ახალი ამბები
ას საფეხურიანი კიბის რეაბილიტაცია 10 დღეში უნდა დასრულდეს
FaceBook
ას საფეხურიანი კიბეების რეკონსტრუქცია 10 დღეში, 19 ივლისს  უნდა დასრულდეს.
თუმცა,  ობიექტზე ჯერ ისევ მიმდინარეობს ფილების დაგება. 

ადგილზე მყოფი მუშები პროცესის დასრულებას ერთ თვეში ვარაუდობენ.

"ერთ თვეში დავასრულებთ. სამუშაოები აქტიურად მიმდინარეობს, მხოლოდ კვირა დღეს ვისვენებთ".

კიბეების რეკონსტრუქციაზე პასუხისმგებელი კომპანია „ბრიტანია ქონსთრაქშენის“ წარმომადგენელი დავით კაპანაძე იმედოვნებს, რომ სამუშაოები დათქმულ დროში დასრულდება, თუმცა, არც პროცესის დროში გახანგრძლივებას გამორიცხავს.

"დავასრულებთ დროულად თუ რამე შეფერხება არ მოხდა და პროექტში ისევ არ შევიდა ცვლილებები. ას საფეხურიანი კიბეები იქნება ისეთი, როგორიც ქალაქს შეეფერება", - ამბობს დავით კაპანაძე.

ბალახვნის კიბეების რეკონსტრუქციის დაპირება მერიამ ჯერ კიდევ 2018 წელს გასცა, თუმცა, პირობის შესრულება 2021 წლამდე ვერ შეძლო, რადგან ადგილობრივ ბიუჯეტში სამუშაოებისთვის ფინანსები ვერ გამოიძებნა. საბოლოოდ, კიბეების რეკონსტრუქცია ევროკავშირის საგრანტო კონკურსის ფარგლებში დაფინანსდა, რის შემდეგაც მერიამ ტენდერი (NAT210017615) გამოაცხადა.

სამუშაოებზე პასუხისმგებლობა კი 673 821 ლარის სანაცვლოდ შპს „ბრიტანია ქონსთრაქშენმა" აიღო. კომპანიას რეკონსტრუქცია ხუთ თვეში უნდა დაესრულებინა, თუმცა, მალევე ხელშეკრულებაში ცვლილება შედის, რომლის მიხედვითაც სამუშაოების ვადა ოთხი თვით გახანგრძლივდა, ხარჯთაღრიცხვა კი 67 370 ლარით გაიზარდა. საბოლოო ცვლილების მიხედვით, კომპანიამ სამუშაოები 19 ივლისს უნდა დაასრულოს, რისთვის ჯამში 741 191 ლარს მიიღებს, ანუ იმაზე მეტს, ვიდრე თავიდან მოითხოვა.

ამ დროისთვის „ბრიტანია ქონსთრაქშენს" სამუშაოების 48 % აქვს შესრულებული, რისთვისაც მერიამ 358 580 ლარი უკვე გადაუხადა.



ას საფეხურიანი კიბის რეკონსტრუქციას მერია გრანტის ფარგლებში გეგმავს

ბალახვნის კიბის რეაბილიტაციისთვის ერთი მილიონი ლარი დაიხარჯება

ასსაფეხურიანი კიბეების პროექტირების ტენდერი მეორედ ჩაიშალა

როგორი უნდა ყოფილიყო და როგორი იქნება ბალახვნის ას საფეხურიანი კიბე: ნახეთ აქ

ქუთაისში შადრევნების რეაბილიტაციის პროექტისთვის ტენდერი გამოცხადდა
Print E-mail
FaceBook Twitter
მსგავსი სიახლეები
ქუთაისში, ნიკეას ქუჩაზე არსებულ სოციალურ საცხოვრისში, საიდანაც მობინადრეები ობიექტის დაზიანების გამო
გაიყვანეს, შენობის სარეაბილიტაციო სამუშაოები დაიწყო. 
16:10 / 30.01.2023
ქუთაისში, ნიკეას ქუჩაზე არსებულ სოციალურ საცხოვრისში, საიდანაც მობინადრეები ობიექტის დაზიანების გამო გაიყვანეს, შენობის სარეაბილიტაციო სამუშაოები დაიწყო. 
ქუთაისში, ხუთი წლის წინ აშენებული საცხოვრისის შენობიდან
დაზიანების გამო მობინადრეები სასტუმროში გადაიყვანეს.
13:41 / 30.01.2023
ქუთაისში, ხუთი წლის წინ აშენებული საცხოვრისის შენობიდან დაზიანების გამო მობინადრეები სასტუმროში გადაიყვანეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.