ახალი ამბები
"მიზანი ნიკა გვარამიას დასჯა და კრიტიკული ტელეკომპანიის საქმიანობის შეფერხებაა" - TI
11:55 / 16.05.2022
არასამთავრობო ორგანიზაცია
"საერთაშორისო გამჭვირვალობა - საქართველო" ტელეკომპანია "მთავარი
არხის" გენერალური დირექტორის დაკავებას ეხმაურება.
ორგანიზაციის განცხადებით,
მმართველი პარტიის და მთავრობის ბოლო პერიოდის რიტორიკა და კონკრეტული
ქმედებები, მიზანმიმართულია იმისკენ, რომ საქართველომ ევროკავშირის
მხრიდან დადებითი პასუხი არ მიიღოს.
"საქმის მასალების
შესწავლისა და პროცესზე დაკვირვების საფუძველზე შეგვიძლია დავასკვნათ,
რომ აღნიშნული საქმე არის პოლიტიკურად მოტივირებული, რომლის მიზანი
ნიკა გვარამიას დასჯა და კრიტიკული ტელეკომპანიის საქმიანობის
შეფერხებაა. მედიის ცენზურისა და დაშინებისათვის მართლმსაჯულების
სისტემის გამოყენება სახიფათო გზავნილია სხვა კრიტიკული
მედიასაშუალებებისთვისაც. ამასთან, აღნიშნული განაჩენი გაგრძელებაა იმ
პოლიტიკური დევნისა, რომელსაც სახელმწიფო ოპონენტების წინააღმდეგ
წლებია აწარმოებს.
რთული წარმოსადგენია, იმ
ფონზე, როდესაც საქართველომ ევროკავშირის წევრობაზე განაცხადი
წარადგინა და გადაწყვეტილების მიღების მოლოდინშია, ხელისუფლებას არ
ჰქონდეს წარმოდგენილი ის დამაზიანებელი ეფექტი, რომელიც მის ბოლო
პერიოდის რიტორიკას, მედიაგარემოს გაუარესებისა და კრიტიკული
მედიასაშუალების წინააღმდეგ მიმართულ ქმედებებს შეიძლება მოჰყვეს.
შესაბამისად, ჩნდება განცდა, რომ მმართველი პარტიის და მთავრობის ბოლო
პერიოდის რიტორიკა და კონკრეტული ქმედებები მიზანმიმართულია იმისაკენ,
რომ საქართველომ ევროკავშირის მხრიდან დადებითი პასუხი არ
მიიღოს", - ნათქვამია ორგანიზაციის მიერ გავრცელებულ
განცხადებაში.
დღეს, ტელეკომპანია "მთავარის"
დამფუძნებელი და გენერალური დირექტორი ნიკა გვარამია
დააკავეს.
მსგავსი სიახლეები
14:44 / 07.05.2024
საქართველოს ახალგაზრდა იურისტთა ასოციაციის განცხადებით, სტრასბურგის
სასამართლომ, 2019 წლის 20 ივნისის საქმეზე დარღვევა დაადგინა.
12:36 / 07.05.2024
ქუთაისში, რუსული კანონის წინააღმდეგ უწყვეტი პროტესტი გრძელდება.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები