ახალი ამბები
ტყიბულის კარიერზე დაშავებული მამაკაცი, რომელიც მაშველებმა გადაარჩინეს, გარდაიცვალა
FaceBook
ტყიბულის კარიერზე დაშავებული მამაკაცი საავადმყოფოში გარდაიცვალა.

ვიტალი ტურძილაძე ქუთაისის რეფერალურ ჰოსპიტალში, რეანიმაციულ განყოფილებაში მართვით სუნთქვაზე იმყოფებოდა. მას გულ-მკერდის და ფილტვების დაჟეჟილობა ჰქონდა. ექიმების თქმით, მდგომარეობა კრიტიკული იყო.

ტყიბულში, ღია კარიერზე, სადაც ორი მუშა გამაგრებით სამუშაოებს ასრულებდა, მიწის მასა 27 ნოემბერს ჩამოიშალა. შემთხვევის შედეგად ორივე მამაკაცი მიწის მასის ქვეშ აღმოჩნდა. სამუშაოების მწარმოებელმა მომხდარის შესახებ მას შემდეგ შეიტყო, რაც იგი მუშებს ვერ დაუკავშირდა და მათ სანახავად ადგილზე მივიდა.

მაშველებმა ერთი მამაკაცი ცოცხალი იპოვეს, მეორეს ცხედარს კი შვიდსაათიანი ძებნის შემდეგ მიაგნეს.

ტყიბულის მერიის ინფორმაციით, კარიერზე ქვანახშირის მოპოვება უნებართვოდ ხდებოდა, შესაბამისად, გამორიცხული არ არის, მომხდართან დაკავშირებით კონკრეტული პირის პასუხისმგებლობის საკითხი დადგეს. პოლიციაში უკვე გამოიკითხა სამუშაოების მწარმოებელი.

მომხდარზე გამოძიება სისხლის სამართლის კოდექსის 240-ე მუხლით დაიწყო, რაც მშენებლობის ან ექსპლუატაციის დროს უსაფრთხოების წესების დარღვევას გულისხმობს, რასაც მოჰყვა ჯანმრთელობის ნაკლებად მძიმე ან მძიმე დაზიანება ან რამაც მნიშვნელოვანი ზიანი გამოიწვია.
Print E-mail
FaceBook Twitter
მსგავსი სიახლეები
ქუთაისში, „გუბერნსკის ციხის
15:00 / 12.06.2024
ქუთაისში, „გუბერნსკის ციხის" ყოფილ შენობას დაანგრევენ და მის ადგილზე საცხოვრებელი მრავალსართულიანი კორპუსი აშენდება. 
ქუთაისში, კინოთეატრის,
11:36 / 12.06.2024
ქუთაისში, კინოთეატრის, "სულიკოს" ყოფილი შენობის ადგილას მრავალსართულიანი საცხოვრებელი კორპუსის მშენებლობა მიმდინარეობს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.