ახალი ამბები
მმართველმა პარტიამ იგი სიაში პირველ ნომრად ჩასვა. მხეიძე ქუთაისიპოსტთან საუბარში ამბობს, რომ პარტიის რიგითი ჯარისკაცია და სადაც მმართველ გუნდს დასჭირდება, იქ იქნება.
პარლამენტიდან საკრებულომდე - ვინ არის "ოცნების" სიის პირველი ნომერი ქუთაისში
19:40 / 07.09.2021
ქუთაისის საკრებულოს
წევრობისთვის, ქალაქის ყოფილი მაჟორიტარი დიმიტრი მხეიძე
იბრძოლებს.
მმართველმა პარტიამ იგი სიაში პირველ ნომრად ჩასვა. მხეიძე ქუთაისიპოსტთან საუბარში ამბობს, რომ პარტიის რიგითი ჯარისკაცია და სადაც მმართველ გუნდს დასჭირდება, იქ იქნება.
"დასჭირდება ჩემს გუნდს
რიგითი ჯარისკაცობა? - ვიქნები ჯარისკაცი, დავჭირდები
პარლამენტში? - ვიქნები პარლამენტში, სამინისტროში დასჭირდება?
- იქ ვიქნები, ახლა სჭირდება ჩემი საპარლამენტო გამოცდილება
საკრებულოში და მე მზად ვარ ამისთვის. რაც უნდა ჩემს გუნდს, იმას
ვასრულებ", - ამბობს დიმიტრი მხეიძე.
სიის სათავეში ყოფნის
მიუხედავად, ყოფილი დეპუტატი უარყოფს საკრებულოს შესაძლო
თავმჯდომარეობას და ამბობს, რომ ამ პოსტზე მოქმედი თავმჯდომარე,
ირაკლი შენგელია მოიაზრება, რომელიც ასევე მოხვდა სიის
ათეულში.
"საკრებულოს
თავმჯდომარედ, სავარაუდოდ, ირაკლი შენგელია დარჩება. ჩემთან ამაზე
კონსულტაციები არ ყოფილა. პირველი ნომერი არ ნიშნავს, რომ მე ვიქნები
ამ პოსტზე. არჩევნების შემდეგ გავივლით კონსულტაციებს და
ჩამოვყალიბდებით", - ამბობს ყოფილი მაჟორიტარი.
პარტიულ სიაში მოხვდა "ქართული
ოცნების" ქუთაისის ორგანიზაციის ხელმძღვანელის მოვალეობის
შემსრულებელი, გია ბასილაძეც. ასევე, ცნობილია, რომ საკრებულოს
მოქმედი დეპუტატებიდან პროპორციულ სიაში არიან მარეხი ნიჟარაძე და
მაია სიმონიძე.
რაც შეეხება ნანა კოსტავას,
რომელმაც საზოგადოებას თავი სიძულვილის ენით დაამახსოვრა, როგორც ჩანს, მმართველი პარტიის
ნდობა ვეღარ დაიმსახურა. მეორე შანსი "ქართულმა ოცნებამ" არც ალეკო
ახალაძეს მისცა, რომელიც პარტიაზე განაწყენებულია.
ვის გამოუცხადებს ნდობას
ამომრჩეველი, ეს ერთ თვეზე ნაკლებ დროში გაირკვევა. ადგილობრივი
თვითმმართველობის არჩევნები 2 ოქტომბერს ჩატარდება.
მსგავსი სიახლეები
16:38 / 25.04.2024
წყალტუბოში, ქალაქის ცენტრალურ ქუჩაზე, ერთი ადამიანი დაჭრეს.
13:02 / 25.04.2024
ქუთაისის მუნიციპალიტეტმა თერჯოლის მუნიციპალიტეტს თავის საკუთრებაში
არსებული, გარე განათების მეორადი სანათები გადასცა.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები