ახალი ამბები
"ვითხოვთ უბნების ხელახლა გადათვლას" - ხატია დეკანოიძე
FaceBook
"ნაცონალური მოძრაობის" ქუთაისის მერობის კანდიდატი ხატია დეკანოიძე არჩევნების მეორე ტურის წინასწარ შედეგებს არ სცნობს.
მერობის კანდიდატი ზოგიერთ უბანში ხმების თავიდან გადათვლას, ხოლო ზოგიერთ უბანში კი, ხმების გაბათილებას ითხოვს.

მისი თქმით, ყველაზე პრობლემური უბნები ციხე, კოვიდუბანი და გადასატანი ყუთი იყო. ის ასევე აღნიშნავს, რომ ქალაქის ყველა საარჩევნო უბანში კონკრეტული პირები ამომრჩევლებზე ზეწოლას ახდენენ, რის გამოც ის პროკურატურისთვის მიმართვას გეგმავს. ამის გარდა, ხატია დეკანოიძე გაბათილებული ბიულეტენების (2396) ხელახლა გადათვლასაც ითხოვს.

"124 უბანზე 2000 ბიულეტენია გაბათილებული და ძირითადად ეს არის ოპოზიციური კანდიდატის ბიულეტენები, გარდას ამისა, 124 უბნიდან 20 უბანზე ბალანსი არ ჯდება, რაც ხდებოდა უბნებზე, მოსყიდვა, შანტაჟი ადამიანების დაშინება, ეს ყველაფერი იმასთვის, რომ ადამიანების თავისუფალ ნებაზე ზემოქმდება მოეხდინათ. ამის გარდა, ციხე, იქ სადაც არანაირი ბერკეტი არ გვქონდა რომ ზედამხველობა გაგვეწია, იქ ყოველგვარი ფარულობის გარეშე ხდებოდა ხმის მიცემა. ვაპირებთ რეჟიმის წინააღმდეგ ბრძოლას და ვგეგმავთ, სასამართლოში შევიტანოთ სარჩელი, ჯერ საოლქოში და შემდეგ სასამართლოში", - განაცხადა ხატია დეკანოიძემ.

"ნაციონალური მოძრაობის" ქუთაისის მერობის კანიდატმა მიღებული ხმებისთვის ქუთაისის ამომრჩევლებს მადლობა გადაუხადა.

ცესკომ უკვე დაითვალა ქალაქში არსებული 124-ივე საარჩევნო უბნის შედეგები. წინასწარი მონაცემების მიხედვით, ქუთაისში იოსებ ხახალეიშვილს ამომრჩევლების 51,64%-მა  დაუჭირა მხარი, ხოლო "ნაციონალური მოძრაობის" კანდიდატს ხატია დეკანოიძეს ამომრჩევლების 48.35%-მა.

პირველ ტურში, კი შედეგები განსახვავებული იყო:

"ნაციონალური მოძრაობა" ხატია დეკანოიძე - 43.35%;

"ქართული ოცნება" იოსებ ხახალეიშვილს - 41.45%;

30 ოქტომბერს ადგილობრივი თვითმმართველობის არჩევნების მეორე ტური ჩატარდა.

ამომრჩევლებს 64 მერი და ასევე, 64 საკრებულოს 2 068 წევრი უნდა აერჩიათ, თუმცა, არასკმარისი ხმების გამო 20 ქალაქში არჩევების მეორე ტური მიმდინარეობს.
Print E-mail
FaceBook Twitter
მსგავსი სიახლეები
საქართველოს პრეზიდენტმა დღეს 12 მსჯავრდებული შეიწყალა.
18:04 / 23.09.2022
საქართველოს პრეზიდენტმა დღეს 12 მსჯავრდებული შეიწყალა.
გარემოს ეროვნული სააგენტოს ინფორმაციით, 22 სექტემბრიდან - 25
სექტემბრის დილის საათებამდე საქართველოს უმეტეს ტერიტორიაზე
მოსალოდნელია დროგამოშვებით წვიმა,
11:02 / 23.09.2022
გარემოს ეროვნული სააგენტოს ინფორმაციით, 22 სექტემბრიდან - 25 სექტემბრის დილის საათებამდე საქართველოს უმეტეს ტერიტორიაზე მოსალოდნელია დროგამოშვებით წვიმა,

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.