ახალი ამბები
ქუთაისის საკრებულოში ქალაქის 2022 წლის ბიუჯეტის პროექტის განხილვა დაიწყო
FaceBook
ქუთაისის საკრებულოს ძველმა შემადგენლობამ ახალი ბიუჯეტის პროექტზე მუშაობა დაიწყო.

მთავარი ფინანსური დოკუმენტის სამუშაო ვარიანტი დღეს ჯანდაცვისა და სოციალურ საკითხთა და საფინანსო-საბიუჯეტო კომისიების წევრებმა განიხილეს. ორი საათის განმავლობაში არკვევდა ჯანდაცვისა და სოციალურ საკითხთა კომისია აღმასრულებლის მიერ წარდგენილ დოკუმენტში სადავო საკითხებს. სოციალურ საკითხთა სამსახურის ხელმძღვანელის მოადგილეს ფიქრია ხაჭაპურიძეს, გაუჭირდა დაესახელებინა მისი სამსახურის მიმდინარე წლის ბიუჯეტის მოცულობა და შესაბამისად ისიც, თუ რამდენით არის გაზრდილი მომდევნო წლის მთავარ ფინანსურ დოკუმენტში, აღნიშნული სამსახურის პროგრამებისთვის გაწერილი თანხა. აღმასრულებელს არ ჰქონდა დაზუსტებული, რა პრინციპით უნდა გასცეს მომდევნო წელს თანხა ონკოლოგიური პაციენტების გამოკვლევების დასაფინანსებლად და არც ის იცოდა, რა პოზიცია აქვს სახელმწიფოს დიაბეტის მქონე ადამიანების მკურნალობის დაფინანსების თვალსაზრისით, რაც თავის მხრივ, განსაზღვრავს ამ პროგრამის არსებობას აღნიშნულ ბიუჯეტში.

ფიქრია ხაჭაპურიძე თვლის, რომ მან კარგად დამუშავებული ბიუჯეტი წარადგინა.

"როგორ ვიმუშავებ თქვენი აზრით, თუ არ ვიცი რამდენია ამ წლის ან მომდევნო წლის ბიუჯეტი? შევყოვნდი იმიტომ, რომ თანხებში ცდომილება არ მქონოდა, გადავამოწმე კიდევ ერთხელ. ამიტომ გადის კომისიაზე, რომ მოხდეს საკითხების განხილვა და შენიშვნების მიღება. თუ ყველაფერი კარგად არის, ეს დემოკრატია არ არის", - განაცხადა ფიქრია ხაჭაპურიძემ.

კომისიამ სამსახურის მიერ წარმოდგენილ ბიუჯეტზე სამი შენიშვნა უკვე დაწერა.

ბიუჯეტის პროექტით კმაყოფილია კომისიის თავმჯდომარე.

"მცირე კორექტირება დაგვჭირდა. შეიძლება ციფრებში იყო რაღაც პრობლემები, მაგრამ საბოლოო ჯამში გამართული იყო. სამი შენიშვნა გვქონდა", - განაცხადა მამუკა რიჟამაძემ.

საკრებულო ბიუჯეტის განხილვას აგრძელებს, რის შემდეგაც პროექტი კვლავ აღმასრულებელს დაუბრუნდება. ქალაქის მთავარი ფინანსური დოკუმენტი სხდომაზე დასამტკიცებლად მხოლოდ ამის შემდეგ გავა.

2022 წლის ქალაქის ბიუჯეტის მოცულობა, პროექტის მიხედვით, 82 მილიონამდე ლარი იქნება. მომდევნო წელსაც პრიორიტეტული სფეროები სოციალური, ჯანდაცვა და ინფრასტრუქტურაა.
Print E-mail
FaceBook Twitter
მსგავსი სიახლეები
ქუთაისის საერთაშორისო აეროპორტში მცირე ზომის სატვირთო ტერმინალი
აშენდება. 
14:21 / 20.02.2024
ქუთაისის საერთაშორისო აეროპორტში მცირე ზომის სატვირთო ტერმინალი აშენდება. 
ქუთაისში
11:43 / 20.02.2024
ქუთაისში "გუბერნსკის ციხის" ყოფილი შენობა, რომელიც ჯერ კიდევ 2021 წელს გაიყიდა, ისევ უფუნქციო და მიტოვებულია.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.