ახალი ამბები
ჯო ბაიდენი საქართველოს დამოუკიდებლობის დღეს ულოცავს
11:25 / 26.05.2022
ამერიკის შეერთებული შტატების
პრეზიდენტი ჯო ბაიდენი საქართველოს დამოუკიდებლობის დღეს
ულოცავს.
მისალოც წერილში ბაიდენი წერს, რომ
ამერიკა აფასებს საქართველოს მიერ გლობალური უსაფრთხოების საქმეში
შეტანილ წვლილს, მათ შორის, ავღანეთში და ინარჩუნებს ქართველი ხალხის
მისწრაფებისადმი ერთგულებას, განიმტკიცოს პოზიციები ევრო-ატლანტიკურ
თანამეგობრობაში.
აშშ-ს პრეზიდენტი წერილში შეეხო
რუსეთის მიერ საქართველოს ოკუპაციასაც და დაწერა, რომ ამერიკა
აგრძელებს საქართველოს სუვერენიტეტის მხარდაჭერას საერთაშორისოდ
აღიარებულ საზღვრებში.
"ბატონო პრემიერ-მინისტრო!
მსურს თქვენ და ქართველს ერს 26 მაისს, დამოუკიდებლობის დღე
მოგილოცოთ. ქართველი და ამერიკელი ხალხი ერთმანეთთან ძლიერ არიან
დაკავშირებულნი დამოუკიდებელი სულისკვეთებით და თავისუფლებისადმი
ზიარი ერთგულებით.
საქართველომ თავისი მტკიცე
მიზანდასახულობა აჩვენა მსოფლიოს მასშტაბით თავისუფლების დაცვისას.
დიდად ვაფასებთ თქვენს მიერ გლობალური უსაფრთხოების საქმეში შეტანილ
წვლილს ჩვენი 30-წლიანი ორმხრივი ურთიერთობების განმავლობაში, მათ
შორის ავღანეთში ჩვენი საერთო ვალდებულებისა და თავგანწირვის
კონტექსტში.
საქართველოს
დამოუკიდებლობას აღვნიშნავთ, თუმცა აქვე ვაცნობიერებთ იმ ფაქტს, რომ
რუსეთის მიერ საქართველოს ტერიტორიების 20 პროცენტის ოკუპაცია ბევრ
ქართველს უზღუდავს ფუნდამენტური უფლებებითა და თავისუფლებით
სარგებლობას. შეერთებული შტატები განაგრძობს საქართველოს
სუვერენიტეტისა და ტერიტორიული მთლიანობის მხარდაჭერას საერთაშორისოდ
აღიარებულ საზღვრებში და რუსეთს მოუწოდებს დაასრულოს სუვერენული
საქართველოს ტერიტორიების ოკუპაცია.
შეერთებული შტატები ასევე
გააგრძელებს ქართველი ხალხის მხარდაჭერას მშვიდობიანი მომავლის,
კეთილდღეობის და დემოკრატიული თავისუფლების მისწრაფებების გზაზე.
შეერთებული შტატები განაგრძობს ქართველი ხალხისადმი მტკიცე
პარტნიორობის აღმოჩენას რეფორმების განხორციელების პროცესში და
ქვეყნის ევრო-ატლანტიკურ თანამეგობრობაში სწორუპოვარი პოზიციის
განმტკიცებაში", - წერია ჯო ბაიდენის მისალოც
წერილში.
26 მაისს საქართველო
დამოუკიდებლობის დღეს აღნიშნავს. საქართველოს პირველმა რესპუბლიკამ
ნოე ჟორდანიას ხელმძღვანელობით, საქართველოს დამოუკიდებლობა 1918 წლის
26 მაისს გამოაცხადა.
მსგავსი სიახლეები
14:13 / 26.04.2024
რიკოთის ახალი მაგისტრალური გზის მშენებლობის პროექტის ფარგლებში,
შორაპანი-არგვეთას მონაკვეთზე, ზესტაფონის შემოვლითი 9 კმ-იანი
მაგისტრალური გზა ავტოტრანსპორტისთვის დღეიდან გაიხსნა.
13:08 / 26.04.2024
საქართველოს სტატისტიკის ეროვნული სამსახურის მონაცემებით, 2023 წელს,
ემიგრანტების რიცხოვნობამ 245 064 კაცი შეადგინა, რაც წინა წელთან
შედარებით 95.6 პროცენტით მეტია.
შედარებით 95.6 პროცენტით მეტია.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები