ახალი ამბები
ადგილობრივი თვითმმართველობა პოტენციურ ინვესტორს 15 მოთხოვნას უყენებს. მთავარი პირობა კლუბის დავალიანების გასტუმრებაა, რომელიც მერიის ინფორმაციით, 2 470 000 ლარია. ახალმა მფლობელმა თანხა წლის ბოლომდე უნდა გადაიხადოს. ასევე, კლუბის განვითარებისთვის ყოველწლიურად მინიმუმ ერთი მილიონი ლარის ინვესტიცია უნდა განახორციელოს. ინვესტორმა, თავად უნდა მოიძიოს დონორები და შემოსავლის ალტერნატიული წყაროები.
რა პირობებით ყიდის ქუთაისის მერია "ტორპედოს"
12:01 / 09.08.2021
საფეხბურთო კლუბი "ტორპედო" ისევ
იყიდება. ქუთაისის მერიამ კლუბი 567 017 ლარად აუქციონზე
გაიტანა.
ადგილობრივი თვითმმართველობა პოტენციურ ინვესტორს 15 მოთხოვნას უყენებს. მთავარი პირობა კლუბის დავალიანების გასტუმრებაა, რომელიც მერიის ინფორმაციით, 2 470 000 ლარია. ახალმა მფლობელმა თანხა წლის ბოლომდე უნდა გადაიხადოს. ასევე, კლუბის განვითარებისთვის ყოველწლიურად მინიმუმ ერთი მილიონი ლარის ინვესტიცია უნდა განახორციელოს. ინვესტორმა, თავად უნდა მოიძიოს დონორები და შემოსავლის ალტერნატიული წყაროები.
"ფეხბურთის განვითარების ფონდის" დაფინანსების შემთხვევაში ეს
თანხა ყოველწლიურად უნდა იყოს 2 500 000 ლარი, ხოლო ფონდის
ფუნქციონირების შეწყვეტის შემთხვევაში, 4 მილიონი ლარი.
მოზიდული თანხის 10% კი უნდა გამოიყენოს კლუბის მატერიალურ-ტექნიკური
ბაზის გაუმჯობესებისთვის.
ახალმა მფლობელმა ყოველწლიურად უნდა
მოიპოვოს უეფასა და ეროვნული ლიცენზიები. წელიწადში 100-დან 2000
ბავშვამდე კონტიგენტისთვის უზრუნველყოს საფეხბურთო
სკოლა-აკადემიისა და ბავშვთა გუნდების ფუნქციონირება. ინვესტორმა,
კლუბში, ყოველი წლის ბოლოს უნდა ჩაატაროს აუდიტორული შემოწმება
და შედეგები მერიას წარუდგინოს.
ქუთაისის მერია კლუბის პოტენციური
მფლობელისგან, ასევე, არაღიარებული ფინანსური ვალდებულებების
შესრულებას ითხოვს. ეს მოთხოვნა მიუღებელია კლუბის შეძენით
დაინტერესებული ინვესტორებისთვის. "ალიანს ჯგუფი", რომელიც ერთ-ერთია,
რომელმაც "ტორპედოში" ინვესტიციის განხორციელების მზაობა
გამოთქვა და საკრებულოს სხდომაზე კლუბის აუქციონზე გატანის საკითხის
განხილვასაც ესწრებოდა, თუმცა, მათი თქმით, მერიის მოთხოვნები
ფინანსურ ნაწილში ბუნდოვანია.
"როცა პირობებში წერია, რომ
მყიდველი ვალდებულია აანაზღაუროს კრედიტორის წინაშე არსებული
დავალიანება, ჩვენ არ ვიცით რა დავალიანებაზეა საუბარი. ერთ-ერთ
პუნქტში, ასევე, წერია რომ არაღიარებულ ვალდებულებებზეც კი ინვესტორმა
უნდა აიღოს პასუხისმგებლობა. გარდა ამისა, პუნქტებში არ წერია რამდენი
წელი უნდა შეასრულოს ეს პირობები შემსყიდველმა. ის, რაც მოვისმინეთ,
ინვესტორისთვის არ არის მომგებიანი", - ამბობს ალიანს
ჰოლდინგის სოციალური საკითხების კოორდინატორმა, დავით
ლორთქიფანიძემ.
აღნიშნული
პირობებიდან ერთ-ერთის შეუსრულებლობის
შემთხვევაში "ტორპედო" მერიას დაუბრუნდება.
ქუთაისის მერიამ "ტორპედო"
აუქციონზე პირველად 2017 წელს გაიტანა. მაშინ კლუბი 300 000 ლარად
გაიყიდა, თუმცა, ზაალ ჩაჩავამ ვალდებულებები ვერ შეასრულა და კლუბი
დატოვა. ამის შემდეგ "ტორპედოთი" იტალიელ ინვესტორთა ჯგუფი
დაინტერესდა, რომლებმაც ასევე, არ შეასრულეს ქუთაისის მერიის წინაშე
აღებული ფინანსური ვალდებულებები.
მსგავსი სიახლეები
08:13 / 18.04.2024
რუსული კანონის წინააღმდეგ მოქალაქეების მშვიდობიანი პროტესტი, გუშინ,
17 აპრილს, თითქმის მთელი ღამის განმავლობაში გრძელდებოდა.
15:30 / 17.04.2024
რუსული კანონის პირველი მოსმენით მიღებას ქუთაისში პროტესტით
გამოეხმაურებიან.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები