცხადებული 2 მილიონამდე ლარის ღირებულების ტენდერი შეწყდა.
15:13 / 26.02.2024
ქუთაისში კოსტავას ქუჩის საგზაო ინფრასტრუქტურის მოსაწყობად გამოცხადებული 2 მილიონამდე ლარის ღირებულების ტენდერი შეწყდა.
კინოთეატრ „სულიკოს“ ადგილზე, შესაძლოა, 12 სართულიანი საცხოვრებელი
კორპუსი აშენდეს. 
13:44 / 26.02.2024
კინოთეატრ „სულიკოს“ ადგილზე, შესაძლოა, 12 სართულიანი საცხოვრებელი კორპუსი აშენდეს. 

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.