ახალი ამბები
უკრაინა-რუსეთს შორის მოლაპარაკებები დღეს განახლდება
10:00 / 15.03.2022
უკრაინა-რუსეთს შორის
მოლაპარაკებების მეოთხე რაუნდი დღეს უნდა განახლდეს.
სააგენტო
Unain-ის ცნობით, გუშინდელ
მოლაპარაკებებზე, უკრაინული დელეგაციის რიგებში იუსტიციის მინისტრი
დენის მალიუსკაც იყო, რაც სააგენტოს ვარაუდით, იმის ნიშანია, რომ
კონკრეტული პუნქტები უკვე შეთანხმებულია.
,,იუსტიციის სამინისტრო საჭიროა,
რომ ეს პუნქტები უკრაინის კანონებთან და კონსტიტუციასთან იყოს
შესაბამისობაში'', - წერს სააგენტო.
გუშინ, უკრაინა-რუსეთს შორის
მოლაპარაკებების მეოთხე ეტაპი დაიწყო, რომელიც ხუთი საათის
განმავლობაში გაგრძელდა, თუმცა, შედეგი მიღწეული არ იქნა. შეხვედრაზე
ტექნიკური შესვენება გამოცხადდა. მოლაპარაკებათა მორიგი რაუნდი,
ამჯერად, ვიდეოკონფერენციის ფორმატში ჩატარდა.
რუსეთის მიერ უკრაინაში შეჭრის
შემდეგ, მხარეებს შორის მოლაპარაკებების ორი რაუნდი შედგა, თუმცა,
ორივე შეხვედრა, სადაც უკრაინის დელეგაცია ცეცხლის შეწყვეტის
მოთხოვნას აყენებდა, უშედეგოდ დასრულდა. შეთანხმება არ შედგა არც
უკრაინა-რუსეთის საგარეო საქმეთა მინისტრების შეხვედრაზე, რომელიც 10
მარტს თურქეთის ქალაქ ანტალიაში, თურქული მხარის შუამავლობით
გაიმართა. მხარეები გარკვეულ შეთანხმებებს მხოლოდ ჰუმანიტარულ
დერეფნებზე აღწევდნენ, თუმცა, რუსეთის ჯარმა არაერთხელ გაუხსნა ცეცხლი
ევაკუაციის მიზნით შეკრებილ მოქალაქეებს. ჰუმანიტარული დერეფნების
დროს ათობით უკრაინელი დაიღუპა, მათ შორის ბავშვები.
უკრაინაში ოცი დღეა ომია. რუსეთი
სუვერენულ უკრაინას თავს 24 თებერვალს დაესხა. ვლადიმერ პუტინის მიერ
ომის გამოცხადებას წინ უძღოდა რუსეთის მიერ უკრაინის ოლქების:
ლუგანსკისა და დონეცკის ე.წ. დამოუკიდებელ სახელმწიფოებად
აღიარება.
20 დღიანი ბრძოლის შედეგად,
უკრაინული მხარის ცნობით, დაღუპულია 13 000-ზე მეტი რუსი ჯარისკაცი და
განადგურებულია ხუთ მილიარდზე მეტი ღირებულების რუსეთის სამხედრო
ტექნიკა. მძიმე დანაკარგების მიუხედავად, რუსული ავიაცია აგრძელებს
საჰაერო თავდასხმებს უკრაინის ქალაქებზე, რასაც მშვიდობიანი
მოქალაქეები ეწირებიან.
უკრაინისთვის ახლა მთავარ პრობლემას
წარმოადგენს რუსეთის მიერ განხორციელებული საჰაერო იერიშები, რის
გამოც, უკრაინის პრეზიდენტი ვოლოდიმირ ზელენსკი ევროპის ქვეყნებს
საჰაერო სივრცის დაცვას სთხოვს.
მსგავსი სიახლეები
16:03 / 27.04.2024
იმერეთში და სხვა რეგიონებში ნარკოდანაშაულისთვის 18
პირი დააკავეს, მათ შორის, 8 ნარკორეალიზატორი.
14:06 / 27.04.2024
2 მაისს, ქუთაისში გვირილობის აღსანიშნავად, სხავდასხვა ღონისძიებები
გაიმართება.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები