ახალი ამბები
სააგენტოში 17-ის ნაცვლად ფუნქციონირებას 11 სამსახური განაგრძობს. შესაბამისად, შემცირდა სააგენტოში დასაქმებულთა რაოდენობაც. ამის შესახებ სააგენტომ განცხადება ფეისბუქ გვერდზე გაავრცელა.
გაუქმებული სამსახურები და შემცირებული თანამშრომლები - რეორგანიზაცია კულტურული მემკვიდრეობის სააგენტოში
16:50 / 18.01.2022
კულტურული მემკვიდრეობის დაცვის ეროვნულ სააგენტოში,
რეორგანიზაციის შედეგად 6 სამსახური, მათ შორის, საზოგადოებასთან
ურთიერთობის სამსახური გაუქმდა.
სააგენტოში 17-ის ნაცვლად ფუნქციონირებას 11 სამსახური განაგრძობს. შესაბამისად, შემცირდა სააგენტოში დასაქმებულთა რაოდენობაც. ამის შესახებ სააგენტომ განცხადება ფეისბუქ გვერდზე გაავრცელა.
"რეორგანიზაციის შედეგად
განხორციელებული სტრუქტურული ცვლილებები მიზნად ისახავდა სააგენტოზე
დაკისრებული ფუნქციების ეფექტური და დროული განხორციელების მიღწევას,
ასევე, უწყების წინაშე არსებული სერიოზული გამოწვევების დაძლევას.
რეორგანიზაციის შედეგად განხორციელდა ისეთი სტრუქტურული ერთეულების
გაერთიანება, რომელთაც ერთმანეთის მსგავსი/მონათესავე ფუნქციები
ჰქონდათ. სააგენტოს ოპტიმალური სტრუქტურის მისაღებად ასევე
განხორციელდა ისეთი პოზიციების შემცირება, რომელთა გარდაუვალი
აუცილებლობაც აღარ არსებობდა. შედეგად, 17 სამსახურის ნაცვლად,
სააგენტოში ფუნქციონირებას განაგრძობს 11 სამსახური და სააგენტოში
დასაქმებულთა რაოდენობა 381-დან 345-მდე
შემცირდა.
ქვეყნის
მასშტაბით კულტურული მემკვიდრეობის ძეგლების მონიტორინგის მიზნით,
სააგენტოში შეიქმნა ინსპექტორების მობილური ჯგუფები, რომლებიც
რეგიონების მიხედვით მოახდენენ კულტურული მემკვიდრეობის ძეგლების
მდგომარეობის ინსპექტირებას და უზრუნველყოფენ შემდგომ
რეაგირებას", - ნათქვამია განცხადებაში.
როგორც ირკვევა, სააგენტოს
საზოგადოებასთან ურთიერთობის სამსახურის ფუნქციებს, ჯერჯერობით,
კულტურის სამინისტრო შეითავსებს.
"ჩვენ დაგვირეკეთ და
დაგეხმარებით", - გვითხრა
უწყების საზოგადოებასთან ურთიერთობის სამსახურის წარმომადგენელმა
რუსუდან უშიკიშვილმა.
საქართველოს კულტურული
მემკვიდრეობის დაცვის ეროვნულ სააგენტოში რეორგანიზაცია გასული
წლის 25 ნოემბერს დაიწყო და მიმდინარე წლის იანვარში დასრულდა. ახალი
საშტატო განრიგი 15 იანვრიდან ამოქმედდა.
მსგავსი სიახლეები
14:59 / 23.04.2024
USAID-ის სასამართლის უზენაესობის პროგრამის მიერ გამოცხადებული
რეგიონული კონკურსის გამარჯვებულები გამოვლინდნენ.
12:09 / 23.04.2024
ევროპის ისტორიული თერმული ქალაქების ასოციაციის გენერალურ ასამბლეას,
რომელიც საქართველოში პირველად იმართება, იმერეთი მასპინძლობს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები