ახალი ამბები
უკრაინელმა კაცმა ალყაშემორტყმული მარიუპოლიდან გაქცევა ზღვის გადაცურვით შეძლო
17:30 / 09.04.2022
მარიუპოლში მცხოვრებმა დიმიტრი
იურინმა ალყაშემორტყმული ქალაქის დატოვება აზოვის ზღვის გადაცურვით
შეძლო.
ინფორმაციას The Guardian ავრცელებს. ქალაქი რუსი ოკუპანტების
მიერ თვეზე მეტია ალყაშია, თუმცა, დიმიტრი იურინმა მარიუპოლის
ნებისმიერ ფასად დატოვების გადაწყვეტილება მას შემდეგ მიიღო, რაც
ქალაქის დრამატული თეატრი დაბომბეს.
"საშინელება იყო უზარმაზარი
აფეთქება. მესმოდა ტირილი და ყვირილი. დავინახე სხეულები და ცხედრები.
ერთი ქალი გამოვიყვანე, მერე გოგო და მერე ბიჭი. ყველა დაშავდა.
ხელები მიკანკალებდა. სისხლით ვიყავი დაფარული", - ყვება
დიმიტრი.
მან პლასტმასის ბოთლებისგან და
ტყავის ჩანთებისგან ააწყო დამცავი მოწყობილობა, რომელიც ზღვაში ცურვის
დროს დაეხმარა და 4 კილომეტრის მანძილის დაფარვის შესაძლებლობა
მისცა.
სასოწარკვეთილი ლტოლვილი
ორსაათნახევარი იმყოფებოდა ზღვაში.
მან გაიარა რუსეთის პოზიცია
რიბაცკესთან და ბოლოს სოფელ მელექინამდე მიცურა. სოფელი რუსეთის
კონტროლის ქვეშ იყო. ის ხანდაზმულ წყვილს გადაეყარა, რომლებიც
დაეხმარნენ. მათი დახმარებით იურინმა მოახერხა მიკროავტობუსში
ჩაჯდომა, რომელიც მიემართებოდა ბერდიანსკის პორტისკენ, რომელიც ასევე
ოკუპირებულია რუსული ძალების მიერ. მისი თქმით, საგუშაგოზე მყოფმა
რუსმა ჯარისკაცებმა მას ყურადღება არ მიაქციეს. "ისინი 17 თუ
18 წლისები იყვნენ", - იხსენებს ის.
ქალაქ ბერდიანსკიდან მან შეძლო
უკრაინის მიერ ადმინისტრირებულ ტერიტორიაზე გადასვლა.
უკრაინაში ომის 45-ე დღეა.
უკრაინაში ფართომასშტაბიანი ომი რუსეთმა 24 თებერვალს დაიწყო. ამ
დროის შემდეგ იბომბება არა მხოლოდ სამხედრო ობიექტები, არამედ
სამშობიაროები, საავადმყოფოები, საბავშვო ბაღები და მშვიდობიანი
მოსახლეობის საცხოვრებელი სახლები. ქალაქ ბუჩადან რუსული სამხედრო
ძალების გასვლის შემდეგ უკრაინულმა მხარემ აღმოაჩინა ასობით ნაწამები
და დახვრეტილი მშვიდობიანი მოქალაქის ცხედარი. ამ ომში 170-ზე მეტი
ბავშვია მოკლული.
მსგავსი სიახლეები
13:08 / 26.04.2024
საქართველოს სტატისტიკის ეროვნული სამსახურის მონაცემებით, 2023 წელს,
ემიგრანტების რიცხოვნობამ 245 064 კაცი შეადგინა, რაც წინა წელთან
შედარებით 95.6 პროცენტით მეტია.
შედარებით 95.6 პროცენტით მეტია.
11:30 / 26.04.2024
ჭიათურის მუნიციპალიტეტ სოფელ შუქრუთში მიმდინარე პროტესტს, რომელიც
45-ე დღეა გრძელდება, საქართველოს ახალგაზრდა იურისტთა ასოციაცია
ეხმიანება.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები