ახალი ამბები
ქუთაისში "გვირილობის" აღნიშვნა დაიწყო
FaceBook
ქუთაისში "გვირილობის" აღნიშვნა ტრადიციულად ქალაქის დალოცვით დაიწყო. ქუთათელ-გაენათელმა მიტროპოლიტმა მეუფე იოანემ ქალაქი ბაგრატის ტაძრიდან დალოცა, სადღესასწაულო ღვთისმსახურებას იმერეთის მხარის და ქალაქის პირველი პირები დაესწრნენ.

იმერეთის გუბერნატორის ზვიად შალამბერიძის თქმით, "გვირილობა" სახალხო დღესასწაულია, რომელიც სიკეთესთან ასოცირდება.

"მაგრამ წელს ვერ აღვნიშნავთ, ისე როგორც შეშვენის ქუთაისს, იქიდან გამომდინარე, რომ ჩვენს მეგობარ ქვეყანაში მიმდინარეობს ომი, იხოცებიან უდანაშაულო ადამიანები და ქუთაისი, ისევე, როგორც მთელი საქართველო, არის სოლიდარული უკრაინის მიმართ",
- განაცხადა ზვიად შალამბერიძემ.

2 მაისს ქუთაისში "გვირილობა", იგივე ქუთაისქალაქობა აღინიშნება. ამ დღეს, ტრადიციულად, ქალაქში სადღესასწაულო ღონისძიებები იმართება. წელს, ძლიერი წვიმის გამო  პროგრამა შეიცვალა და ღონისძიებების რაოდენობა შემცირდა.

ღონისძიებების ჩამონათვალი ნახეთ აქ.

"გვირილობა" ქუთაისის ტრადიციული დღესასწაულია. ყოველწლიურად ამ დღეს სხვადასხვა კულტურული, გასართობი და სპორტული ღონისძიება იმართება. ქუთაისში "გვირილობის" დღესასწაულის აღნიშვნა 1911 წლიდან დამკვიდრდა. გვირილას, როგორც ბუნებრივ ანტიბიოტიკს, ტუბერკულოზთან ბრძოლაში სიმბოლური დატვირთვა ჰქონდა. გაზაფხულის ამ დღეს გაყიდული ყვავილებიდან მიღებული შემოსავალი დაავადებულთა მკურნალობას ხმარდებოდა. 



Print E-mail
FaceBook Twitter
მსგავსი სიახლეები
ევროპის სახელმწიფო საფოსტო
ოპერატორების ასოციაციამ PostEurop-მა რუსეთის ფედერაციის „რუსეთის
ფოსტასა“ და ბელორუსის „ბელპოჩტას“ წევრობის უფლებები
შეუჩერა.
17:21 / 02.07.2022
ევროპის სახელმწიფო საფოსტო ოპერატორების ასოციაციამ PostEurop-მა რუსეთის ფედერაციის „რუსეთის ფოსტასა“ და ბელორუსის „ბელპოჩტას“ წევრობის უფლებები შეუჩერა.
ზესტაფონში უხვი ნალექის გამო,
ჩხეიძის ქუჩაზე, ხიდის მიმდებარედ არსებული გზა ჩაინგრა.
14:37 / 02.07.2022
ზესტაფონში უხვი ნალექის გამო, ჩხეიძის ქუჩაზე, ხიდის მიმდებარედ არსებული გზა ჩაინგრა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.