ახალი ამბები
ქუთაისის საოლქო საარჩევნო კომისიამ საჩივრების განხილვა დაიწყო
FaceBook
59-ე  ქუთაისის საოლქო საარჩევნო კომისიამ,  ადგილობრივი თვითმმართველობის არჩევნების მეორე ტურზე დაწერილი საჩივრების განხილვა დაიწყო.
საოლქოში შესული 17 საჩივრიდან  8 განიხილეს, საიდანაც 6 საჩივარი არ დაკმაყოფლდა.

დაკმაყოფილდა #119 საარჩევნო უბანზე  კენჭისყრის დღეს "სამართლიანი არჩევნების" წარმომადგენლის მიერ დაწერილი საჩივარი, რომელიც რეგისტრატორის არაკომპეტენტურობას ეხებოდა. 

"რეგისტრატორმა არასწორად მოახია ბიულეტინი, რის გამოც უბნის თავმჯდომარემ სხვა რეგისტრატორით ჩაანაცვლა. ვფიქრობ, სწორი გადაწყვეტილება იქნა მიღებული, თუმცა, ჩვენც გაფრთხილებას მივცემთ", - განაცხადა საჩივრების განხილვისას საოლქო საარჩევნო კომისიის თავმჯდომარემ ლარინა ლალიაშვილმა. 

მეორე დაკმაყოფილებული საჩივარი ასევე, კენჭისყრის პროცესზე იყო,  რომელიც "ნაციონალური მოძრაობის" დამკვირვებელმა 91-ე  უბანზე დააფიქსირა.  საარჩევნო უბანზე ამომრჩეველი მივიდა, რომელსაც საკუთარი პოზიცია გადასატან ყუთში უკვე დაფქსირებული ჰქონდა. 

კომისიის გადაწყვეტილებით, უბნის  თავმჯდომარეს და მდივანს  გაფრთხილება მიეცა. 

საოლქოში შესული  საჩივრებიდან 13 "ნაციონალური მოძრაობის",  ხოლო დანარჩენი "სამართლიანი არჩევნების" დამკვირებლებმა დაწერეს. 

საარჩევნო კომისიის თავმჯდომარის ლარინა ლალიაშვილის განცხადებით, საჩივრები, ძირითადად, პროცედურ დარღვევებს ეხება. 

საოლქო კომისიამუკვე გადათვალა  7  უბანი, საიდანაც ცვლილება სამ უბნის ოქმის მონაცემში  შევიდა.  

30 ოქტომბერს ადგილობრივი თვითმმართველობის არჩევნების მეორე ტური ჩატარდა. წინასწარი მონაცემებით, ქუთაისის მერი მმართველი პარტიის კანდიდატი იოსებ ხახალეიშვილი გახდა, მას მხარი ამომრჩეველთა 51,64%-მა დაუჭირა, "ნაციონალური მოძრაობის" კანდიდატმა ხატია დეკანოიძემ კი ხმების 48.35% მიიღო.


Print E-mail
FaceBook Twitter
მსგავსი სიახლეები
ქუთაისის საკრებულოს დეპუტატებმა
14:57 / 26.01.2022
ქუთაისის საკრებულოს დეპუტატებმა "ნაციონალური მოძრაობიდან", სხდომაზე ახალი ფრაქციის შექმნა მოითხოვეს.
ქუთაისის საკრებულოს სხდომა
უკრაინის მხარდამჭერი განცხადებებით დაიწყო.
14:25 / 26.01.2022
ქუთაისის საკრებულოს სხდომა უკრაინის მხარდამჭერი განცხადებებით დაიწყო.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.