ახალი ამბები
უკრაინაში დაღუპულ ქართველ მებრძოლებს საქართველოს ექვს ქალაქში პატივს მიაგებენ
12:39 / 19.03.2022
უკრაინაში, რუსი ოკუპანტების
წინააღმდეგ მებრძოლი ქართველების - გია ბერიაშვილისა და დავით
რატიანის ხსოვნას, დღეს საქართველოს ექვს ქალაქში პატივს
მიაგებენ.
"დროას" ლიდერის, ელენე ხოშტარიას
ინფორმაციით, მოქალაქეები შეიკრიბებიან თბილისში, ბათუმში, ზუგდიდში,
თელავში, სამტრედიასა და ფოთში.
"დავკარგეთ ორი ქართველი
მებრძოლი, გია ბერიაშვილი და დავით რატიანი. ამ ადამიანებმა სიცოცხლე
გაწირეს ჩვენთვის, ჩვენი თავისუფლებისთვის და ჩვენი მშვიდობისთვის.
მათ საკუთარ თავზე აიღეს თავისუფლების ტვირთი და თავი გაწირეს.
ყველაზე მინიმუმი, რაც ახლა შეგვიძლია გავაკეთოთ, არის მათი ხსოვნის
პატივისცემა და მათ ოჯახებზე ზრუნვა", - წერს ხოშტარია
სოციალურ ქსელში.
პარტიის ლიდერი მოქალაქეებს
მოუწოდებს საკუთარ თავზე აიღონ ინიციატივა და დააორგანიზონ
შეკრება.
ომში დაღუპული მებრძოლების
ხსოვნისადმი პატივის მიგება 15:00 საათზე იგეგმება.
მოქალაქეები შეიკრიბებიან შემდეგ
ლოკაციებზე: თბილისი - პარლამენტის წინ; ბათუმი - ერას მოედანი;
ზუგდიდი - ზვიად გამსახურდიას ბიუსტი, ცენტრალური ბულვარის ტერიტორია;
თელავი - ერეკლე II მოედანი; სამტრედია - გამსახურდიას მოედანი; ფოთი
- 8 აგვისტოს დაღუპულთა მემორიალი.
გია ბერიაშვილი და დავით რატიანი
უკრაინაში 18 მარტის ღამეს დაიღუპნენ. გარდაცვლილები ქალაქ ირპენთან,
საარტილერიო შეტაკებებში მონაწილეობდნენ. ისინი საარტილერიო დარტყმებს
ემსხვერპლნენ. ორივე მებრძოლის ცხედარი ფრონტის ხაზიდან უკვე
გამოყვანილია. სამშობლოში მათ გადმოსვენებას საქართველოს მთავრობა
უზრუნველყოფს, თუმცა, თარიღი ჯერჯერობით უცნობია.
უკრაინაში 24 დღეა ომია. რუსეთი
სუვერენულ უკრაინას თავს 24 თებერვალს დაესხა. ვლადიმერ პუტინის მიერ
ომის გამოცხადებას წინ უძღოდა რუსეთის მიერ უკრაინის ოლქების:
ლუგანსკისა და დონეცკის ე.წ. დამოუკიდებელ სახელმწიფოებად
აღიარება.
მსგავსი სიახლეები
14:59 / 23.04.2024
USAID-ის სასამართლის უზენაესობის პროგრამის მიერ გამოცხადებული
რეგიონული კონკურსის გამარჯვებულები გამოვლინდნენ.
12:09 / 23.04.2024
ევროპის ისტორიული თერმული ქალაქების ასოციაციის გენერალურ ასამბლეას,
რომელიც საქართველოში პირველად იმართება, იმერეთი მასპინძლობს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები