საქართველო რუსეთის აგენტების სიის მოლოდინში

საქართველო რუსეთის აგენტების სიის მოლოდინში - Anonymous რუსეთ-უკრაინის ომში

16:38 / 01.03.2022

საქართველოში რუსეთის აგენტების სიების გამოქვეყნებას ელოდებიან.

ამ სიების გასაჯაროების შესახებ ინფორმაცია, მსოფლიოს უდიდესმა ჰაკერულმა გაერთიანებამ,ჰაქტივისტებმა Anonymous-მა გაასაჯაროვა.

Anonymous რუსეთის მიერ უკრაინაში შეჭრიდან რამდენიმე საათში გამოჩნდა და კიბერ ომი გამოუცხადა ვლადიმერ პუტინს და მის მმართველობას. მათ განაცხადი ტვიტერზე გააკეთეს და აღნიშნეს, რომ "ოფიციალურად" ჩაებნენ კიბერ ომში რუსეთის მთავრობის წინააღმდეგ.

კიბერ ომში, რომელსაც სერიოზული დარტყმის მიყენება შეუძლია სახელმწიფოებისთვის, რადგან კომპიუტერებში ინახება Სამთავრობო მნიშვნელობის ინფორმაცია, აქვეა თავმოყრილი ბანკების, ტრანსპორტის, სატელიტების, საკომუნიკაციო არხებისა თუ მედიის მთავარი ინფორმაცია, საიდანაც იმართება ყველა ეს სისტემა. სწორედ ამ მართვის ცენტრებს უტევენ Anonymous-ის წევრები.

მათ რუსული პროპაგანდისტული მედია Russia Today დაბლოკეს. შემდეგი იყო ერთ-ერთი ყველაზე დიდი რუსული კომპანია "გაზპრომი".

უკრაინაში ომის დაწყებიდან მალევე Anonymous-მა რუსეთის თავდაცვის სამინისტროს ვებგვერდი, კრემლის ვებ-გვერდი და რუსული სამთავრობო ტელევიზიების ვებ-გვერდები გათიშეს.

რუსეთისა და ბელარუსის მთავრობების, სახელმწიფო მედიასაშუალებების, ბანკებისა და კომპანიების 1 500-ზე მეტ ვებ-გვერდი გატეხეს. გათიშეს რუსეთის შრომისა და სოციალური დაცვის სამინისტრო. Anonymous-მა გატეხა რუსული ლინუქსის ტერმინალი და გაზის კონტროლის სისტემა, რომელიც ჩრდილოეთ ოსეთში მდებარეობს.

ასევე დაბლოკა ბელარუსის ტოპ ბანკები Belinvestbank, Priorbank და Belarusbank.

Anonymous-მა რუსეთის ბირთვული უსაფრთხოების ინსტიტუტის მონაცემთა ბაზები გატეხა და ინტერნეტში 40 000 ფაილი გაავრცელა.

ჰაკერების ჯგუფმა ბელორუსში მოქმედი აგენტების სიებიც გაასაჯაროვა. ამჯერად Anonymous რუსეთის საერთაშორისო აგენტების სიის გასაჯაროებას გეგმავს. 3 მარტს კი ჰაკერები რუსული ანგარიშებიდან თანხის მოხსნით დაიმუქრნენ.

Anonymous-ის მოკლე ისტორია

Anonymous არის დეცენტრალიზებული საერთაშორისო აქტივისტური და ჰაქტივისტური ჯგუფი და მოძრაობა, რომელიც ძირითადად ცნობილია თავისი სხვადასხვა კიბერშეტევებით მთავრობის, სამთავრობო ინსტიტუტებისა და სამთავრობო უწყებების, კორპორაციებისა და ზოგიერთი ეკლესიის წინააღმდეგ.

Anonymous წარმოიშვა 2003 წელს ინტერნეტფორუმ 4chan-ზე.

ანონიმუსს ლიდერები არ ჰყავს, იქ ყველა თანაბარუფლებიანია.

ანონიმური ჰაქტივიზმის სამიზნეები იყვნენ შეერთებული შტატების, ისრაელის, ტუნისის, უგანდას და სხვა სამთავრობო უწყებები; ერაყისა და ლევანტის ისლამური სახელმწიფო; ბავშვთა პორნოგრაფიის საიტები; საავტორო უფლებების დაცვის სააგენტოები; ვესტბოროს ბაპტისტური ეკლესია. კორპორაციები, როგორიცაა PayPal, MasterCard, Visa და Sony. მათ კიბერშეტევები განხორციელდა აშშ-ს სამთავრობო უწყებებზე, მედიაზე, კომპანიებზე, სამხედრო კონტრაქტორებზე, სამხედრო პერსონალსა და პოლიციის ოფიცრებზე, რის შედეგადაც სამართალდამცავი ორგანოების ყურადღება მიიპყრო ჯგუფების საქმიანობამ.

ათობით ადამიანი დააკავეს ანონიმურ კიბერშეტევებში მონაწილეობისთვის, მათ შორის შეერთებულ შტატებში, გაერთიანებულ სამეფოში, ავსტრალიაში, ნიდერლანდებში, ესპანეთში, ინდოეთსა და თურქეთში.

ჯგუფის ქმედებებისა და ეფექტურობის შეფასება განსხვავებულია. მხარდამჭერებმა ჯგუფს უწოდეს "თავისუფლების მებრძოლები"და ციფრული რობინ ჰუდები, ხოლო კრიტიკოსებმა ისინი აღწერეს, როგორც „კიბერ ტერორისტები".

Anonymous-ის მედია პროფილი 2018 წლისთვის შემცირდა, მაგრამ ჯგუფი ხელახლა გაჩნდა 2020 წელს.

2020 წელს ანონიმმა დაიწყო კიბერშეტევები ნიგერიის მთავრობის წინააღმდეგ და წაშალეს ნიგერიის მთავრობის ვებსაიტები. 2012 წელს Time-მა Anonymous მსოფლიოს "100 ყველაზე გავლენიან ადამიანებში“ შეიყვანა.

ავტორი:

ეკა კუხალაშვილი

ავტორის სხვა სტატიები

თეგები: #უკრაინა #Anonymous #ომი

მასალის გამოყენების პირობები

ქუთაისიპოსტი

ქუთაისიპოსტი