ახალი ამბები
პატიმრების ოჯახის წევრები პარლამენტთან აქციას გამართავენ
FaceBook

პატიმრების ოჯახის წევრები, პენიტენციურ სისტემაში კორონავირუსის გავრცელების გამო შექმნილ ვითარებას აპროტესტებენ და  ციხეების განტვირთვას ითხოვენ.


ამ მოთხოვნით, 4 სექტემბერს, პარლამენტთან საპროტესტო აქცია გაიმართება. აქციის მონაწილეები  ვადაზე ადრე გათავისუფლებას, ორი წლის განმავლობაში გრძელვადიანი  პაემნების შეზღუდვის გამო,  კომპენსაციის სახითაც მოითხოვენ. მათი თქმით,  ოჯახის წევრებთან კომუნიკაციის აკრძალვის პირობებში, პატიმრები მძიმე ფსიქოლოგიურ მდგომარეობაში აღმოჩნდნენ.

აქციაზე პეტიციასაც შეადგენენ და პრემიერ მინისტრს, ირაკლი ღარიბაშვილს გაუგზავნიან.

"ჩემი მეუღლე სასჯელს იხდის #2 დაწესებულებაში. პატიმრებს ორი წელია აკრძალული აქვთ ხანგრძლივი პაემნები, რაც ცუდად აისახება პატიმრების ფსიქო-ემოციურ მდგომარეობაზე. მოვითხოვთ მიყენებული ზიანი რაც პატიმრებმა ამ პერიოდის მანძილზე მიიღეს, კომპენსირდეს ამნისტიის სახით. იქ მსჯავრს იხდიან ქრონიკულად დაავადებულებიც, რომლებიც უნდა გათავისუფლდნენ დაუყონებლივ, ვადაზე ადრე გათავისუფლების საშუალებით ან ელექტრონული სამაჯურით. ჩვენი, აქციის მონაწილეების მოთხოვნაა 1/4 ყველა პატიმარს, არა შერჩევით მუხლებს, არამედ ყველას, რადგან პანდემიამ ყველაზე თანაბრად იმოქმედა", - ამბობს ქუთაისის  #2 სასჯელაღსრულების დაწესებულების პატიმრის მეუღლე, სალომე ჟღენტი.

უფლებადამცველები ამბობენ, რომ პატიმრების ოჯახის წევრებისგან მაქსიმალური იზოლირების მიუხედავად, ციხეებში კორონავირუსმა მაინც შეაღწია, რაც სისტემის არაეფექტურობაზე მეტყველებს.

"ორი წელია პატიმრებს, ვირუსის გამო, ოჯახის წევრები არ უნახავთ და რა შედეგი გამოიღო ამან? ვირუსმა მაინც შეაღწია ციხეებში, პატიმრებს კი ფსიქიკა დაუმახინჯეს. ის, რაც ახლა პენიტენციურ სისტემაში ხდება და როგორც ექცევიან პატიმრებს, უთანაბრდება წამებსა და არაადამიანურ მოპყრობას. სასწრაფოდ უნდა მოხდეს ციხეების განტვირთვა და ამასთანავე, პატიმრებს PCR ტესტის საფუძველზე მიეცეთ ოჯახის წევრებთან კომუნიკაციის უფლება",- ამბობს უფლებადამცველი ნათია ჩხეტიანი.

პატიმრების ოჯახის წევრებმა საპროტესტო აქცია მას შემდეგ დაგეგმეს, რაც ცნობილი გახდა, რომ ციხეებში კორონავირუსი უკონტროლოდ გავრცელდა. ბრალდებულთა და მსჯავრდებულ
ა ახლობლების მიერ მომხდარის ღიად საუბრის შემდეგ, სპეციალური პენიტენციური სამსახური იძულებული გახდა ინფორმაცია დაედასტურებინა.  ოფიციალური ინფორმაციით, ცეხეებში 100-ზე მეტი პატიმარია ინფიცირებული, თუმცა, უფლებადამცველთა და პატიმართა ოჯახის წევრები ვარაუდობენ, რომ რეალობა კიდევ უფრო მძიმეა და უწყება ინფორმაციას მალავს.

ამ დროისთვის არსებული ინფორმაციით, კორონავირუსის შემთხვევები დადასტურდა N2, N8 და N14 სასჯელაღსრულების დაწესებულებებში,

 

Print E-mail
FaceBook Twitter
მსგავსი სიახლეები
სერგეი ლავროვთან დაგეგმილ
შეხვედრამდე ერთი დღით ადრე, აშშ-ის სახელმწიფო მდივანი, ენტონი
ბლინკენი, რუსეთის აგრესიულ პოლიტიკაზე ბერლინში
საუბრობს.
16:10 / 21.01.2022
სერგეი ლავროვთან დაგეგმილ შეხვედრამდე ერთი დღით ადრე, აშშ-ის სახელმწიფო მდივანი, ენტონი ბლინკენი, რუსეთის აგრესიულ პოლიტიკაზე ბერლინში საუბრობს.
ქუთაისში სკოლამდელი აღზრდის დაწესებულებები
 მუშაობას 24 იანვარს განაახლებენ.
13:25 / 21.01.2022
ქუთაისში სკოლამდელი აღზრდის დაწესებულებები  მუშაობას 24 იანვარს განაახლებენ.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.