ახალი ამბები
"ამზადებენ საქართველოს გადაცემას რუსეთისთვის" - მიხეილ სააკაშვილი
FaceBook
თბილისის საქალაქო სასამართლოში, ე.წ. პიჯაკების საქმეზე, საქართველოს მესამე პრეზიდენტის მიხეილ სააკაშვილის მომდევნო სასამართლო პროცესი მიმდინარეობს.

სხდომაზე მსჯავრდებულმა სიტყვა მოითხოვა. პროცესის დაწყებამდე სააკაშვილმა უკრაინაში მიმდინარე პროცესების ფონზე, საქართველოსთვის არსებულ გამოწვევებსა და შესაძლებლობებზე ისაუბრა. მისი თქმით, უკრაინა ომში იმარჯვეს, საქართველოს ხელისუფლება კი ამ დროს რუსეთს ნეიტრალიტეტზე გაურიგდა.

"მაშინ, როცა უკრაინა იბრძვის, მათ შორის საქართველოსთვის, ესენი (ხელისუფლება) ამზადებენ საქართველოს გადაცემას რუსეთისთვის, მზადდება პროვოკაციები ოკუპირებული ტერიტორიების გასწვრივ, რის შემდეგაც, რუსეთი მოგვთხოვს ნეიტრალიტეტს, ესენი გამოაცხადებენ ნეიტრალიტეტს და რამდენიმე თვეში ან წელიწადში საქართველო გახდება რუსეთის ოფიციალური ნაწილი. ეს არის ამათი გეგმა, ამაზე შეთანხმებული და გარიგებულები არიან. ამიტომ, ახლა ამ თაობის ამოცანაა, ეს არ დაუშვას"
, - განაცხადა სააკაშვილმა პროცესზე.

მან საპარლამენტო ოპოზიცია გააკრიტიკა და თქვა, რომ ახლა არ არის ცივილიზებული კითხვა-პასუხის დრო და ერთადერთ საკითხზე, რაზეც მათ უნდა ისაუბრონ, არის მმართველი პარტიის ხელისუფლებიდან წასვლა.

"ჩვენ გვაქვს ისეთი შანსი ამ უახლოეს თვეებში, როგორც არასდროს. უკრაინა ამ ომში იმარჯვებს და ასი წელი აღარ გაიხსნება ასეთი შესაძლებლობების ფანჯარა, ამიტომ, შემდეგი თვეები არის მოქმედების დრო. მე მინდა მივმართო საპარლამენტო ოპოზიციას, გვეყოთ პარლამენტარობის თამაში, მე არ მოგიწოდებთ, რომ გამოხვიდეთ პარლამენტიდან, არა, იყავით პარლამენტში, მაგრამ ერთადერთ საკითხზე არის აქ სალაპარაკო - როდის მოშორდება (ქართული ოცნება) ხელისუფლებას, სხვა კითხვა-პასუხი არ შეიძლება იყოს", - თქვა სააკაშვილმა.

მან პროცესზე სამძიმარი გამოუცხადა უკრაინაში დაღუპული ქართველი მებრძოლების ოჯახებს და თქვა, რომ სირცხვილია, როცა ერთ-ერთ გარდაცვლილ ქართველზე, ბახვა ჩიქობავაზე საქართველოში სისხლის სამართლის საქმეა აღძრული.

Print E-mail
FaceBook Twitter
მსგავსი სიახლეები
ევროპის სახელმწიფო საფოსტო
ოპერატორების ასოციაციამ PostEurop-მა რუსეთის ფედერაციის „რუსეთის
ფოსტასა“ და ბელორუსის „ბელპოჩტას“ წევრობის უფლებები
შეუჩერა.
17:21 / 02.07.2022
ევროპის სახელმწიფო საფოსტო ოპერატორების ასოციაციამ PostEurop-მა რუსეთის ფედერაციის „რუსეთის ფოსტასა“ და ბელორუსის „ბელპოჩტას“ წევრობის უფლებები შეუჩერა.
ზესტაფონში უხვი ნალექის გამო,
ჩხეიძის ქუჩაზე, ხიდის მიმდებარედ არსებული გზა ჩაინგრა.
14:37 / 02.07.2022
ზესტაფონში უხვი ნალექის გამო, ჩხეიძის ქუჩაზე, ხიდის მიმდებარედ არსებული გზა ჩაინგრა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.