ახალი ამბები
ქუთაისის მერმა ჩიხში მიმდინარე გზის სამუშაოები დაათვალიერა
FaceBook
ქუთაისის მერმა იოსებ ხახალეიშვილმა, ქალაქში, სადაც ორი მთავარი ქუჩა გასული წლიდან გადათხრილია, ჩიხში მიმდინარე გზის სამუშაოები დაათვალიერა.

მერი კონსტანტინე გამსახურდიას მე-14 ჩიხში იმყოფებოდა, სადაც ბეტონის საფარი იგება და  ფეხით სავალი ნაწილი კეთდება. სამუშაოებისთვის 168 000 ლარია გამოყოფილი

"ვაგრძელებთ ქალაქში დაგეგმილი ინფრასტრუქტურული პროექტების სამუშაო პროცესების გაცნობას. გამსახურდიას მე-14 ჩიხში გზის კაპიტალური საფარი კეთდება. უნდა აღინიშნოს, რომ ქუჩის ამ მონაკვეთზე გზა არასდროს გაკეთებულა. სამუშაოები რამდენიმე დღეში დასრულდება და მოსახლეობას კომფორტულად გადაადგილების საშუალება ექნება",
- განაცხადა მერმა.
ქუთაისში,  წერეთლის ქუჩა და აღმაშენებლის გამზირი ერთი წელია გადათხრილია. სამუშაოები, რომელიც შვიდ თვეში უნდა დასრულებულიყო, მხოლოდ ნაწილობრივ არის შესრულებული. წერეთლის ქუჩის 2,8 კილომეტრიან მონაკვეთზე პროცესი გზის მხოლოდ ერთ მხარეს მიმდინარეობს. საპირისპირო ნაწილზე კი სამუშაოები არც დაწყებულა. ერთი წელია გადათხრილი და გადაკეტილია წერეთლის ქუჩაც. ორივე ქუჩაზე სამუშაოებს საგზაო დეპარტამენტი ახორციელებს, რასაც ჯამში 14 მილიონ ლარზე მეტი უნდა მოხმარდეს.

რატომ ჭიანურდება პროცესი და როდის დასრულდება ქალაქის ცენტრალური ქუჩების რეკონსტრუქცია, ამაზე ქუთაისის მერს განმარტებაც კი  არ გაუკეთებია.
Print E-mail
FaceBook Twitter



მსგავსი სიახლეები
12:51 / 18.09.2021
"არა ნაცებს, არა ბოროტებას, არა ღალატს" - ამ წარწერებით ბანერი ქუთაისშიც გამოჩნდა.
18 სექტემბრის მონაცემებით სულ ჩატარებულია 1 629 582 აცრა.
12:26 / 18.09.2021
18 სექტემბრის მონაცემებით სულ ჩატარებულია 1 629 582 აცრა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.