ახალი ამბები
ცესკო „სისხლიან ბანერებს" სამართალდარღვევად არ მიიჩნევს
FaceBook
"თბილისსა და სხვა რეგიონებში განთავსებული ბანერებზე სამართალდარღვევის ოქმის შედგენის სამართლებრივი საფუძვლები არ არსებობს",- აცხადებენ ცენტრალურ საარჩევნო კომისიაში.


ცესკოს სპიკერის ნათია იოსელიანის განცხადებით, საარჩევნო ადმინისტრაციამ მოიკვლია ბანერების თემა და დაადგინა, რომ მათი განთავსება არ უკავშირდება არც ერთ პოლიტიკურ პარტიას და არ მომხდარა რომელიმე საარჩევნო სუბიექტის დაფინანსებით.

"საარჩევნო ადმინისტრაციამ დეტალურად მოიკვლია ბანერების თემა და დაადგინა, რომ ბანერების დამკვეთი არის ფიზიკური პირი, რომელმაც შპს "ალმას" შეუკვეთა მათი დამზადება-განთავსება, სწორედ ამ კერძო პირის პასუხებიდან ირკვევა, რომ საჩივრებში მითითებული ბანერების დამზადება-განთავსება არ მომხდარა რომელიმე პოლიტიკური პარტიის საარჩევნო სუბიექტის დაფინანსებით. ზემოაღნიშნული გარემოებებიდან გამომდინარე, თბილისსა და სხვა რეგიონებში განთავსებული ბანერები არ არის მიჩნეული საარჩევნო პროგრამად, სწორედ ამიტომ ამ პირის მიმართ სამართალდარღვევის ოქმის შედგენის სამართლებრივი საფუძვლები არ არსებობს"
,- განაცხადა ნათია იოსელიანმა.

ცენტრალურ საარჩევნო კომისიაში, ქვეყნის მასშტაბით განთავსებული ბანერების საქმეზე სამი საჩივარი შევიდა.

"არა ნაცებს, არა ბოროტებას, არა ღალატს" - ამ წარწერებით და სისხლის ლაქებით ბანერი ქუთაისშიც გააკრეს.

ბანერზე "ნაციონალური მოძრაობის", "ევროპული საქართველოსა" და "გირჩის" პოლიტიკურ ლიდერებთან ერთად, გიორგი გახარიაც არის გამოსახული. ფრაზა "არა ღალატს", სავარაუდოდ, სწორედ მას ეკუთვნის, რადგან პრემიერმა ირაკლი ღარიბაშვილმა მმართველი პარტიიდან წასულ გახარიას მოღალატე უწოდა.

ბანერზე, ასევე გამოსახულია ნიკა გვარამია, ჟურნალისტი ნოდარ მელაძე და პოლიტიკოსი გუბაზ სანიკიძე.

უკვე მეორე არჩევნებია "ქართული ოცნება" ოპონენტებთან ბრძოლის ამ გზას ირჩევს. მსგავსი შინაარსის წარწერები მმართველმა პარტიამ ბანერებზე შარშანაც განათავსა.
Print E-mail
FaceBook Twitter
მსგავსი სიახლეები
სერგეი ლავროვთან დაგეგმილ
შეხვედრამდე ერთი დღით ადრე, აშშ-ის სახელმწიფო მდივანი, ენტონი
ბლინკენი, რუსეთის აგრესიულ პოლიტიკაზე ბერლინში
საუბრობს.
16:10 / 21.01.2022
სერგეი ლავროვთან დაგეგმილ შეხვედრამდე ერთი დღით ადრე, აშშ-ის სახელმწიფო მდივანი, ენტონი ბლინკენი, რუსეთის აგრესიულ პოლიტიკაზე ბერლინში საუბრობს.
ქუთაისში სკოლამდელი აღზრდის დაწესებულებები
 მუშაობას 24 იანვარს განაახლებენ.
13:25 / 21.01.2022
ქუთაისში სკოლამდელი აღზრდის დაწესებულებები  მუშაობას 24 იანვარს განაახლებენ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.