ახალი ამბები
ე.წ. „სისხლიან ბანერებზე“ აუდიტის სამსახურმა მოკვლევა დაიწყო
11:23 / 30.09.2021
სახელმწიფო აუდიტის სამსახურმა რამდენიმე ქალაქში
გამოკრულ ე.წ. სისხლიან ბანერებთან დაკავშირებით მოკვლევა
დაიწყო.
აუდიტის სამსახური კვლევას
თვითმართველლობის არჩევნების შუალედურ
ანგარიშში აქვეყნებს.
ანგარიშის მიხედვით, სახელმწიფო
აუდიტის სამსახურმა გამოითხოვა ინფორმაცია ბანერების განთავსების
ადგილების მფლობელი კომპანიისგან ბანერების დამკვეთის, მათი
განთავსებისათვის გამოყოფილი ადგილების, ტირაჟის, განთავსების
ხანგრძლივობისა და ღირებულების შესახებ.
,,2021 წლის სექტემბერში ქვეყნის მასშტაბით
გარე რეკლამისათვის განკუთვნილ ადგილებში განთავსდა პოლიტიკური
შინაარსის ბანერები წარწერით - "არა ნაცებს, არა ბოროტებას, არა
ღალატს". აღნიშნულ ბანერებზე განთავსებული მასალა მიმართულია
რამდენიმე პოლიტიკური ძალის მხარსაჭერისგან თავის შეკავებისკენ.
სახელმწიფო აუდიტის სამსახურმა დაიწყო ადმინისტრაციული წარმოება
ზემოაღნიშნული ბანერების განთავსების მიზნით გაწეული ხარჯის
კანონიერების დასადგენად. სახელმწიფო აუდიტის სამსახურმა გამოითხოვა
ინფორმაცია ბანერების განთავსების ადგილების მფლობელი კომპანიისგან
ბანერების დამკვეთის, მათი განთავსებისათვის გამოყოფილი ადგილების,
ტირაჟის, განთავსების ხანგრძლივობისა და ღირებულების შესახებ", -
ნათქვამია გავრცელებულ ინფორმაციაში.
ე.წ. სისხლიან ბანერებთან
დაკავშირებით ცესკომაც იმსჯელა.
ცესკოს თქმით, ბანერები არ არის
მიჩნეული საარჩევნო პროგრამად. ხოლო მისი გამკვრელი პირი არ არის
საარჩევნო სუბიექტი, შესაბამისად ცესკო დამკვეთი პირის მიმართ
სამართალდარღვევის ოქმს ვერ შეადგენს.
როგორც საარჩევნო
ადმინისტრაციაში განმარტავენ, აღნიშნული არ წარმოადგენს არცერთ
პოლიტიკურ პარტიას, საარჩევნო სუბიექტს, ან მათ ოფიციალურ
მხარდამჭერს.
საქართველოს რამდენიმე ქალაქში გაკრულ ბანერზე "ნაციონალური მოძრაობის", "ევროპული საქართველოსა" და "გირჩის" პოლიტიკურ ლიდერებთან ერთად, გიორგი გახარიაც არის გამოსახული.
ბანერზე, ასევე გამოსახულია ნიკა გვარამია, ჟურნალისტი ნოდარ მელაძე და პოლიტიკოსი გუბაზ სანიკიძე.
უკვე მეორე არჩევნებია "ქართული ოცნება" ოპონენტებთან ბრძოლის ამ გზას ირჩევს. მსგავსი შინაარსის წარწერები მმართველმა პარტიამ ბანერებზე შარშანაც განათავსა.
საქართველოს რამდენიმე ქალაქში გაკრულ ბანერზე "ნაციონალური მოძრაობის", "ევროპული საქართველოსა" და "გირჩის" პოლიტიკურ ლიდერებთან ერთად, გიორგი გახარიაც არის გამოსახული.
ბანერზე, ასევე გამოსახულია ნიკა გვარამია, ჟურნალისტი ნოდარ მელაძე და პოლიტიკოსი გუბაზ სანიკიძე.
უკვე მეორე არჩევნებია "ქართული ოცნება" ოპონენტებთან ბრძოლის ამ გზას ირჩევს. მსგავსი შინაარსის წარწერები მმართველმა პარტიამ ბანერებზე შარშანაც განათავსა.
მსგავსი სიახლეები
15:21 / 19.04.2024
"ოქროს ჩარდახის“ რეაბილიტაცია, რომლის პროექტმაც საზოგადოების
გარკვეულ წრეებში პროტესტი გამოიწვია, დასრულდა.
14:08 / 19.04.2024
საქართველოში ოფშორების საკითხი განსაკუთრებით აქტუალური წელს გახდა.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები