ირაკლი კობახიძემ, მოქალაქეების მოთხოვნას, არ დაუშვან რუსეთის მოქალაქეების მასობრივი შემოდინება საქართველოში, რომლის 20%-იც სწორედ რუსეთის მიერ არის ოკუპირებული, დისკრიმინაციული უწოდა.
მისი თქმით, დისკრიმინაციული და შოვინისტური კამპანია "ომის პარტიამ" ანუ "ნაციონალურმა მოძრაობამ" წამოიწყო, რომელსაც საფუძვლად ომის განზრახვა უდევს.
"ომის პარტიის" განზრახვის მორიგი გამოვლინებაა ახალი კამპანია, რომელიც მათ საქართველოში მყოფი რუსი ეროვნების მოქალაქეების წინააღმდეგ წამოიწყეს. განსაკუთრებით შემაშფოთებელია ის გარემოება, რომ ამ კამპანიაში, რომელიც დისკრიმინაციისა და შოვინიზმის ძალზე უხეში გამოვლინებაა, ჩართული არიან "ნაციონალურ მოძრაობასთან" დაკავშირებული ე.წ. არასამთავრობო ორგანიზაციებიც, რომელთა ერთ-ერთი უმთავრესი მისია სწორედ რომ დისკრიმინაციის ყველა ფორმის აღკვეთა და ეთნიკური შუღლის გაღვივების პრევენცია უნდა იყოს. აქვე აღვნიშნავთ, რომ წარმოებული კამპანია უხეშად არღვევს საქართველოს კონსტიტუციის მე-11 მუხლს, რომელიც ეთნიკური ნიშნით დისკრიმინაციას ყოველგვარი დათქმის გარეშე კრძალავს'',- განაცხადა ირაკლი კობახიძემ.
კობახიძემ ეთნიკური ნიშნით დისკრიმინაციაზე კანონის გამკაცრებაც დააანონსა.
რუსეთი უკრაინაში 24 თებერვალს შეიჭრა.
ქუთაისში, იოსელიანის ქუჩაზე, საცხოვრებელი კორპუსის მშენებლობისას მომხდარ უბედურ შემთხვევასთან დაკავშირებით შინაგან საქმეთა სამინისტრომ გამოძიება დაიწყო.
ქუთაისში, მაშველებმა სამშენებლო კონსტრუქციის ქვეშ მოყოლილი მუშა ამოიყვანეს, თუმცა მისი სიცოცხლის გადარჩენა ვერ მოხერხდა.
მასალის გამოყენების პირობები