ახალი ამბები
"ევროკავშირის ლიდერებმა უკრაინის ევროინტეგრაციას უთხრეს - დიახ" - ლიეტუვას პრეზიდენტი
11:57 / 11.03.2022
"უკრაინას ევროკავშირში
მიესალმებიან", - ამის შესახებ ლიეტუვას პრეზიდენტმა გიტანას ნაუსედამ
ტვიტერზე დაწერა.
თუმცა, მანამდე ნაუსედამ აღნიშნა
მთავარი - ევროკავშირის ლიდერებმა უკრაინის ევროინტეგრაციას უთხრეს -
დიახ.
"ისტორიული ღამე ვერსალში.
ხუთსაათიანი მწვავე დისკუსიის შემდეგ, ევროკავშირის ლიდერებმა უთხრეს
დიახ უკრაინის ევროინტეგრაციას. პროცესი დაიწყო. ახლა ჩვენსა და
უკრაინელებზეა დამოკიდებული, რომ ეს სწრაფად განხორციელდეს. უკრაინელი
გმირი ერი იმსახურებს იცოდეს, რომ მას ევროკავშირში
მიესალმებიან", - წერს ნაუსედა.
ევროკავშირში გაწევრების
პროცედურების თანახმად, მას შემდეგ, რაც ქვეყანა წევრობის შესახებ
განაცხადს გააკეთებს, ევროპული საბჭო ევროკომისიას მიმართავს, რათა
მოამზადოს ანგარიში, სადაც დაფიქსირებული იქნება მათი პოზიცია: არის
თუ არა ქვეყანა მზად მოლაპარაკებების დაწყებისთვის.
"ჩვენ კიდევ უფრო
გავაძლიერებთ ჩვენს კავშირებს და გავაღრმავებთ პარტნიორობას, რათა
მხარი დავუჭიროთ უკრაინას ევროპული გზის გატარებაში. უკრაინა ჩვენ
ევროპულ ოჯახს ეკუთვნის", - ეს განცხადება კი ევროპული
საბჭოს არაფორმალური სხდომის შემდეგ ევროკავშირის სახელმწიფოების
ლიდერების მიერ გავრცელებულ ტექსტში წერია.
ევროკავშირის ლიდერები აღნიშნავენ,
რომ უკრაინაში აგრესიულ ომზე სრულად პასუხისმგებელნი არიან რუსეთი და
"მისი მოკავშირე" ბელარუსი, ხოლო დამნაშავეები პასუხისგებაში
მიეცემიან.
ისინი მოითხოვენ, რომ რუსეთმა
უკრაინაში სამხედრო მოქმედებები შეწყვიტოს და ჯარი გაიყვანოს.
ამასთან, მზად არიან გააგრძელონ ზეწოლა რუსეთსა და
ბელარუსზე.
მსგავსი სიახლეები
16:51 / 09.03.2026
„უცხოური გავლენის გამჭვირვალობის შესახებ“ კანონით გათვალისწინებულ
უფლებამოსილებებს საჯარო რეესტრის ნაცვლად, სახელმწიფო აუდიტის
სამსახური განახორციელებს.
11:53 / 09.03.2026
საქართველოს ახალგაზრდა იურისტთა ასოციაციამ (საია) ადამიანის უფლებათა ევროპულ სასამართლოს მზია ამაღლობელის სახელით კიდევ ერთი, მესამე საჩივარი წარუდგინა.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები