ახალი ამბები
ქუთაისში ერაყელი სტუდენტები გაქურდეს - მე-6 შემთხვევა ერთი წლის მანძილზე
FaceBook

ქუთაისში მცხოვრები ერაყელი სტუდენტები გაქურდეს. წაღებულია 2200 დოლარი და 2 ლეპტოპი.


შემთხვევა 4 დღის წინ, ნინოშვილის ქუჩაზე მოხდა. ერაყელი სტუდენტების თქმით, ბოლო ერთი წლის მანძილზე ეს მათი გაქურდვის მეექვსე შემთხვევაა. აქედან, მათი თქმით, ჯერჯერობით არც ერთი საქმე გამოძიებული არ არის.

ქუთაისში მცხოვრები ერაყელი სტუდენტებიდან აბდულაჰ ალ - მაშადანი პირველი იყო, რომელიც ბოლო ერთი წლის მანძილზე გაქურდეს. სტუდენტის თქმით, მოპარეს 3 000 დოლარი, აიპადი, გალაქსი, საათი, თეფშები, კოვზები და სხვა საყოფაცხოვრებო ნივთები. აბდულაჰ ალ - მაშადანი ყვება რომ ქურდობის ფაქტის შემდეგ ბინა შეიცვალა. თუმცა, როგორც აღნიშნავს, ბინის შეცვლით ერაყელი სტუდენტების ცხოვრებაში ქურდობის ფაქტები არ შეჩერებულა. სტუდენტების თქმით, პირველი შემთხვევის მსგავსი 5 დაფიქსირდა. თუმცა, საქმე ყველა შემთხვევაზე გამოუძიებელია.

"როცა პოლიცია გამოვიძახეთ, ისინი მოვიდნენ. ფორმალურად რაღაცეებზე მოგვაწერინეს ხელი და ამით დამთავრდა ყველაფერი. მაგის მერე არ გამოჩენილან საერთოდ და საქმეც, რა თქმა უნდა არ გამოიძიეს. არადა, 1 წელი გავიდა" - აცხადებს ერაყელი სტუდენტი, აბდულაჰ ალ-მაშადანი.

სტუდენტის თქმით, პოლიცია მათ ყურადღებას აღარ აქცევს.

"მე ვიცოდი, რომ საქართველოში იყო კარგი პოლიციის სისტემა, მაგრამ ახლა ძალიან ცუდი სისტემაა ჩვენთვის. არ გვაქვს მათი იმედი. 6 შემთხვევიდან ერთიც არაა გამოძიებული" - აცხადებს ერთ-ერთი დაზარალებული ავს ფაექი.

საქართველოს შინაგან საქმეთა სამინისტროში "ქუთაისიპოსტს" განუცხადეს, რომ გამოძიება დაწყებულია 177 მუხლით, რაც ქურდობას გულისხმობს. ერაყელი სტუდენტების ბრალდებას კი პოლიციის მხრიდან გამოჩენილი უყურადღებობის ფაქტთან დაკავშირებით სამინისტროში არ ადასტურებენ. სამინისტროს პრესსამსახურის თქმით, პოლიცია ფაქტზე დროულად ახდენს რეაგირებას და აღნიშნულ ფაქტზე გამოძიება მიმდინარეობს.

 

Print E-mail
FaceBook Twitter
მსგავსი სიახლეები
14:43 / 25.05.2024
"ქუთაისიპოსტი" კვირაში რამდენჯერმე შემოგთავაზებთ იმერეთის რეგიონში განხორციელებული იმ პროექტების შესახებ ინფორმაციას, რომლებიც საერთაშორისო პარტნიორების ფინანსური მხარდაჭერით გაკეთდა.
რომ არა დონორების ფინანსური დახმარება, შესაძლოა, დღეს ამ პროექტების დიდი ნაწილი არც განხორციელებულიყო.
ოპოზიციური პარტიები სანქციებთან დაკავშირებით აშშ-ის
სახელმწიფო მდივნის, ენტონი ბლინკენის განცხადებას ეხმაურებიან.
15:10 / 24.05.2024
ოპოზიციური პარტიები სანქციებთან დაკავშირებით აშშ-ის სახელმწიფო მდივნის, ენტონი ბლინკენის განცხადებას ეხმაურებიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.