ახალი ამბები
"პუტინმა თქვენ მე-19-ე საუკუნეში დაგაბრუნათ" - ბაიდენი რუს ხალხს
23:04 / 26.03.2022
ამერიკის შეერთებული შტატების
პრეზიდენტმა ჯო ბაიდენმა, პოლონეთიდან რუს ხალხს
მიმართა.
მან რუსეთის მოქალაქეებს
გაახსენა ბერლინის კედლისა და საბჭოთა კავშირის დანგრევა და უთხრა,
რომ ყველაზე კარგად მათ იციან და ესმით, რატომ ჩამოიხსნა რკინის
ფარდა. ბაიდენის თქმით, ბოლო ერთ თვეში რუსეთი 200 000-მა ადამიანმა
დატოვა, რაც ქვეყანაში დემოკრატიის ნაკლებობის მანიშნებელია. მან
უთხრა რუს ხალხს, რომ რამდენიმე დღის წინ ისინი 21-ე საუკუნის
მოქალაქეები იყვნენ, ახლა კი პუტინის ქმედებებმა მე-19-ე საუკუნეში
დააბრუნა.
"მინდა მივმართო რუს
ხალხს, ჩვენ არ ვართ თქვენი მტერი, თუ თქვენ ფიქრობთ, რომ ბავშვების
და მოხუცების მოკვლა არის სამართლიანობა, მინდა გითხრათ, რომ ეს არ
არის ზესახელმწიფოს ქმედებები. რამდენიმე დღის წინ, თქვენ იყავით 21-ე
საუკუნის ქვეყანა, მაგრამ პუტინის ქმედებებმა თქვენ მოგწყვიტათ
სამყაროს და დაგაბრუნათ მე-19-ე საუკუნეში. ნუთუ თქვენი შვილები
იმსახურებენ ასეთ მომავალს? ძალა არის ერთად ყოფნაში და ამ ერთად
ყოფნამ დაამარცხა საბჭოთა კავშირი. დიქტატორი კი, რომელიც ისწრაფვის
ისტორიას ჩაბარებული იმპერიის აღდგენისთვის, ვერასდროს მოახერხებს
მიზნის მიღწევას, ეს ადამიანი ვერ დარჩება ხელისუფლებაში", -
თქვა ბაიდენმა.
მან ასევე ისაუბრა უკრაინელ
დევნილებზე, რომლებიც მან პოლონეთში მოინახულა და თქვა, რომ ძალიან
დათრგუნულია ამით, თუმცა, აღფრთოვანებულია პოლონელების გულუხვობით,
რომლებმაც გულის კარი გაუღეს უკრაინელებს.
ჯო ბაიდენმა პოლონეთში ვიზიტი
დაასრულა.
მსგავსი სიახლეები
15:21 / 19.04.2024
"ოქროს ჩარდახის“ რეაბილიტაცია, რომლის პროექტმაც საზოგადოების
გარკვეულ წრეებში პროტესტი გამოიწვია, დასრულდა.
14:08 / 19.04.2024
საქართველოში ოფშორების საკითხი განსაკუთრებით აქტუალური წელს გახდა.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები